🟦🟦🟦🟦

INGLIZ TILI 1-FAKULTETIDA O‘TKAZILGAN TADBIRLAR

📆 Bugun O‘zbekiston davlat jahon tillari universiteti Ingliz tili 1-fakultetida talaba-yoshlarning ma’naviy dunyoqarashini kengaytirish, milliy qadriyatlarga hurmatini oshirish, kitobxonlik madaniyatini rivojlantirish hamda ta’lim va sport sohalaridagi faolligini qo‘llab-quvvatlashga qaratilgan qator tadbirlar tashkil etildi.

🇺🇿 Vatan xotirasi doirasida talabalar «Motamsaro ona» haykalini ziyorat qilib, Ikkinchi jahon urushida halok bo‘lgan yurtdoshlarimiz xotirasiga hurmat bajo keltirdilar.

🌏 “Traditions of Your Native Town” mavzusidagi mashg‘ulotda talabalar O‘zbekistonning milliy an’analari, urf-odatlari va madaniyati bilan tanishib, turli xalqlarning qadriyatlari haqida fikr almashdilar.

✅ “English Club” to‘garagi doirasida 277-IDUMning 5-sinf o‘quvchilari bilan ingliz tili mashg‘ulotlari o‘tkazilib, grammatik bilimlar va o‘qib tushunish ko‘nikmalari mustahkamlandi.

💙 Talabalar turar joyida o‘tkazilgan uchrashuv davomida talabalarning psixologik holati, kayfiyati va yashash sharoitlari o‘rganilib, ularning muammo va takliflari tinglandi.

📚 “Yosh kitobxon” tanlovi davomida talabalar o‘zbek va jahon adabiyoti bo‘yicha bilimlarini, asarlarni tahlil qilish hamda mustaqil fikrlash qobiliyatlarini namoyish etdilar.

🧠 “Zakovat” intellektual o‘yini orqali talabalarning bilim salohiyati, mantiqiy fikrlashi va jamoaviy ishlash ko‘nikmalari sinovdan o‘tkazildi.

✨ Mazkur tadbirlar talaba-yoshlarning ma’naviy kamoloti, intellektual salohiyati, milliy qadriyatlarga hurmati va ijtimoiy faolligini yanada oshirishga qaratildi.

🌐Biz ijtimoiy tarmoqlarda:
📱Telegram | 📱Instagram

🟦🟦🟦
TA’LIM MUHITIDA BULLING, TAZYIQ VA SHILQIMLIKNING OLDINI OLISHGA QARATILGAN SEMINAR-TRENING O‘TKAZILDI

Universitetda talabalar o‘rtasida sog‘lom ma’naviy-psixologik muhitni shakllantirish, bulling, tazyiq va shilqimlik holatlarining oldini olish, shuningdek, talabalarning huquq va majburiyatlari to‘g‘risidagi bilimlarini oshirish maqsadida «Ta’lim muhitida bulling, tazyiq va shilqimlikning oldini olish» mavzusida seminar-trening tashkil etildi.

Mazkur seminar-trening universitet psixologi Z.Xayrullayeva, IPMBIB mutaxassisi D.Matyakubova hamda tyutor N.Masadikova hamkorligida o‘tkazilib, unda ta’lim muassasasida o‘zaro hurmat, tenglik, bag‘rikenglik va xavfsiz muloqot tamoyillarini qaror toptirish masalalariga alohida e’tibor qaratildi.

Seminar davomida bulling, tazyiq va shilqimlik tushunchalarining mazmun-mohiyati, ularning turli ko‘rinishlari, kelib chiqish sabablari hamda talabalarning ruhiy holati, ijtimoiy munosabatlari va ta’lim jarayoniga salbiy ta’siri haqida tushuntirishlar berildi. Shuningdek, bunday holatlarni erta aniqlash, ularning oldini olish va muammoli vaziyatlarda to‘g‘ri munosabat bildirish bo‘yicha tavsiyalar taqdim etildi.

Seminar-treningning asosiy maqsadi — har bir talaba o‘z huquqlarini biladigan, boshqalarning sha’ni va qadr-qimmatini hurmat qiladigan, tazyiq va shilqimlikning har qanday ko‘rinishiga nisbatan murosasiz pozitsiyani egallaydigan hamda xavfsiz ta’lim muhitini yaratishga o‘z hissasini qo‘shadigan mas’uliyatli shaxs bo‘lib shakllanishiga ko‘maklashishdan iborat.

🌐Biz ijtimoiy tarmoqlarda:
📱Telegram | 📱Instagram

🟦🟦🟦
“Qadring baland bo‘lsin, ona tilim!”

21-oktabr — O‘zbek tiliga davlat tili maqomi berilgan kun munosabati bilan Oʻzbekiston davlat jahon tillari universiteti Ingliz tili 1-fakulteti 2-kurs talabasi Sulaymonova Mo‘tabar tomonidan “Zakovat va she’riy kecha” tadbiri tashkil etildi.

Tadbir davomida talabalar o‘z bilim va salohiyatlarini sinovdan o‘tkazib, zakovat savollarida faol ishtirok etdilar. Shuningdek, ona tilimizga bag‘ishlangan go‘zal she’rlar kechaga o‘zgacha fayz va mazmun bag‘ishladi.

Tadbir barchada iliq taassurotlar qoldirib, ona tilimizga bo‘lgan hurmat va muhabbatni yanada mustahkamladi.

🌐Biz ijtimoiy tarmoqlarda:
📱Telegram | 📱Instagram