🟦🟦🟦🟦🟦
ONA TILIM — QALBIM IFTIXORI

O‘zbekiston davlat jahon tillari universiteti Yoshlar ittifoqi tashabbusi bilan 1-ingliz tili fakulteti Mushoira klubida “Ona tilim — qalbim iftixori” nomli davra suhbati tashkil etildi.

Tadbir davomida ona tilimizning milliy o‘zligimiz, ma’naviyatimiz va madaniyatimizdagi beqiyos o‘rni, uning boy tarixi hamda sofligini asrashning ahamiyati haqida fikr-mulohazalar bildirildi. Ishtirokchilar ona tiliga bo‘lgan mehr va hurmatni ifoda etuvchi she’rlar hamda samimiy fikrlari bilan o‘rtoqlashdilar.

Davra suhbati talaba-yoshlarning ona tiliga bo‘lgan muhabbatini yanada oshirish, milliy qadriyatlarimizni e’zozlash va o‘zbek tilining nufuzini yuksaltirishga xizmat qildi.

🌐Biz ijtimoiy tarmoqlarda:
📱Telegram | 📱Instagram

📌“Ilmiy maqola yozishni o‘rganamiz” nomli to‘garak mashg‘uloti bo‘lib o‘tdi

2026-yil 21-oktabr kuni O‘zDJTU Ingliz tili 1-fakulteti Ingliz tilini o‘qitish metodikasi №1-kafedrasi o‘qituvchisi Tursunova Feruza tomonidan “Ilmiy maqolalar yozishni o‘rgatish” nomli to‘garak mashg‘uloti tashkil etildi.

Fakultetning 4-bosqich talabalariga mo‘ljallangan ushbu tadbir yoshlarning ilmiy-tadqiqotga bo‘lgan qiziqishini oshirish va amaliy ko‘nikmalarni shakllantirishga qaratildi.

To‘garak davomida “Maqolaga qo‘yiladigan zamonaviy talablar” mavzusi atroflicha muhokama qilindi.

🌐Biz ijtimoiy tarmoqlarda:
📱Telegram | 📱Instagram

🟦🟦🟦
"21-oktabr — millat ruhining tiklangan kuni" mavzusida ma’naviy-ma’rifiy tadbir o‘tkazildi

O‘zDJTU Ingliz tili 1-fakulteti o‘qituvchilari Tursunova F, Babayeva I, Kuchqarova M tomonidan 2-sonli talabalar turar joyida 21-oktabr — Davlat tili bayrami munosabati bilan talabalar bilan mazmunli uchrashuv va suhbat o‘tkazildi.

Tadbir davomida ona tilimizning boy tarixi, uning go‘zalligi va xalqaro maydondagi nufuzi haqida so‘z bordi. Ayniqsa, uchrashuvning ikkinchi qismi juda jonli va qiziqarli kechdi. Ustozlar va talaba-qizlar o‘rtasida qizg‘in savol-javoblar o‘tkazilib, o‘zaro fikr almashildi.

Muloqot davomida talabalar o‘zbek tilining sofligini saqlash, yoshlar nutq madaniyatini yuksaltirish va ona tilimizni xorijliklarga targ‘ib qilish borasida o‘zlarining taklif va mulohazalarini bildirdilar. Savol-javoblarda faol ishtirok etgan va tilimizga oid qiziqarli ma’lumotlarni ulashgan qizlar alohida e’tirof etildi.

Ushbu tadbir talaba-qizlarning ona tiliga bo‘lgan hurmati va muhabbatini yanada oshirishga xizmat qiladigan g‘oyatda mazmunli davra suhbati bo‘ldi.

🌐Biz ijtimoiy tarmoqlarda:
📱Telegram | 📱Instagram

🧶1-TTJda tikuvchilik va to‘quvchilik to‘garagining ilk mashg‘uloti bo‘lib o‘tdi

Talabalarning bo‘sh vaqtlarini mazmunli tashkil etish, ijodiy qobiliyatlarini rivojlantirish hamda amaliy ko‘nikmalarini oshirish maqsadida 1-sonli talabalar turar joyida tikuvchilik va to‘quvchilik to‘garagi o‘z faoliyatini boshladi.

To‘garak rahbari Aziza Azimova va tashkilotchi Jo‘rayeva Aziza tashabbusi bilan tashkil etilgan ilk mashg‘ulot samimiy va ko‘tarinki ruhda o‘tdi. Mashg‘ulot davomida talaba-qizlar tikuvchilik va to‘quvchilik san’atiga bo‘lgan qiziqishlarini namoyon etib, yangi hunarlarni o‘rganishga ilk qadamlarini qo‘ydilar.

Mazkur to‘garak talaba-qizlarning ijodkorligini rivojlantirish, milliy hunarmandchilik an’analarini davom ettirish hamda ularning bo‘sh vaqtlarini samarali o‘tkazishiga xizmat qiladi.

🌐Biz ijtimoiy tarmoqlarda:
📱Telegram | 📱Instagram

🇺🇿 21-OKTYABR — ÖZBEK TILI BAYRAMI!

📚 FING 2635-guruhi talabalari bilan tahliliy-ma’rifiy tadbir

21-oktyabr — özbek tiliga davlat tili maqomi berilgan kun munosabati bilan FING 2635-guruhi talabalari iştirokida tilimizning boyligi, jozibasi, tarixiy ahamiyati va bugungi kundagi nufuziga bağişlangan tahliliy-ma’rifiy işlar olib borildi.

Tadbir davomida ona tilimizning milliy özligimiz, ma’naviyatimiz va madaniyatimizni namoyon etişdagi beqiyos örni, uni asrab-avaylaş, sofligini saqlaş hamda yoş avlod örtasida nutq madaniyatini yuksaltiriş masalalariga alohida e’tibor qaratildi.

✨ Til — millat közgusi, ma’naviyatimiz timsoli va milliy ğururimizdir!

Ona tilimizga bölgan hurmatni qalbimizda saqlaş, uni e’zozlaş va kelajak avlodga boy meros sifatida yetkaziş har birimizning şarafli burçimizdir.

Tadbir yoşlarning ona tiliga bölgan mehrini yanada oşiriş, milliy qadriyatlarga hurmat ruhini mustahkamlaş hamda ma’naviy dunyoqaraşini boyitişga xizmat qildi.

Tadbir taşkilotçisi: FING 2635-guruhi hamda tyutor M. Kenjayeva

🌐Biz ijtimoiy tarmoqlarda:
📱Telegram | 📱Instagram