Ezgulik va mas’uliyat: "Eco Cleaners" loyiha a’zolari munosib e’tirof etildi ✨

O‘zbekiston davlat jahon tillari universiteti Ingliz tili 1-fakultetining 2528-guruh iqtidorli talabasi Eshmuratova Aysuliw tashabbusi bilan yo‘lga qo‘yilgan "Eco Cleaners" loyihasi o‘zining ijobiy natijalarini ko‘rsatishda davom etmoqda. 🌿

Loyiha doirasida bir oy davomida har hafta qoldirmasdan, universitetimiz binolari va o‘quv xonalarining tozaligi yo‘lida sidqidildan mehnat qilgan fidoiy talaba qizlarimiz bugun maxsus sertifikatlar bilan taqdirlandilar🎓👏

Ushbu davomiy va ibratli harakatga o‘z hissasini qo‘shib kelayotgan quyidagi talabalarimizga alohida minnatdorchilik bildiramiz:
💐 Eshpulatova Dilnura
💐 Norboyeva Dilso'z
💐 Jalolova Gulsanam
💐 Xayrullayeva Madina

Xonalarimiz shinamligi va ozodaligi yo‘lidagi bunday hashar tadbirlari talabalarimizning yuksak madaniyati va o‘z ta’lim dargohiga bo‘lgan muhabbatining namunasidir. ✅

Bugun Ingliz tili 1-fakulteti 2401-guruh talabalari Ingliz tili integrallashgan kursi N1 kafedrasi o'qituvchisi Dilnoza Rasulova boshchiligida O'zbek milliy akademik drama teatriga tashrif buyurishdi. Tashrif Xalqaro teatr kuni munosabati bilan bo'lib o'tayotgan ochiq eshiklar kuni doirasida amalga oshirildi. Ushbu tadbir yoshlarni milliy va zamonaviy teatr san'atiga qiziqtirish, ularning ma'naviy-axloqiy dunyoqarashini kengaytirish hamda bo'sh vaqtlarini mazmunli tashkil etish maqsadida o'tkazildi.

Tashrif davomida talabalar teatr sahnasida namoyish etilgan "Shaddot ona" teatr spektaklini tomosha qildilar. Spektakl voqealari urush davrida kechadi va unda insoniy qadriyatlar hamda shafqatsiz hayotiy manfaatlar to'qnashuvi tasvirlanadi.

Talabalar spektaklni katta qiziqish va e'tibor bilan tomosha qildilar va urushning insoniyatga keltiradigan ma'naviy va jismoniy talafotlari haqida xulosa chiqardilar.

✨ Sport — birlik va g‘alaba ramzi!

O‘zbekiston davlat jahon tillari universiteti Ingliz tili 1-fakulteti talabalari uchun navbatdagi ma’naviy-ma’rifiy tadbir tashkil etildi.

Tyutor J. Achildiyev boshchiligida talabalar Bunyodkor stadioniga tashrif buyurishdi.

🇺🇿 O‘zbekiston 🇬🇦 Gabon

Tashrif davomida talabalar futbol uchrashuvini katta qiziqish va hayajon bilan kuzatib, milliy jamoamizni faol qo‘llab-quvvatlashdi. Stadiondagi jo‘shqin muhit, muxlislarning birdamligi va sportga bo‘lgan muhabbat yoshlar qalbida unutilmas taassurotlar qoldirdi.

Bunday tashriflar talabalarda vatanparvarlik tuyg‘usini mustahkamlash, sportga bo‘lgan qiziqishni oshirish hamda jamoaviylik ruhini rivojlantirishda muhim ahamiyat kasb etadi.

✨Yoshlar — kelajak bunyodkori!
Sport esa sog‘lom hayotning mustahkam poydevoridir! 💫

# Ijtimoiy- psixologik muhit barqarorligi

2026-yil 30-mart kuni O‘zbekiston Davlat Jahon Tillari Universiteti 🇺🇿psixologi Z.T. Xayrullayeva, Ijtimoiy-psixologik muhitni yaxshilash bo‘limi mutaxassisi D.A. Matyakubova va universitet profilaktika inspektori, militsiya mayori S. Sherboev hamda tyutorlar Sh. Xo'janiyozova, M. Allamovalar hamkorligida psixoprofilaktik tadbir tashkil etildi.

👩‍💻🧑‍💻Mazkur tadbirda 1-, 2- va 3-bosqich talaba-yoshlari ishtirok etdi. Tadbir davomida talabalarning darsdan tashqari vaqtdagi odob-axloq me’yorlariga rioya etishi, jamoat joylarida o‘zini tutish madaniyati, talabaning kiyinish madaniyati, ijtimoiy tarmoqlardagi odob-ahloq va salbiy holatlarning oldini olish masalalari yuzasidan targ‘ibot ishlari olib borildi.

📝Tadbirning asosiy maqsadi talabalarda shaxsiy va ijtimoiy mas’uliyatni oshirish hamda universitet sha’nini himoya qilishdan iborat .

✨Muqimiy nomidagi O‘zbek davlat musiqali drama teatrida sahnalashtirilgan “Jaydari kelin” spektaklini tomosha qilish uchun 29-mart kuni ingliz tili 1-fakulteti talabalari va tyutor Azimova A bilan birgalikda tashrif buyurdik.
✨Spektakl davomida milliy qadriyatlarimiz, oilaviy munosabatlar va kulgili hayotiy vaziyatlar mahorat bilan yoritildi. Aktyorlarning jonli ijrosi, sahna bezagi va qiziqarli syujet tomoshabinlarda unutilmas taassurot qoldirdi.
✨Bunday madaniy hordiq nafaqat kayfiyatni ko‘taradi, balki san’atga bo‘lgan qiziqishni yanada oshiradi. Teatr jamoasiga yuqori saviyadagi ijodiy ishlar uchun minnatdorchilik bildiramiz!