🇺🇿✨ “Milliy an’analarimiz va urf-odatlarimiz yoshlar ongida”

📅 Ingliz tili 1-fakulteti tyutori M. Allamova tomonida 1-kurs talabalari ishtirokida har juma kuni “Milliy kun” doirasida ma’naviy-ma’rifiy tadbirlar tashkil etilmoqda.
🧠 Ushbu tadbirlar orqali talaba-yoshlarga milliy an’analarimiz, urf-odatlarimiz, qadriyatlarimiz va boy madaniy merosimiz haqida keng tushunchalar berilmoqda.
🎭 Talabalar tomonidan sahna ko‘rinishlari, milliy qadriyatlarni aks ettiruvchi chiqishlar va qiziqarli suhbatlar tashkil etilib, yoshlarning milliy o‘zligiga bo‘lgan hurmati yanada mustahkamlanmoqda.
🤝 Mazkur tashabbus yoshlarni vatanparvarlik ruhida tarbiyalash, ularning ma’naviy dunyoqarashini boyitish hamda ajdodlar merosiga sadoqat ruhini shakllantirishga xizmat qilmoqda.
🌟 Milliy qadriyatlar — bizning bebaho boyligimiz!
Ularni asrash va davom ettirish — har birimizning burchimiz! 💫

"Dilko'prik" nomli yosh tarjimonlar to'garagiga tashrif.

📍3- aprel 2026-yil sanasida Ingliz tili birinchi fakultetidan bir guruh talabalar Ingliz tili amaliy fanlar 1 kafedrasi o'qituvchisi B. Xolbekova tomonidan O'zbekiston Yozuvchilar uyushmasida tashkil qilingan "Dilko'prik " yosh tarjimonlar to'garagining navbatdagi mashg'ulotiga tashrif buyurishdi.

📎To'garak davomida talabalarga yosh tarjimonlar uchun yaratiladigan imkoniyatlar, mashg‘ulotlar formati va yo‘nalishlari, ustoz-shogird an’anasi asosida ishlash tizimi haqida ma'lumotlar berildi.

📎 Ishtirokchilar o‘zlarini qiziqtirgan savollarga javob oldilar va to‘garakka a’zo bo‘lish istagini bildirdilar.

📌 Mazkur tadbir yosh tarjimonlar uchun muhim platforma bo‘lib xizmat qiladi. U ularning bilim va tajribasini oshirishga, shuningdek, milliy va jahon adabiyoti o‘rtasida mustahkam ko‘prik yaratishga yordam beradi.

✨ “Eco Cleaners” davomiy loyihasi: Ingliz tili 1-fakulteti binosida tozalik harakatlari davom etmoqda!

Tozalik va orastalikni kundalik hayot tarziga aylantirish maqsadida boshlangan “Eco Cleaners” loyihasi ayni damda Ingliz tili 1-fakulteti binosida qizg‘in davom etmoqda.
Mazkur xayrli tashabbus 2528-guruhning iqtidorli talabasi Eshmuratova Aysuliw tomonidan ilgari surilgan bo‘lib, bugungi kunda fakultet yoshlarini yagona maqsad yo‘lida birlashtirmoqda.

Loyiha shunchaki bir martalik aksiya emas, balki davomiy loyiha sifatida rejalashtirilgan. Fakultet binosi va uning atrofida olib borilayotgan hashar davomiy xarakterga ega bo‘lib, har bir hududning pokizaligini doimiy nazoratda ushlashga qaratilgan.

🌟 Maqsadimiz — orasta muhit!
Bugungi jarayonlarda ishtirok etayotgan har bir ko‘ngilli talaba fakultetimiz ko‘rkiga munosib hissa qo‘shmoqda. “Eco Cleaners” loyihasi o‘zining amaliy harakatlari bilan nafaqat binoni tozalashni, balki talabalar uchun yanada shinam va pokiza ta’lim muhitini yaratishni davom ettiradi.

Tozalik — go‘zal hayot va muvaffaqiyatli ta’lim poydevoridir! 🌍🧹

🇺🇿✨ Milliylikka targ‘ib — amalda!

👩‍🎓 Ingliz tili 1-fakulteti tyutori M. Allamova boshchiligida fakultet bo‘ylab talaba-qizlarimiz milliy liboslarda targ‘ibot ishlarini olib bordilar.

👗 Milliy kiyimlarda namoyon bo‘lgan talaba-yoshlar o‘zbekona urf-odatlarimiz, qadriyatlarimiz va milliy o‘zligimizni keng targ‘ib etib, barchaga iliq taassurot ulashdilar.

🤝 Mazkur tashabbus yoshlar qalbida milliylikka bo‘lgan hurmatni yanada mustahkamlash, milliy qadriyatlarimizni asrab-avaylash va ularni keng ommaga targ‘ib qilishga xizmat qilmoqda.

🌟 Milliyligimiz — faxrimiz!
Uni asrash va targ‘ib qilish — barchamizning muqaddas burchimiz! 💫