🏛✨ Amir Temur tavalludining 690 yilligiga bag‘ishlangan ma’naviy-ma’rifiy tadbir

🇺🇿 Ingliz tili 1-fakulteti tyutorlari M. Allamova hamda Yu. Tadjiyeva boshchiligida 2515-, 2516- va 2518-guruhlar talabalari ishtirokida buyuk sarkarda va davlat arbobi Amir Temur tavalludining 690 yilligiga bag‘ishlangan tadbir tashkil etildi.

🎭 Tadbir davomida talabalar tomonidan sahna ko‘rinishlari, “Zaynab nolasi” monologi, she’riy chiqishlar hamda milliy raqslar namoyish etildi. Har bir chiqish orqali Amir Temurning jasorati, dono siyosati va buyuk merosi yorqin ifoda etildi.

🧠 Shuningdek, tadbirda Amir Temurning hayoti, uning davlat boshqaruvidagi o‘rni hamda yoshlar uchun ibrat bo‘ladigan fazilatlari haqida qiziqarli ma’lumotlar berildi.


🌟 Buyuk ajdodlar - buyuk kelajak poydevori!
Ularning merosi bizga ilhom va kuch bag‘ishlaydi! 💫

📌 Ingiliz tili 1-fakultetida profilaktik tadbir o'tkazildi

Ingliz tili 1-fakultetida talaba-yoshlar ishtirokida muhim profilaktik suhbat tashkil etildi. Mazkur uchrashuv Uchtepa tumani IIO FMB JQB T/V leytenanti Sh.Sh. Nurahmadov tomonidan olib borildi.

Suhbat davomida giyohvandlikka qarshi kurashish, jinoyatchilikning oldini olish hamda uning jamiyat va inson hayotiga salbiy ta’siri haqida atroflicha ma’lumot berildi. Shuningdek, yoshlar o‘rtasida huquqbuzarliklarning oldini olish, huquqiy madaniyatni yuksaltirish va ongli hayot tarzini shakllantirish masalalari keng muhokama qilindi.

Tadbirda profilaktika inspektorlari — Nurmuhammedova Madina Xasanovna hamda Sherbayev Sanjar Tillakabilovich ham ishtirok etdilar

Mutaxassis tomonidan talabalarga sog‘lom turmush tarzini tanlash, qonunlarga hurmat bilan qarash va har bir inson o‘z kelajagi uchun mas’ul ekanligi alohida ta’kidlab o‘tildi.

@first_faculty_official

📚✨ “Yulduzli tunlar” asari asosida ochiq havoda kitobxonlik

🇺🇿 Ingliz tili 1-fakulteti tyutori M. Allamova tashabbusi bilan 2515- va 2516-guruh talabalari ishtirokida atoqli yozuvchi Primqul Qodirovning mashhur “Yulduzli tunlar” asari asosida ochiq havoda kitobxonlik tadbiri tashkil etildi.
🌿 Ochiq havoda tashkil etilgan ushbu kitobxonlik jarayoni talabalarga asarni yanada chuqur his etish, obrazlar ruhiyatini anglash hamda tarixiy voqealarni jonli tasavvur qilish imkonini berdi.
📖 Talabalar asardan parchalar o‘qib, o‘z fikr va mulohazalari bilan o‘rtoqlashdilar. Bu esa ularning mutolaa madaniyatini rivojlantirish va badiiy tafakkurini boyitishga xizmat qildi.
🤝 Mazkur tadbir yoshlar o‘rtasida kitobxonlikni targ‘ib qilish, ularning bo‘sh vaqtini mazmunli tashkil etish hamda adabiyotga bo‘lgan qiziqishini oshirishga yordam berdi.

🌟 Kitob - tafakkur qanoti!
Mutolaa qilgan inson - doimo yuksalishda! 💫

Bugun O‘zbekiston Davlat Jahon tillari universiteti Ingliz tili 1-fakulteti, Ingliz tili integrallashgan kursi 1-kafedrasi 2412-guruh talabalari ustozlari Irgasheva Zulfizar boshchiligida Zangiota ziyoratgohiga tashrif buyurishdi.

Mazkur ziyorat davomida talabalar yurtimizdagi muqaddas maskanlardan biri bo‘lgan Zangiota majmuasining boy tarixi, uning xalqimiz ma’naviy hayotidagi o‘rni haqida batafsil ma’lumotlarga ega bo‘lishdi. Zangiota ziyoratgohi asrlar davomida ezgulik, sabr-toqat va poklik timsoli sifatida qadrlanib kelinayotgani alohida ta’kidlandi.

Talabalar ziyorat davomida nafaqat tarixiy obidalar bilan tanishdilar, balki o‘zaro suhbatlar orqali milliy qadriyatlarimiz, urf-odatlarimiz va ajdodlarimiz merosiga bo‘lgan hurmat tuyg‘ularini yanada mustahkamlashdi. Bunday ma’naviy-ma’rifiy tashriflar yoshlarning dunyoqarashini kengaytirish, ularni komil inson bo‘lib yetishishida muhim o‘rin tutadi.

Safar davomida iliq muhit, samimiy muloqot va unutilmas taassurotlar hukm surdi. Ushbu tashrif har bir ishtirokchining qalbida yorqin xotira bo‘lib qolishi shubhasiz.