“Eco Cleaners” ko’ngillilar loyihasi: Tozalik va tartib — fakultetimizning doimiy ustuvorligi!

Fakultetimizda tozalik madaniyatini shakllantirish va namunali ta’lim muhitini saqlash maqsadida boshlangan “Eco Cleaners” ko’ngillilar loyihasi doirasidagi ishlar qat’iy tartibda davomiy amalga oshirib kelinmoqda.

Navbatdagi jarayonda Ingliz tili 1-fakulteti dekani tashabbusi bilan fakultet binosidagi dars xonalari to‘liq tozalanib, tartibga keltirildi. Ushbu xayrli hashar tadbiri talabalar uchun shinam va ozoda muhitda bilim olish imkoniyatini yanada yaxshilashga xizmat qiladi.

Ta’kidlash joizki, "Eco Cleaners" — bu shunchaki vaqtinchalik harakat emas, balki fakultetimiz hayotidagi davomiy an’anadir. Binoning har bir hududida pokizalikni saqlash va talaba-yoshlar o‘rtasida ekologik mas’uliyatni oshirish bo‘yicha tizimli ishlar bundan buyon ham muntazam ravishda olib boriladi.

🌟 Maqsadimiz bitta: Jamoaviy hamjihatlik orqali fakultetimizni eng ozoda va fayzli maskanga aylantirish!

Tozalik — go‘zal hayot va muvaffaqiyatli ta’lim poydevoridir! 🌍🧹

🎓 Xalqaro uchrashuv doirasida bahs-munozara tashkil etildi

📍 Ingliz tili amaliy fanlar N1 kafedrasi professori Dildora Isroilovaning 2517-2524-guruh talabalari Qirgʻiziston Respublikasining Oʻsh davlat universitetiga tashrif buyurishdi.

Tashrif davomida talabalar Oʻzbekiston davlat jahon tillari universiteti vakillari sifatida Oʻsh davlat universiteti talabalari bilan “Intercultural communication and relationships” mavzusida qiziqarli va mazmunli debat olib borishdi.

🌍 Mazkur bahs davomida ishtirokchilar turli madaniyat vakillari o‘rtasidagi muloqot, o‘zaro tushunish, stereotiplar, madaniy farqlar va ularning insoniy munosabatlarga ta’siri kabi dolzarb masalalarni muhokama qilishdi. Har ikki tomon o‘z fikrlarini aniq dalillar, hayotiy misollar va zamonaviy qarashlar asosida himoya qilishdi.

🗣 Debat jarayoni yuqori saviyada, faol ishtirok va sog‘lom raqobat ruhida o‘tdi. Talabalar o‘zlarining nutq mahorati, tanqidiy fikrlash qobiliyati va mavzuni chuqur anglaganliklarini namoyon etishdi.

🏆 Yakuniy natijalarga ko‘ra, bahsda Oʻzbekiston davlat jahon tillari universiteti talabalari ustunlikka erishib, g‘olib deb topildi.

✨ Ushbu debat talabalarning bilim va ko‘nikmalarini mustahkamlash, madaniyatlararo muloqotni rivojlantirish hamda xalqaro do‘stlik aloqalarini yanada mustahkamlashda muhim ahamiyat kasb etdi.

Sergeli tumanidagi maktabda ingliz tili to‘garagi mashg‘uloti tashkil etildi.

Xorijiy tillarni o‘qitish markazlari faoliyati doirasida ingliz tili to‘garaklari samarali tarzda tashkil etib kelinmoqda.

Jumladan, 2026-yil 11- aprel kuni Sergeli tumani 104-sonli umumta’lim maktabida ingliz tili bo‘yicha navbatdagi to‘garak mashg‘uloti bo‘lib o‘tdi. Mazkur mashg‘ulot O‘zbekiston davlat jahon tillari universiteti Ingliz tili birinchi fakulteti Ingliz tilini o'qitish metodikasi N1 kafedrasiga qarashli 2210- guruh talabasi Qudratova Durdona tomonidan tashkil etildi.

Mashg‘ulot davomida o‘quvchilar bilan ingliz tili grammatikasi va lug‘at boyligini mustahkamlashga qaratilgan amaliy mashqlar bajarildi. Xususan, Yes/No questions, -wh- questions kabi mavzular asosida turli mashq va topshiriqlar ustida ishlanib, o‘quvchilarning bilim va ko‘nikmalarini rivojlantirishga alohida e’tibor qaratildi.