📚 Bugun ilm va ma’naviyat uyg‘unlashgan unutilmas kun bo‘ldi!

Oʻzbekiston davlat jahon tillari universiteti Umumiy tilshunoslik kafedrasi o‘qituvchisi Xo‘jayev Dilshod G‘ayratovich boshchiligida bir guruh talabalar Islom sivilizatsiyasi markaziga tashrif buyurdilar. Tashrif davomida talabalar markazning boy tarixiy merosi, noyob qo‘lyozmalari hamda zamonaviy ekspozitsiyalari bilan yaqindan tanishdilar.

🧠 Ilmiy suhbat mavzusi:
Tilshunoslikda antroposentrizm masalasi

Muhokama jarayonida:
— til va inson o‘rtasidagi uzviy bog‘liqlik
— nutq faoliyatida inson omilining roli
— zamonaviy lingvistik yondashuvlar

kabi muhim masalalar yuzasidan fikr almashildi. Talabalar o‘zlarini qiziqtirgan savollarga javob olib, ilmiy tafakkurlarini yanada boyitdilar. Bunday amaliy tashriflar nazariy bilimlarni mustahkamlashda muhim ahamiyat kasb etadi.

✨ Ilm sari yana bir muhim qadam!

O‘zDJTUda psixologik trening tashkil etildi
Joriy yilning 15-aprel sanasida O‘zbekiston Davlat Jahon Tillari universitet psixologi Z.T. Xayrullayeva hamda Ingliz tili 1-fakulteti tyutori M. Kenjayeva hamkorligida talabalar o‘rtasidagi o‘zaro hamjihatlikni mustahkamlashga qaratilgan psixologik trening mashg‘uloti o‘tkazildi.
Treningning asosiy maqsadi - talaba-o‘quvchilar va professor-o‘qituvchilar o‘rtasida yuzaga kelishi mumkin bo‘lgan nomutanosiblikni bartaraf etish, hamda universitetdagi ijtimoiy-ma’naviy muhitni sog‘lomlashtirishdan iborat bo‘ldi.
Mashg‘ulot davomida ishtirokchilar o‘rtasidagi muloqot va o‘zaro ishonchni kuchaytirish uchun qator psixologik o‘yinlar va interaktiv usullar qo‘llanildi. Ushbu psixologik suhbat orqali o’z fikr va taassurotlarini erkin ifoda qilish imkoniyatiga ega bo‘lishdi.

Ingliz tili birinchi fakulteti tyutorlari D.D. Xurramova va Sh. Xo‘janiyozova tashabbusi bilan 1-bosqich talabalari ishtirokida O‘zbekiston xalq shoiri Abdulla Oripov ijodiga bag‘ishlangan ma’naviy-ma’rifiy adabiy kecha tashkil etildi.

Mazkur tadbir talabalarda milliy adabiyotimizga bo‘lgan qiziqishni oshirish, buyuk shoirning boy ijodiy merosini keng targ‘ib etish hamda ularning badiiy tafakkurini rivojlantirish maqsadida o‘tkazildi.

Adabiy kecha davomida talabalar tomonidan Abdulla Oripovning hayoti va ijodiy faoliyati haqida atroflicha ma’lumotlar berildi. Xususan, shoirning o‘zbek adabiyotidagi o‘rni, uning she’riyatida Vatanga muhabbat, insoniylik, sadoqat va yuksak ma’naviyat g‘oyalari chuqur ifoda etilgani alohida ta’kidlandi. Tadbir ishtirokchilari tomonidan shoirning mashhur she’rlari — “O‘zbekiston”, “Sen yetim emassan”, “Ona tilimga”, “Men nechun sevaman O‘zbekistonni” kabi asarlari ifodali tarzda o‘qildi va tahlil qilindi.

Shuningdek, adabiy kechada Abdulla Oripovning “Haj daftari”, “Yillar armoni”, “Munojot”, “Najot qal’asi” kabi kitoblari haqida ham so‘z yuritilib, ularning mazmun-mohiyati keng yoritib berildi. Talabalar ushbu asarlar orqali shoirning falsafiy qarashlari, hayotiy tajribasi va inson ruhiyati tasviridagi mahoratini chuqur his etganliklarini bildirdilar.

Tadbir davomida sahna ko‘rinishlari, badiiy chiqishlar va she’rxonliklar tashkil etilib, adabiy muhit yanada jonlantirildi. Bu esa talabalarning ijodiy qobiliyatlarini namoyon etish bilan birga, ularning nutq madaniyatini va sahna madaniyatini rivojlantirishga xizmat qildi.

🌟 Salomatlik – tuman boylik: Universitetimizda "Jahon salomatligi kuni" keng nishonlandi!

Bugungi shiddatli zamonda sog‘lom turmush tarziga amal qilish har bir yoshning asosiy vazifasidir. Shu munosabat bilan universitetimizda talabalarning tibbiy savodxonligini oshirish maqsadida mazmunli tadbir tashkil etildi.🩺🍎

🔹 Tadbir tashkilotchilari:
Tajribali tyutorimiz Allamova Mavluda Komilboyevna boshchiligida hamda universitetimizning malakali hamshirasi Abdusattorova Nigora O‘rolboevna ishtirokida davra suhbati o‘tkazildi.

👥 Ishtirokchilar:
Tadbirda 2510, 2511, 2513, 2518 hamda 2508-guruh talabalari faol ishtirok etishdi. 🎓

📌 Tadbir davomida nimalar muhokama qilindi?
✅ To‘g‘ri ovqatlanish va uyqu rejimiga amal qilish;
✅ Bahorgi mavsumiy kasalliklarning oldini olish;
✅ Talabalar o‘rtasida jismoniy tarbiya va sportning ahamiyati;
✅ Shaxsiy gigiyena qoidalariga rioya qilish bo‘yicha muhim tavsiyalar.

Hamshira Nigora O‘rolboevna talabalarga kundalik hayotda kerak bo‘ladigan birinchi tibbiy yordam ko‘rsatish va salomatlikni asrashning "oltin qoidalari" haqida amaliy maslahatlar berib o‘tdi. 👩‍⚕️✨

Uchrashuv qizg‘in savol-javoblar va interaktiv muloqot tarzida o‘tdi. Tyutor Mavluda Komilboyevna ta’kidlaganidek: "Sog‘lom talaba — jamiyatimizning mustahkam ustuni va porloq kelajagi demakdir!"

🚀 Salomatligingizga bugundan e’tiborli bo‘ling!

#JahonSalomatligiKuni #SoglomTurmushTarzi #UniversitetHayoti #Talabalar #TibbiyMadaniyat #Salomatlik