🎙 SHE’RNI IFODALI O‘QISH TANLOVI BO‘LIB O‘TDI 🎙

O‘zDJTU Ingliz tili 1-fakulteti Ingliz tilini o‘qitish metodikasi N1 kafedrasi mudiri V.R. Ochilova hamda iqtidorli talaba Erkinboyeva Aziza Ruslonovna tashabbusi bilan ijodiy tanlov doirasida “She’rni ifodali o‘qish” yo‘nalishi bo‘yicha bellashuv bo‘lib o‘tdi 📚✨

📌 Tanlovdan ko‘zlangan maqsad — iqtidorli talabalarni aniqlash, ularning ijodiy salohiyatini rivojlantirish, she’riyatga bo‘lgan qiziqishini oshirish hamda iste’dodli yoshlarni qo‘llab-quvvatlashdan iborat.

🏆 Tanlov yakunida ishtirokchilar o‘z mahoratlarini namoyon etib, hakamlar hay’ati jumladan, o'qituvchilarimiz Zakirova Nigora, Kuchkarova Maftuna va Turaxonova Badia tomonidan munosib baholandi. Eng yaxshi deb topilgan ishtirokchilar nominatsiyalar bo‘yicha aniqlanib, maxsus sertifikatlar hamda esdalik sovg‘alari bilan taqdirlandilar 🎁

✨ Keyingi tanlovlarimizda barcha ishtirokchilarga omad tilaymiz!

🇺🇿O’zDJTU
Ingliz tili birinchi fakultetida ta’lim-tarbiya jarayonini yanada samarali tashkil etish, talaba-yoshlarning bo‘sh vaqtlarini mazmunli o‘tkazish hamda ularni sog‘lom turmush tarziga yo‘naltirish maqsadida “Besh muhim tashabbus” doirasida navbatdagi sport mashg‘ulotlari tashkil etildi. Mazkur tadbirda fakultet tyutorlari D.D. Xurramova, N. Masadikova va M. Kenjayevalar boshchiligida 1- va 3-bosqich talabalari faol ishtirok etdilar.

Sport mashg‘ulotlari davomida talabalar o‘rtasida jamoaviylik, hamjihatlik va sog‘lom raqobat muhitini shakllantirishga alohida e’tibor qaratildi. Turli sport o‘yinlari va jismoniy mashqlar orqali yoshlarning nafaqat jismoniy chiniqishi, balki ularning ijtimoiy faolligi va jamoada ishlash ko‘nikmalarini rivojlantirishga xizmat qilindi.

🏀Tadbir davomida tyutorlar tomonidan talabalarga sog‘lom turmush tarzining ahamiyati, muntazam jismoniy faollikning inson salomatligiga ijobiy ta’siri haqida ham tushuntirish ishlari olib borildi. Talabalar mashg‘ulotlarda yuqori kayfiyat va katta qiziqish bilan qatnashib, o‘zlarining sportga bo‘lgan qiziqishlarini yana-da mustahkamlashdi.

🏆Mazkur sport mashg‘ulotlari “Besh muhim tashabbus”ning yoshlar ma’naviyati va jismoniy barkamolligini ta’minlashga qaratilgan yo‘nalishlari doirasida samarali tashkil etilgan bo‘lib, kelgusida bunday tadbirlarni muntazam ravishda o‘tkazish rejalashtirilmoqda.

Sergeli tumanidagi umumta’lim maktabida ingliz tili to‘garagi mashg‘uloti o‘tkazildi.

Jumladan, 2026-yil 18-aprel kuni Sergeli tumani 104-sonli umumta’lim maktabida ingliz tili fanidan navbatdagi to‘garak mashg‘uloti bo‘lib o‘tdi. Ushbu mashg‘ulot O‘zbekiston davlat jahon tillari universiteti Ingliz tili birinchi fakulteti, Ingliz tilini o'qitish metodikasi N1 kafedrasiga qarashli 2210-guruh talabasi Elmurodova Sevinch tomonidan olib borildi.

Mashg‘ulot jarayonida o‘quvchilar bilan ingliz tilida sifatlar (adjectives) hamda ularning qiyosiy darajalari (comparative forms) mavzulari yuzasidan amaliy ishlar tashkil etildi. Dars davomida o‘quvchilarning lug‘at boyligini kengaytirish, sifatlarni to‘g‘ri qo‘llash va taqqoslash ko‘nikmalarini shakllantirishga qaratilgan turli interaktiv mashqlar bajarildi. Shuningdek, mavzuni mustahkamlash maqsadida misollar asosida ishlanib, o‘quvchilarning faol ishtiroki ta’minlandi.

📚 “Kelajak soati” – ma’rifat bilan kelajakka qadam!

Bugungi globallashuv davrida milliy o‘zlikni anglash va unga sodiq qolish har bir yosh uchun muhim ahamiyat kasb etadi. Shu bois universitetimizda “Kelajak soati” doirasida “Ma’rifat darsi”mavzusi — “Milliy o‘zlik” keng yoritildi. 🌍📖

🔹 Tadbir tashkilotchisi:
Tyutor Allamova Mavluda Komilboyevna boshchiligida mazkur dars yuqori saviyada tashkil etildi.

👥 Ishtirokchilar:
Darsda 2511, 2513, 2514, 2518-guruh talabalari faol qatnashib, mavzuga oid fikr va mulohazalari bilan o‘rtoqlashdilar. 🎓

📌 Dars davomida muhokama qilingan masalalar:
✅ Milliy o‘zlik tushunchasi va uning mazmun-mohiyati;
✅ Milliy qadriyatlar, an’ana va urf-odatlarning jamiyat hayotidagi o‘rni;
✅ Yoshlar ongida milliy g‘urur va vatanparvarlik tuyg‘ularini shakllantirish;
✅ Globallashuv sharoitida milliylikni asrab-avaylash masalalari.

💬 Mashg‘ulot interaktiv usullarda olib borilib, talabalar o‘rtasida qizg‘in munozaralar, savol-javoblar va fikr almashinuvi tashkil etildi.