🎞 Oʻzbekiston davlat jahon tillari universiteti Ingliz tili 1-fakulteti 2517-guruh talabalari hamda Jahon adabiyoti kafedrasi katta oʻqituvchisi Ollaberganova D.(PhD) tashabbusi bilan mazmunan boy va badiiy jihatdan yuksak darajada sahna koʻrinishlari tashkil etildi. Ushbu tadbir talaba-yoshlarning ijodiy salohiyatini namoyon etish, ularning sahna madaniyati va badiiy tafakkurini rivojlantirishga qaratilgan muhim tashabbuslardan biri boʻldi.

📜 Tadbir davomida “Kuyov” spektakli talaba-yoshlar tomonidan katta mahorat, sahnaviy madaniyat va obrazlarga chuqur kirib borish orqali sahnalashtirildi. Har bir rol ijrochisi oʻz obrazini ishonarli va ta’sirchan tarzda gavdalantirib, tomoshabinlar e’tiborini oʻziga jalb qila oldi. Spektakl jarayonida sahna bezaklari, aktyorlik mahorati hamda jonli ijro uygʻunligi tadbirga alohida ruh bagʻishladi.
🎓 Mazkur sahna koʻrinishi tadbirga tashrif buyurgan mehmonlar va tomoshabinlarda katta taassurot qoldirdi. Ayniqsa, yosh ijrochilarning sahnadagi ishonchli harakati, nutq madaniyati va ijodiy yondashuvi yuqori baholandi.

📌 Bunday madaniy-ma’rifiy tadbirlar talabalarning nafaqat ijodiy qobiliyatini rivojlantirish, balki ularning jamoada ishlash, erkin fikrlash va oʻz iste’dodini namoyon etish koʻnikmalarini shakllantirishda muhim ahamiyat kasb etadi. Shu bilan birga, bu kabi tashabbuslar yoshlarning sahna san’ati va umumiy madaniyatga boʻlgan qiziqishini yanada oshirishga xizmat qiladi.

📚 Oʻzbekiston davlat jahon tillari universiteti Ingliz tili 1-fakulteti 2518-guruh talabalari hamda Jahon adabiyoti kafedrasi katta oʻqituvchisi Ollaberganova D.(PhD) tashabbusi bilan badiiy jihatdan puxta ishlangan sahna koʻrinishi tashkil etildi. Ushbu tadbir talaba-yoshlarning ijodiy imkoniyatlarini yuzaga chiqarish, ularning sahna madaniyati va estetik didini yuksaltirishga qaratilgan muhim madaniy tashabbus sifatida e’tirof etildi.

💡 Tadbir davomida “Kelinlar qoʻzgʻoloni” spektakli talaba-yoshlar tomonidan yuksak mahorat bilan ijro etildi. Asar sahnalashtirish jarayonida talabalar oʻzlariga biriktirilgan rollarga chuqur yondashib, har bir obrazni ishonarli va ta’sirchan tarzda gavdalantira oldilar. Ular sahnada nafaqat aktyorlik mahoratini, balki nutq ravonligi, harakat uygʻunligi hamda sahnaviy madaniyatni ham yuqori darajada namoyon etdilar.
Talabalar oʻz zimmasiga yuklatilgan mas’uliyatni chuqur his qilgan holda, spektakl davomida puxta tayyorgarlik va jiddiy yondashuv natijasida yuqori saviyadagi ijroni taqdim etdilar. Sahnadagi har bir epizod tomoshabinni oʻziga jalb etib, asarning mazmun-mohiyatini yanada yorqinroq ochib berdi.

📺 Mazkur sahna koʻrinishi nafaqat ishtirokchi talabalar, balki tadbirga tashrif buyurgan mehmonlar va tomoshabinlarda ham katta taassurot qoldirdi. Yosh ijrochilarning ijodiy yondashuvi, obrazlarga kirib borish qobiliyati va sahnadagi erkin harakati keng e’tirof etildi hamda ularning mahorati alohida tahsinga sazovor boʻldi.

📌 Shu kabi madaniy-ma’rifiy tadbirlar talabalarning ijodiy fikrlashini rivojlantirish, ularning oʻz ustida ishlashga boʻlgan intilishini kuchaytirish hamda sahna san’ati va milliy madaniyatga boʻlgan qiziqishini yanada oshirishda muhim ahamiyat kasb etadi.

📍 Toshkent zilzilasi – tarix sabog‘i
⚡️Bugun talaba-yoshlar bilan tyutor J.Achildiyev va A.Azimova 1966-yil 26-aprel kuni sodir bo‘lgan Toshkent zilzilasi xotirasiga bag‘ishlangan suhbat tashkil etildi. Ushbu tarixiy voqea yurtimiz uchun og‘ir sinov bo‘lgan bo‘lsa-da, xalqimizning sabr-toqati, matonati va birdamligini yaqqol namoyon etgan.
✨Suhbat davomida talabalar bilan ushbu fojianing oqibatlari, shaharni qayta tiklash jarayonlari hamda o‘sha davrdagi insoniy hamjihatlik haqida fikr almashildi. Ayniqsa, turli hududlardan kelgan yordam va qo‘llab-quvvatlash Toshkentning qisqa muddatda qayta tiklanishiga zamin yaratgani alohida ta’kidlandi.
Bunday tarixiy voqealarni yodga olish yoshlar ongida Vatanga muhabbat, qiyinchiliklarga bardoshlilik va birlik tuyg‘ularini mustahkamlashda muhim ahamiyat kasb etadi.
🕊 Eslaymiz. Qadriga yetamiz. Xulosa chiqaramiz.

🇮🇩🇺🇿O‘zDJTU Ingliz tili 1-fakulteti talabalari Indoneziyaning Surabaya Universiteti qoshidagi LabSchoolda malakaviy amaliyot dasturining ilk kunini rasman boshladilar.

Malakaviy amaliyot doirasida ochilish marosimi hamda Surabaya universiteti kampusi bilan tanishtiruv tadbiri bo‘lib o‘tdi. Tadbir yuqori saviyada va ilhomlantiruvchi ruhda tashkil etildi.

Mazkur amaliyot talabalarning nazariy bilimlarini mustahkamlash, xalqaro tajriba orttirish hamda kasbiy ko‘nikmalarini rivojlantirishda muhim ahamiyat kasb etadi.

Talabalarimizga kelgusi faoliyatlarida ulkan muvaffaqiyatlar, yangi yutuqlar va omad tilaymiz.

Yangiliklardan xabardor bo‘lib borish uchun kanalimizni kuzatib boring.

@UzWAVE_center