✅Universitetimizda boshlangan “She'riyat gulshani” tanlovi bugun yanada ko‘tarinki ruhda davom etdi. Ingliz tili 1-fakulteti iqtidorli talabasi 2405 guruhidan Najmiddinova Nigora tashabbusi bilan tashkil etilgan ushbu tadbirda tyutorlar A. Azimova Sh.Tursunova N. Masadikova va M.Allamovalar hakamlik qilishdi. Ushbu tanlovni buyuk shoirimiz haykali yonida davom ettirib, adabiyotga bo‘lgan mehr va qiziqishlarini yana bir bor namoyon etishdi.
✨Tanlov davomida ishtirokchilar o‘z iqtidorlari, bilim va salohiyatlarini namoyish etib, she’riyat va ijod olamiga bo‘lgan cheksiz muhabbatlarini ifoda etdilar. Ayniqsa, shoir haykali yonida o‘tkazilgan ushbu jarayon barchaga o‘zgacha ilhom bag‘ishladi.
💥Bunday ma’naviy-ma’rifiy tadbirlar yoshlarimiz qalbida Vatanga muhabbat, milliy qadriyatlarga hurmat hamda ijodga intilishni yanada kuchaytiradi.
Tanlovavda 🥇1-o'rin Ibrohimova Ra'nogul
🥈2-o'rin Karomova Mehribon
🥉3-o'rin Uralova Sevgiga nasib etti.
💫Tanlovdan so'ng she'riyat haqida suhbatlar qurdik

🌿 Tozalikni odatga aylantiramiz: “Eco Cleaners” navbatdagi qadamda!

Joriy yilning 1-may kuni Ingliz tili 1-fakultetida an’anaviy ravishda o‘tkazib kelinayotgan “Eco Cleaners” loyihasining navbatdagi tozalash ishlari yuqori kayfiyatda tashkil etildi.

Mazkur tashabbus fakultet dekani Guli Ergasheva qo’llab-quvvatlashi hamda 2528-guruhning iqtidorli talabasi Eshmuratova Aysuliw boshchiligida talabalarni ezgu maqsad yo‘lida birlashtirishda davom etmoqda. Har haftalik an’anaga aylangan ushbu jarayon nafaqat hudud tozaligini, balki jamoaviy mas’uliyatni ham mustahkamlamoqda.

Loyiha doirasida amalga oshirilgan ishlar:
• Haftalik izchillik: May oyining ilk kunida ham ko‘ngillilar jamoasi fakultet hududini tartibga keltirish uchun faol jam bo‘ldilar.
• Ekologik targ‘ibot: Loyiha orqali talabalar o‘rtasida tabiatga daxldorlik hissi va ekologik madaniyatni yuksaltirish asosiy vazifa qilib belgilangan.
• Birdamlik kuchi: Jamoaviy mehnat natijasida fakultetimiz hududi yanada ozoda va fayzli ko‘rinishga keldi.

“Eco Cleaners” — bu shunchaki tozalash ishlari emas, balki biz yashab turgan atrof-muhitga bo‘lgan g‘amxo‘rligimiz ramzidir. Ushbu xayrli ishda o‘z hissasini qo‘shgan barcha talabalarga rahmat aytamiz!

Kelajakni toza muhitda birga quramiz! 🌳✨

✨Amir Temur muzeyiga tashrif
💫 1-may kuni Ingliz yili 1-fakulteti talabalari bilan birgalikda tyutorlar A.Azimova va Yu Tadjiyeva poytaxtimiz markazida joylashgan Amir Temur muzeyiga tashrif buyurdik. Ushbu maskan buyuk sarkarda va davlat arbobi hayoti, faoliyati hamda boy tarixiy merosini aks ettiruvchi noyob eksponatlarga boyligi bilan ajralib turadi.
💥Tashrif davomida talabalar Temuriylar davriga oid tarixiy hujjatlar, qurollar, miniatyuralar va san’at asarlari bilan yaqindan tanishdilar. Muzey ekspozitsiyalari orqali Amir Temurning buyuk saltanat barpo etishdagi jasorati, ilm-fan va madaniyatga bo‘lgan e’tibori haqida batafsil ma’lumotlarga ega bo‘ldilar.
🔥Mazkur tashrif talabalar qalbida milliy tariximizga bo‘lgan hurmat va faxr tuyg‘ularini yanada mustahkamladi.