🌿 Tozalikni odatga aylantiramiz: “Eco Cleaners” navbatdagi qadamda!

Joriy yilning 1-may kuni Ingliz tili 1-fakultetida an’anaviy ravishda o‘tkazib kelinayotgan “Eco Cleaners” loyihasining navbatdagi tozalash ishlari yuqori kayfiyatda tashkil etildi.

Mazkur tashabbus fakultet dekani Guli Ergasheva qo’llab-quvvatlashi hamda 2528-guruhning iqtidorli talabasi Eshmuratova Aysuliw boshchiligida talabalarni ezgu maqsad yo‘lida birlashtirishda davom etmoqda. Har haftalik an’anaga aylangan ushbu jarayon nafaqat hudud tozaligini, balki jamoaviy mas’uliyatni ham mustahkamlamoqda.

Loyiha doirasida amalga oshirilgan ishlar:
• Haftalik izchillik: May oyining ilk kunida ham ko‘ngillilar jamoasi fakultet hududini tartibga keltirish uchun faol jam bo‘ldilar.
• Ekologik targ‘ibot: Loyiha orqali talabalar o‘rtasida tabiatga daxldorlik hissi va ekologik madaniyatni yuksaltirish asosiy vazifa qilib belgilangan.
• Birdamlik kuchi: Jamoaviy mehnat natijasida fakultetimiz hududi yanada ozoda va fayzli ko‘rinishga keldi.

“Eco Cleaners” — bu shunchaki tozalash ishlari emas, balki biz yashab turgan atrof-muhitga bo‘lgan g‘amxo‘rligimiz ramzidir. Ushbu xayrli ishda o‘z hissasini qo‘shgan barcha talabalarga rahmat aytamiz!

Kelajakni toza muhitda birga quramiz! 🌳✨

✨Amir Temur muzeyiga tashrif
💫 1-may kuni Ingliz yili 1-fakulteti talabalari bilan birgalikda tyutorlar A.Azimova va Yu Tadjiyeva poytaxtimiz markazida joylashgan Amir Temur muzeyiga tashrif buyurdik. Ushbu maskan buyuk sarkarda va davlat arbobi hayoti, faoliyati hamda boy tarixiy merosini aks ettiruvchi noyob eksponatlarga boyligi bilan ajralib turadi.
💥Tashrif davomida talabalar Temuriylar davriga oid tarixiy hujjatlar, qurollar, miniatyuralar va san’at asarlari bilan yaqindan tanishdilar. Muzey ekspozitsiyalari orqali Amir Temurning buyuk saltanat barpo etishdagi jasorati, ilm-fan va madaniyatga bo‘lgan e’tibori haqida batafsil ma’lumotlarga ega bo‘ldilar.
🔥Mazkur tashrif talabalar qalbida milliy tariximizga bo‘lgan hurmat va faxr tuyg‘ularini yanada mustahkamladi.

💫Bugun 4-may kuni ingliz tili 1-fakulteti talabalari va tyutor Yu. Tadjiyeva G‘alaba bog‘i ga tashrif buyurdilar . Ushbu maskan nafaqat go‘zal tabiat manzaralari, balki tarixiy xotiralar bilan ham boy ekanligi bilan barchamizda chuqur taassurot qoldirdi.

✨Sayohat davomida talabalar bilan birgalikda bog‘ hududidagi yodgorliklar bilan tanishdik, Ikkinchi jahon urushi qatnashchilarining jasorati va matonati haqida suhbatlashdik. Bu kabi tashriflar yoshlar qalbida vatanparvarlik tuyg‘ularini yanada mustahkamlashga xizmat qiladi.

🔥Tashrif davomida talabalar o‘z fikr va taassurotlarini bildirishdi, tarixdan saboq olish qanchalik muhim ekanini yana bir bor anglab yetishdi.

💥Bunday ma’naviy-ma’rifiy tadbirlar yoshlarning dunyoqarashini kengaytirish, ularni ajdodlar xotirasiga hurmat ruhida tarbiyalashda muhim ahamiyat kasb etadi.

🗓Joriy yilning 4-may sanasida Ingliz tili 1-fakulteti tyutorlari N.Masadikova hamda Sh.Tursunovalar tashabbusi bilan o‘zlariga biriktirilgan talabalar o‘rtasida qatag‘on qurbonlaridan biri – Mulla Abduvahhob Ibodiy hayoti va ijodiga bag‘ishlangan ma’naviy-ma’rifiy ijodiy kecha tashkil etildi.

🕊 Tadbir avvalida Mulla Abduvahhob Ibodiyning hayot yo‘li, uning ilm-fan va adabiyot rivojiga qo‘shgan hissasi hamda murakkab tarixiy davrda boshidan kechirgan sinovlari haqida atroflicha ma’lumot berildi.

📚 Tadbir davomida talabalar tomonidan adibning ilmiy va ijodiy merosi yuzasidan mazmunli ma’ruzalar taqdim etildi. Shuningdek, uning asarlaridan parchalar ifodali o‘qish orqali o‘sha zamon muhitini yanada jonli tasvirlashga erishildi.

✨ Mazkur tadbir talabalarda tarixiy xotirani mustahkamlash, ajdodlar merosiga hurmat ruhini shakllantirish, milliy qadriyatlarga sadoqat tuyg‘usini kuchaytirish hamda ularning ma’naviy-ma’rifiy dunyoqarashini yanada boyitishga xizmat qildi.