Ingliz tili birinchi fakulteti tyutori D.D. Xurramova tashabbusi bilan 1-kurs talabalari uchun “Shon-sharaf” muzeyiga ma’naviy-ma’rifiy tashrif tashkil etildi. Ushbu tashrif talabalarning tarixiy ongini yuksaltirish, ularda vatanparvarlik tuyg‘ularini mustahkamlash hamda ajdodlarimizning boy merosiga hurmat ruhida tarbiyalash maqsadida o‘tkazildi.

Tashrif davomida talabalar muzeyning turli bo‘limlari bilan yaqindan tanishib, yurtimiz tarixining muhim bosqichlari, xususan, xalqimizning mardlik va jasorat namunalarini aks ettiruvchi eksponatlar haqida batafsil ma’lumotlarga ega bo‘ldilar. Muzey fondida saqlanayotgan tarixiy hujjatlar, noyob suratlar, harbiy anjomlar va boshqa qimmatli eksponatlar yoshlar qalbida chuqur taassurot qoldirdi.

Shuningdek, talabalar uchun tashkil etilgan ekskursiya davomida mutaxassislar tomonidan qiziqarli ma’lumotlar berilib, savol-javoblar orqali ularning bilimlari yanada mustahkamlandi. Bu esa talabalarning tarixga bo‘lgan qiziqishini oshirish, mustaqil fikrlash ko‘nikmalarini rivojlantirishga xizmat qildi.

Mazkur tashrif nafaqat ta’limiy, balki tarbiyaviy ahamiyatga ega bo‘lib, yosh avlodni milliy qadriyatlarimizga hurmat ruhida tarbiyalash, ularda Vatanga sadoqat, fidoyilik va mas’uliyat tuyg‘ularini shakllantirishda muhim omil bo‘ldi.

Bunday ma’naviy-ma’rifiy tadbirlarni izchil davom ettirish orqali talabalarning intellektual salohiyatini oshirish, ularni har tomonlama yetuk shaxslar etib voyaga yetkazish yo‘lida samarali natijalarga erishish mumkin.

🎬 Kinochilar uyiga tashrif 🎬

✅Ingliz tili 1-fakulteti talabalari va tyutor A.Azimova va J.Achildiyev bilan maroqli tashrif uyushtirildi. Ushbu tashrif davomida kino san’ati olami, uning yaratilish jarayonlari hamda kino ijodkorlarining mehnati haqida qiziqarli ma’lumotlarga ega bo‘lishdi.

✨Talabalar uchun bu nafaqat dam olish, balki ularning dunyoqarashini kengaytiruvchi, san’atga bo‘lgan qiziqishini yanada oshiruvchi muhim tajriba bo‘ldi.

💫Bunday tashriflar yoshlarning madaniy saviyasini oshirishda, ularni estetik ruhda tarbiyalashda alohida ahamiyat kasb etadi. ✨

Ingliz tili birinchi fakultetida korrupsiyaga qarshi kurashish yo‘nalishida tizimli ishlar davom ettirilmoqda. Xususan, Universitetning Korrupsiyaga qarshi kurashish bo‘limi boshlig‘i B. Hoshimov tomonidan 1-kurs talabalari uchun ma’naviy-ma’rifiy ahamiyatga ega bo‘lgan maxsus o‘quv seminar tashkil etildi.

Mazkur seminar davomida “Yoshlarda halollikni shakllantirish”, “Halollik darslarini o‘tish metodikasi” hamda “Korrupsiyaning oldini olishda ta’limning roli” kabi dolzarb mavzular atroflicha yoritildi. Tadbirda talabalarga halollik, vijdonlilik, adolat tamoyillarining jamiyat taraqqiyotidagi o‘rni, shuningdek, korrupsiyaga qarshi kurashishda har bir fuqaroning, ayniqsa, yoshlarning mas’uliyati haqida batafsil tushuntirishlar berildi.

Seminar jarayonida interaktiv usullar qo‘llanilib, talabalar bilan ochiq muloqot tashkil etildi, ularning fikr-mulohazalari tinglandi hamda mavzu doirasida qiziqtirgan savollariga javoblar berildi. Ayniqsa, ta’lim tizimida halollik muhitini shakllantirish, yoshlar ongida korrupsiyaga nisbatan murosasiz munosabatni mustahkamlash masalalariga alohida e’tibor qaratildi.

Mazkur tadbir talabalarda huquqiy ong va madaniyatni yuksaltirish, halollik va poklik tamoyillariga sodiq bo‘lish, shuningdek, korrupsiyaga qarshi kurashish borasida faol fuqarolik pozitsiyasini shakllantirishga xizmat qildi.

⚡️⚡️⚡️⚡️

🇺🇿2025-yil 3-noyabr kuni qabul qilingan O‘zbekiston Respublikasi Prezidentining PQ-331-son qarori “2026–2030-yillarda kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam ko‘rsatishni tashkil etish bo‘yicha chora-tadbirlar dasturini tasdiqlash to‘g‘risida”gi qarori mamlakatimizda sog‘lom avlodni shakllantirish, aholi salomatligini muhofaza qilish hamda irsiy kasalliklarning oldini olish borasida muhim ahamiyat kasb etmoqda.

✅Mazkur qarorning 7-bandida aholi o‘rtasida kam uchraydigan (orfan) va irsiy-genetik kasalliklarning oldini olish, sog‘lom oilani shakllantirish va sog‘lom bola tug‘ilishini ta’minlash bo‘yicha targ‘ibot ishlarini tizimli ravishda amalga oshirish vazifasi belgilab berilgan. Shu asosda joriy yilning 7-may sanasida keng qamrovli targ‘ibot va tushuntirish tadbiri tashkil etildi.

✅Tadbirda
🇺🇿O‘zbekiston davlat jahon tillari universiteti psixologi Z.Xayrullayeva hamda Ingliz tili 1-fakulteti Ijtimoiy-psixologik muhit bilan ishlash bo‘limi mutaxassisi D.Matyakubova ishtirok etib, yoshlar va ota-onalar o‘rtasida sog‘lom turmush tarzi, nikoh oldi tibbiy ko‘riklarining ahamiyati, irsiy kasalliklarni erta aniqlash va profilaktika choralari haqida atroflicha ma’lumot berdilar.

✅Shuningdek, tadbirda tyutorlar Sh.Xo'janiyazova, D.Xurramova, “Xuroson” MFY raisi O.T.Nosirov, xotin-qizlar masalalari bo‘yicha rais maslahatchisi D.E.Abdusamatova hamda Uchtepa tumani 25-oilaviy poliklinikasi akusher-ginekologi O.Azimova ishtirok etib, aholi salomatligini muhofaza qilish, onalar va bolalar salomatligini mustahkamlash, yosh oilalarga tibbiy-maslahat xizmatlarini ko‘rsatish borasida fikr-mulohazalar bildirdilar.

✅Targ‘ibot tadbiri davomida ishtirokchilarga orfan va irsiy-genetik kasalliklarning kelib chiqish sabablari, ularning oldini olish choralari, sog‘lom ovqatlanish, reproduktiv salomatlikni asrash, tibbiy madaniyatni yuksaltirish hamda nikohdan oldin tibbiy tekshiruvdan o‘tishning ahamiyati haqida tushunchalar berildi.

✅Shu bilan birga, aholi o‘rtasida tibbiy savodxonlikni oshirish, yoshlarni sog‘lom hayotga yo‘naltirish va kelajak avlod salomatligini ta’minlash borasida doimiy ravishda targ‘ibot ishlarini olib borish muhim ekani ta’kidlandi.

#UzDJTU
#TalabalarImkoniyati
#TalabalarYutug