Ingliz tili birinchi fakultetida korrupsiyaga qarshi kurashish yo‘nalishida tizimli ishlar davom ettirilmoqda. Xususan, Universitetning Korrupsiyaga qarshi kurashish bo‘limi boshlig‘i B. Hoshimov tomonidan 1-kurs talabalari uchun ma’naviy-ma’rifiy ahamiyatga ega bo‘lgan maxsus o‘quv seminar tashkil etildi.

Mazkur seminar davomida “Yoshlarda halollikni shakllantirish”, “Halollik darslarini o‘tish metodikasi” hamda “Korrupsiyaning oldini olishda ta’limning roli” kabi dolzarb mavzular atroflicha yoritildi. Tadbirda talabalarga halollik, vijdonlilik, adolat tamoyillarining jamiyat taraqqiyotidagi o‘rni, shuningdek, korrupsiyaga qarshi kurashishda har bir fuqaroning, ayniqsa, yoshlarning mas’uliyati haqida batafsil tushuntirishlar berildi.

Seminar jarayonida interaktiv usullar qo‘llanilib, talabalar bilan ochiq muloqot tashkil etildi, ularning fikr-mulohazalari tinglandi hamda mavzu doirasida qiziqtirgan savollariga javoblar berildi. Ayniqsa, ta’lim tizimida halollik muhitini shakllantirish, yoshlar ongida korrupsiyaga nisbatan murosasiz munosabatni mustahkamlash masalalariga alohida e’tibor qaratildi.

Mazkur tadbir talabalarda huquqiy ong va madaniyatni yuksaltirish, halollik va poklik tamoyillariga sodiq bo‘lish, shuningdek, korrupsiyaga qarshi kurashish borasida faol fuqarolik pozitsiyasini shakllantirishga xizmat qildi.

⚡️⚡️⚡️⚡️

🇺🇿2025-yil 3-noyabr kuni qabul qilingan O‘zbekiston Respublikasi Prezidentining PQ-331-son qarori “2026–2030-yillarda kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam ko‘rsatishni tashkil etish bo‘yicha chora-tadbirlar dasturini tasdiqlash to‘g‘risida”gi qarori mamlakatimizda sog‘lom avlodni shakllantirish, aholi salomatligini muhofaza qilish hamda irsiy kasalliklarning oldini olish borasida muhim ahamiyat kasb etmoqda.

✅Mazkur qarorning 7-bandida aholi o‘rtasida kam uchraydigan (orfan) va irsiy-genetik kasalliklarning oldini olish, sog‘lom oilani shakllantirish va sog‘lom bola tug‘ilishini ta’minlash bo‘yicha targ‘ibot ishlarini tizimli ravishda amalga oshirish vazifasi belgilab berilgan. Shu asosda joriy yilning 7-may sanasida keng qamrovli targ‘ibot va tushuntirish tadbiri tashkil etildi.

✅Tadbirda
🇺🇿O‘zbekiston davlat jahon tillari universiteti psixologi Z.Xayrullayeva hamda Ingliz tili 1-fakulteti Ijtimoiy-psixologik muhit bilan ishlash bo‘limi mutaxassisi D.Matyakubova ishtirok etib, yoshlar va ota-onalar o‘rtasida sog‘lom turmush tarzi, nikoh oldi tibbiy ko‘riklarining ahamiyati, irsiy kasalliklarni erta aniqlash va profilaktika choralari haqida atroflicha ma’lumot berdilar.

✅Shuningdek, tadbirda tyutorlar Sh.Xo'janiyazova, D.Xurramova, “Xuroson” MFY raisi O.T.Nosirov, xotin-qizlar masalalari bo‘yicha rais maslahatchisi D.E.Abdusamatova hamda Uchtepa tumani 25-oilaviy poliklinikasi akusher-ginekologi O.Azimova ishtirok etib, aholi salomatligini muhofaza qilish, onalar va bolalar salomatligini mustahkamlash, yosh oilalarga tibbiy-maslahat xizmatlarini ko‘rsatish borasida fikr-mulohazalar bildirdilar.

✅Targ‘ibot tadbiri davomida ishtirokchilarga orfan va irsiy-genetik kasalliklarning kelib chiqish sabablari, ularning oldini olish choralari, sog‘lom ovqatlanish, reproduktiv salomatlikni asrash, tibbiy madaniyatni yuksaltirish hamda nikohdan oldin tibbiy tekshiruvdan o‘tishning ahamiyati haqida tushunchalar berildi.

✅Shu bilan birga, aholi o‘rtasida tibbiy savodxonlikni oshirish, yoshlarni sog‘lom hayotga yo‘naltirish va kelajak avlod salomatligini ta’minlash borasida doimiy ravishda targ‘ibot ishlarini olib borish muhim ekani ta’kidlandi.

#UzDJTU
#TalabalarImkoniyati
#TalabalarYutug

INSON AZIZ, XOTIRA MUQADDAS: AJDODLAR YODI HAMISHA BARHAYOT
9-may — Xotira va qadrlash kuni yurtimizda umumxalq bayrami sifatida keng nishonlanadi. Bu sana nafaqat g‘alaba bayrami, balki o‘tganlarni yod etish, keksalarni e’zozlash va tinchlikning qadriga etish kunidir.
🗓 Shu munosabat bilan, joriy yilning 7-may kuni Ingliz tili birinchi fakulteti tyutori D.A.Tashxo‘jayeva hamda 2529-guruh talabalari ishtirokida poytaxtimizdagi muqaddas ziyoratgohlardan biri — "Motamsaro ona" haykali poyiga tashrif buyurildi.
✨ Tashrifning asosiy mazmun-mohiyati:
Ushbu ma’naviy-ma’rifiy tadbirdan ko‘zlangan maqsad — yosh avlod qalbida vatanparvarlik, sadoqat va shukronalik tuyg‘ularini yanada mustahkamlashdir. Talabalar vatanimiz ozodligi va bugungi tinch-osoyishta kunlarimiz uchun jon fido qilgan millat qahramonlari, jasur vatandoshlarimizning xotirasini chuqur ehtirom bilan yod etdilar

Yurtimiz tinch, osmonimiz musaffo, xotira va qadrlash tuyg‘usi hamisha hamrohimiz bo‘lsin!

"Til ko'nikmalarini rivojlantirish" to'garagidan lavhalar

📌 7- may sanasida Ingliz tili birinchi fakulteti,  Ingliz tili amaliy fanlar 1 kafedrasi katta o'qituvchisi Baxridinova Nargiza tomonidan birinchi kurs talabalari uchun "Til ko'nikmalarini rivojlantirish" to'garagining navbatdagi mashg'uloti bo'lib o'tdi. 

📎 To'garak davomida talabalarga og'zaki nutq ko'nikmasida o'ziga ishonch va dunyoqarashning muhimligi tushuntirib o'tildi.

📎 Talabalarga ma'lumotlar taqdimot tariqasida tanishtirilgani mavzuni yanada tushunarliroq qildi. To'garak davomida turli interaktiv vazifalar bajardilar. Mavzuga oid qizg'in suhbat olib borildi. 

📎 Talabalar mashg'ulot davomida kichik guruhlarda va juft bo'lib ishlagan holda turli mavzularda o'zaro gaplashishdi. Suhbatdan so'ng talabalar nutqlari uchun bir-qancha sharx qabul qilishdi. Bu talabalar og'zaki nutqni rivojlantirishga ko'maklashdi.

📌 To'garak so'ngida talabalar o'zlarini qiziqtirgan savollarga javob olishdi.