📚 Kitobxonlik – tafakkur va ma’naviyat manbai

1-ingliz fakultetida yoshlar o‘rtasida kitobxonlik madaniyatini rivojlantirish, talabalarning dunyoqarashini kengaytirish hamda mutolaa orqali ma’naviy kamolotga yetaklashmaqsadida tyutor M.Kenjayeva tomonidan “Kitobxonlik – tafakkur qanoti” nomli ma’rifiy tadbir tashkil etildi.

Tadbir davomida talabalar o‘zlari sevib mutolaa qilgan asarlari haqida fikr almashib, kitoblarning inson hayotidagi o‘rni, ilm olishdagi ahamiyati hamda kitobxonlikning yosh avlod tarbiyasidagi beqiyos roli haqida mulohazalar bildirdilar.

Faol talabalar tomonidan badiiy chiqishlar, kitob tavsiyalari hamda qiziqarli savol-javoblar tashkil etilib, tadbir samimiy va ma’naviy ruhda o‘tdi.

📖 Kitob — inson qalbini boyituvchi, tafakkurni yuksaltiruvchi eng yaqin do‘stdir.
📚 Kitobxon yoshlar — kelajak poydevoridir.

Mazkur tadbir talabalarda mutolaa madaniyatini mustahkamlash, kitobga bo‘lgan muhabbatni yanada oshirishga xizmat qildi.

🕊 “BURCH, JASORAT, MATONAT” shiori ostidagi tadbirlar davom etmoqda!

Ingliz tili birinchi fakulteti tyutori Mavluda Allamova boshchiligida 2517-guruh talabalari tomonidan “9-may — Xotira va qadrlash kuni” munosabati bilan “Motamsaro ona” haykali poyiga gullar qo‘yildi. 💐
Tadbir davomida bugungi tinch va osuda hayotimiz uchun jon fido qilgan jasur ajdodlarimiz yod etilib, ularning porloq xotirasiga chuqur hurmat bajo keltirildi. 🙏

O‘tganlar xotirasi qalblarimizda mangu yashaydi, yurtimiz tinchligi va osoyishtaligi esa doimo barqaror bo‘lsin! 🇺🇿✨

#yoshlarkuni #harpayshanba

🌸 Gullar sayli - ko‘ngillarga bahor ulashgan onlar!

 Yoshlar kuni munosabati bilan 2510-guruh talabalari tyutor Mavluda Allamova boshchiligida shahrimizning eng go‘zal va tarovatli maskaniga aylangan “Toshkent gullar bayrami”ga tashrif buyurdilar. 🌷✨
Mazkur madaniy-ma’rifiy sayohat talabalar uchun nafaqat maroqli hordiq, balki estetik zavq va unutilmas taassurotlar manbai bo‘ldi. Rang-barang gullarning betakror jilosi hamda muattar ifori yoshlar qalbiga quvonch va bahoriy kayfiyat ulashdi. Sayl davomida talabalar tabiatning go‘zalligidan bahramand bo‘lib, mazmunli madaniy hordiq chiqardilar.

Ko‘zlarda quvonch, dillarda iliq taassurotlar bilan o‘tgan ushbu kun barchaning xotirasida yorqin lahza sifatida muhrlanib qoladi. 📸💖

O‘zDJTU Umumiy tilshunoslik kafedrasi mudiri, professor Maltada xalqaro hamkorlik safarida
O‘zbekiston davlat jahon tillari universiteti Umumiy tilshunoslik kafedrasi mudiri, professor Madjidova Ra’no Urishevna 2026-yil 4–12-may kunlari Maltaning nufuzli oliy ta’lim muassasalaridan biri — L-Università ta' Maltada xalqaro hamkorlik doirasidagi xizmat safarida bo‘lib turibdi. Mazkur universitet xalqaro TOP-500 talik reytingidan o‘rin olgan oliy ta’lim muassasalaridan biri hisoblanadi.
Uchrashuvning birinchi kunida universitetning xalqaro aloqalar va ilmiy ishlar bo‘yicha prorektori PhD (Melit.) Sergio Portelli, xalqaro va ilmiy ishlar bo‘limi boshlig‘i professor Clare E. Vassallo, shuningdek, Umumiy tilshunoslik va adabiyotshunoslik kafedrasi hamda Xorijiy tillarni o‘qitish nazariyasi va metodikasi fakulteti rahbariyati tomonidan samimiy kutib olindi. Muzokaralar davomida ikki oliy ta’lim muassasasi o‘rtasida ilmiy hamkorlikni kengaytirish, professor-o‘qituvchilar va talabalar akademik almashinuvini yo‘lga qo‘yish, qo‘shma ilmiy loyihalar hamda xalqaro konferensiyalar tashkil etish masalalari muhokama qilindi.
Shuningdek, uchrashuv jarayonida zamonaviy tilshunoslik, lingvokulturologiya va xorijiy tillarni o‘qitish metodikasi yo‘nalishlarida hamkorlik istiqbollari yuzasidan fikr almashildi. Tomonlar kelgusida ilmiy maqolalar va monografiyalarni hamkorlikda tayyorlash yuzasidan qiziqish bildirdilar. Xalqaro hamkorlik uchrashuvi yakunida universitetlar o'rtasida esdalik sovg‘alari almashildi hamda kelgusidagi hamkorlik rejalariga oid dastlabki kelishuvlarga erishildi.