#yoshlarkuni #harpayshanba

🌸 Gullar sayli - ko‘ngillarga bahor ulashgan onlar!

 Yoshlar kuni munosabati bilan 2510-guruh talabalari tyutor Mavluda Allamova boshchiligida shahrimizning eng go‘zal va tarovatli maskaniga aylangan “Toshkent gullar bayrami”ga tashrif buyurdilar. 🌷✨
Mazkur madaniy-ma’rifiy sayohat talabalar uchun nafaqat maroqli hordiq, balki estetik zavq va unutilmas taassurotlar manbai bo‘ldi. Rang-barang gullarning betakror jilosi hamda muattar ifori yoshlar qalbiga quvonch va bahoriy kayfiyat ulashdi. Sayl davomida talabalar tabiatning go‘zalligidan bahramand bo‘lib, mazmunli madaniy hordiq chiqardilar.

Ko‘zlarda quvonch, dillarda iliq taassurotlar bilan o‘tgan ushbu kun barchaning xotirasida yorqin lahza sifatida muhrlanib qoladi. 📸💖

O‘zDJTU Umumiy tilshunoslik kafedrasi mudiri, professor Maltada xalqaro hamkorlik safarida
O‘zbekiston davlat jahon tillari universiteti Umumiy tilshunoslik kafedrasi mudiri, professor Madjidova Ra’no Urishevna 2026-yil 4–12-may kunlari Maltaning nufuzli oliy ta’lim muassasalaridan biri — L-Università ta' Maltada xalqaro hamkorlik doirasidagi xizmat safarida bo‘lib turibdi. Mazkur universitet xalqaro TOP-500 talik reytingidan o‘rin olgan oliy ta’lim muassasalaridan biri hisoblanadi.
Uchrashuvning birinchi kunida universitetning xalqaro aloqalar va ilmiy ishlar bo‘yicha prorektori PhD (Melit.) Sergio Portelli, xalqaro va ilmiy ishlar bo‘limi boshlig‘i professor Clare E. Vassallo, shuningdek, Umumiy tilshunoslik va adabiyotshunoslik kafedrasi hamda Xorijiy tillarni o‘qitish nazariyasi va metodikasi fakulteti rahbariyati tomonidan samimiy kutib olindi. Muzokaralar davomida ikki oliy ta’lim muassasasi o‘rtasida ilmiy hamkorlikni kengaytirish, professor-o‘qituvchilar va talabalar akademik almashinuvini yo‘lga qo‘yish, qo‘shma ilmiy loyihalar hamda xalqaro konferensiyalar tashkil etish masalalari muhokama qilindi.
Shuningdek, uchrashuv jarayonida zamonaviy tilshunoslik, lingvokulturologiya va xorijiy tillarni o‘qitish metodikasi yo‘nalishlarida hamkorlik istiqbollari yuzasidan fikr almashildi. Tomonlar kelgusida ilmiy maqolalar va monografiyalarni hamkorlikda tayyorlash yuzasidan qiziqish bildirdilar. Xalqaro hamkorlik uchrashuvi yakunida universitetlar o'rtasida esdalik sovg‘alari almashildi hamda kelgusidagi hamkorlik rejalariga oid dastlabki kelishuvlarga erishildi.

Ingliz tili 1-fakultetida Tyutor Sh.Xo’janiyozova boshchiligida 9-may — Xotira va qadrlash kuni munosabati bilan 1-bosqich talabalari ishtirokida Shon-sharaf muzeyiga ma’naviy-ma’rifiy tashrif tashkil etildi.
Tashrif davomida talabalar Ikkinchi jahon urushi yillaridagi xalqimizning jasorati, matonati hamda Vatan ozodligi va tinchligi yo‘lida ko‘rsatgan fidokorona xizmatlari haqida batafsil ma’lumotlarga ega bo‘ldilar. Muzey eksponatlari, tarixiy hujjatlar va esdalik buyumlari yoshlar qalbida ajdodlarimizga bo‘lgan hurmat va ehtirom tuyg‘ularini yanada mustahkamladi.
Shuningdek, talabalarga tinchlikning qadri, yurt ravnaqi va xalq farovonligi yo‘lida amalga oshirilgan ulkan xizmatlar haqida tushunchalar berildi. Bu kabi ma’naviy-ma’rifiy tadbirlar yosh avlodni vatanparvarlik, milliy qadriyatlarga sadoqat va tarixiy xotiraga hurmat ruhida tarbiyalashda muhim ahamiyat kasb etadi.

💻 Kompyuter savodxonligi darslari tashkil etildi
✨Jahon tillari universiteti Ingliz tili 1-fakulteti talabalari uchun besh muhim tashabbus doirasida kompyuter savodxonligini oshirishga qaratilgan amaliy darslar tashkil etildi. Tyutor A.Azimova va 2405 guruhi talabalari kompyuter texnologiyalaridan samarali foydalanish, zamonaviy dasturlar bilan ishlash hamda internet xavfsizligi bo‘yicha foydali bilimlarga ega bo‘lishdi.
💥Mashg‘ulotlar interaktiv tarzda olib borilib, talabalar o‘zlarini qiziqtirgan savollarga javob olishdi va amaliy topshiriqlarni bajarishdi. Bunday darslar yoshlarning raqamli bilim va ko‘nikmalarini rivojlantirish, zamonaviy texnologiyalar bilan ishlash malakasini oshirishda muhim аҳамият kasb etadi.
📚✨ Yoshlar bilimli va zamonaviy texnologiyalar bilan hamnafas bo‘lish sari!