💻 Kompyuter savodxonligi darslari tashkil etildi
✨Jahon tillari universiteti Ingliz tili 1-fakulteti talabalari uchun besh muhim tashabbus doirasida kompyuter savodxonligini oshirishga qaratilgan amaliy darslar tashkil etildi. Tyutor A.Azimova va 2405 guruhi talabalari kompyuter texnologiyalaridan samarali foydalanish, zamonaviy dasturlar bilan ishlash hamda internet xavfsizligi bo‘yicha foydali bilimlarga ega bo‘lishdi.
💥Mashg‘ulotlar interaktiv tarzda olib borilib, talabalar o‘zlarini qiziqtirgan savollarga javob olishdi va amaliy topshiriqlarni bajarishdi. Bunday darslar yoshlarning raqamli bilim va ko‘nikmalarini rivojlantirish, zamonaviy texnologiyalar bilan ishlash malakasini oshirishda muhim аҳамият kasb etadi.
📚✨ Yoshlar bilimli va zamonaviy texnologiyalar bilan hamnafas bo‘lish sari!

🌿 Joriy yilning 8-may kuni Eco University jamoasi bilan navbatdagi tashabbus amalga oshirildi.

♻️ Tashabbus O‘zDJTU Ingliz tili 1-fakulteti iqtidorli talabasi Erkinboyeva Aziza Ruslonovna boshchiligida hamda Ingliz tilini o‘qitish metodikasi №1 kafedrasi mudiri V. R. Ochilova ko‘magida tashkil etildi.

🏫 Tashabbus davomida o‘quv binosida tozalik ishlari olib borilib, yanada qulay, ozoda va shinam muhit yaratishga alohida e’tibor qaratildi.

🌱 Bunday tashabbuslar talabalar orasida ekologik madaniyatni shakllantirish va jamoaviy hamjihatlikni mustahkamlashga xizmat qiladi.

💚 Eco University jamoasi universitet muhitini yanada obod va ekologik madaniyatga boy maskanga aylantirish yo‘lida faoliyatini davom ettirmoqda.

🤝 Siz ham bizning safimizga qo‘shiling va atrof-muhitga befarq bo‘lmang!
@ecouzswlu

Ingliz tili birinchi fakultetida 9-may — “Xotira va qadrlash kuni” munosabati bilan ma’naviy-ma’rifiy tadbirlar doirasida “Eng yaxshi devoriy gazetalar” tanlovi tashkil etildi.

Mazkur tanlov fakultet dekani G. Ergasheva, dekan muovini N. Lapasov hamda tyutorlar ishtirokida yuqori saviyada o‘tkazildi. Tanlovda N. Masadikova, D.D. Xurramova, D. Matyakubova va A. Azimovaga biriktirilgan talabalar faol qatnashib, o‘z ijodiy ishlari orqali Vatanga sadoqat, ajdodlar xotirasiga hurmat va tinchlik qadri kabi yuksak g‘oyalarni mazmunli aks ettirdilar.

Devoriy gazetalarda Ikkinchi jahon urushi qatnashchilari xotirasi, yurtimiz ravnaqi yo‘lida fidokorona xizmat qilgan insonlarning jasorati hamda bugungi tinch va osoyishta hayotning qadr-qimmati badiiy va ijodiy yondashuv asosida yoritildi. Talabalarning ijodkorligi, estetik didi va mavzuga bo‘lgan mas’uliyatli munosabati hakamlar hay’ati tomonidan alohida e’tirof etildi.

Tanlov yakunida eng faol va ijodkor talabalar munosib rag‘batlantirildi. Bunday tadbirlar yosh avlod qalbida milliy qadriyatlarimizga hurmat, vatanparvarlik va ajdodlar xotirasiga ehtirom tuyg‘ularini mustahkamlashda muhim ahamiyat kasb etadi.