📚 XALQARO ILMIY-AMALIY SEMINAR MUVAFFAQIYATLI O‘TKAZILDI

O‘zbekiston davlat jahon tillari universitetida Amaliy fanlar 1 kafedrasi kafedra mudiri p.f.d., professor Dildora Isroilova va katta o’qituvchi f.f.f.d Farangiz Umarovalar tomonidan tashkil qilingan xorijlik mutaxassis, Associate Professor Dr. Barzan Jaafar Ali ishtirokida ilmiy-amaliy seminar bo‘lib o‘tdi.

Seminar davomida:
✔️ Principles of Academic Article Writing
✔️ Working with References and Citation Systems
mavzulari bo‘yicha foydali ma’lumotlar va xalqaro tajribalar ulashildi.

Seminar talaba va o‘qituvchilar uchun academic writing hamda ilmiy tadqiqot ko‘nikmalarini rivojlantirishda muhim ahamiyat kasb etdi.

Dr. Barzan Jaafar Ali ga qimmatli tajriba va mazmunli seminar uchun o‘z minnatdorchiligimizni bildiramiz.

📚🌐 Ingliz tili 1-fakultetida “Yosh tilshunoslar” to‘garagi doirasida navbatdagi ilmiy-amaliy mashg‘ulot tashkil etildi
2026-yil 12-may kuni O‘zDJTU Ingliz tili birinchi fakulteti Umumiy tilshunoslik kafedrasi katta o‘qituvchilari M. Nosirova, S. Saloxiddinova hamda D. Xoliqovalar tomonidan “Yosh tilshunoslar” to‘garagi faoliyati doirasida “Tarjima turlari va tarjima dasturlarining ahamiyati” mavzusida to‘garak mashg‘uloti o‘tkazildi.
Mashg‘ulotda 3-kurs talabalari faol ishtirok etib, ularga zamonaviy tarjimashunoslik, mashina tarjimasi hamda raqamli texnologiyalarning tarjima jarayonidagi o‘rni haqida batafsil ma’lumotlar berildi.
💡 Mashg‘ulot davomida quyidagi masalalar atroflicha muhokama qilindi:
🔹 tarjimaning og‘zaki, yozma va badiiy turlari;
🔹 sun’iy intellekt asosidagi tarjima dasturlari;
🔹 Google Translate va DeepL platformalarining imkoniyatlari;
🔹 tarjima jarayonidagi lingvistik va madaniy muammolar;
🔹 avtomatik tarjimaning afzalliklari va kamchiliklari.
Shuningdek, talabalar zamonaviy tarjima dasturlaridan foydalanish jarayonini amaliy misollar asosida tahlil qilib, tarjima sifatini oshirishda inson omilining muhimligi yuzasidan o‘z fikr-mulohazalarini bildirdilar.
🗣 To‘garak mashg‘uloti qizg‘in bahs-munozaralar va interaktiv muloqotlarga boy tarzda o‘tdi. Mashg‘ulot yakunida talabalar o‘zlarini qiziqtirgan savollarga javob oldilar hamda mavzu yuzasidan qiziqarli fikrlar bilan o‘rtoqlashdilar.
✨ “Yosh tilshunoslar” to‘garagi yoshlarning ilmiy dunyoqarashi va kasbiy kompetensiyalarini rivojlantirishga xizmat qilmoqda.

Joriy yilning 12-may kuni soat 14:00 da Ingliz tilini o'qitish metodikasi kafedrasi v.b. dotsenti M.B. Alimardonova tashabbusi bilan, UzWAVE jamoasi hamkorligida ajoyib seminar tashkil etildi. 🌟
Seminarga maxsus mehmon sifatida Filadelfiyalik (AQSH) tajribali mutaxassis, xalqaro toifadagi ESL o'qituvchisi Justin Erkess taklif qilindi.
📍 Seminar mavzusi: "Bridge the Gap: Linguistics and Equity Perspectives and Digital Nomad Life"
Uchrashuv davomida quyidagi qiziqarli mavzular muhokama qilindi:
✅ Ingliz tilini o'qitishda zamonaviy yondashuvlar;
✅ "Digital Nomad" (Raqamli ko'chmanchi) hayot tarzi va masofaviy ta'lim;
✅ Xalqaro tajriba almashish va madaniyatlararo muloqot.
Seminar juda mazmunli, interaktiv va savol-javoblarga boy bo'ldi. Ishtirokchilar o'zlarini qiziqtirgan savollarga mutaxassisdan javob olish bilan birga, xalqaro metodika bo'yicha yangi bilimlar egallashdi. 📚🔥
Hamkorlik uchun barchaga o'z minnatdorchiligimizni bildiramiz!

📚✨ Talabalar uchun unutilmas ma’naviy sayohat!

Jahon tillari universiteti Ingliz tili 1-fakulteti talabalari va tyutor Azimova A bilan birgalikda Alisher Navoiy nomidagi adabiyot va san’at muzeyiga tashrif buyurildi. Tashrif davomida talabalar buyuk mutafakkir Alisher Navoiy hayoti va ijodi, o‘zbek adabiyoti hamda milliy san’atimiz tarixiga oid noyob eksponatlar bilan yaqindan tanishishdi.

💥Muzeydagi tarixiy qo‘lyozmalar, san’at asarlari va ma’naviy meros namunalarini ko‘rish talabalarda katta taassurot qoldirdi. Bunday ma’rifiy ekskursiyalar yoshlarning milliy qadriyatlarga bo‘lgan hurmatini oshirish, ularning ma’naviy dunyoqarashini boyitishda muhim аhamiyat kasb etadi.

✨ Ma’naviyat va tarix uyg‘unlashgan mazmunli kun barchaga iliq taassurot ulashdi.

📚 XALQARO ILMIY-AMALIY SEMINARNING IKKINCHI QISMI BO‘LIB O‘TDI

Bugun O‘zbekiston davlat jahon tillari universitetida Associate Professor Dr. Barzan Jaafar Ali ishtirokidagi xalqaro ilmiy-amaliy seminarining ikkinchi qismi tashkil etildi.

Seminar davomida “Working with References and Citation Systems” mavzusi bo‘yicha academic citation, referencing usullari hamda ilmiy ishlarda manbalardan to‘g‘ri foydalanish masalalari yoritildi.

Tadbir yakunida faol ishtirok etgan o‘qituvchi va talabalar sertifikatlar bilan taqdirlandilar.

📌 Seminar tashkilotchilari:
Dildora Isroilova
Farangiz Umarova