"Til ko'nikmalarini rivojlantirish" to'garagidan lavhalar

📌 15- may sanasida Ingliz tili birinchi fakulteti,  Ingliz tili amaliy fanlar 1 kafedrasi o'qituvchisi Ikromova Ra'no tomonidan birinchi kurs talabalari uchun "Til ko'nikmalarini rivojlantirish" to'garagining navbatdagi mashg'uloti bo'lib o'tdi. 

📎 To'garak davomida yozma nutqda uyg'unlikka erishish ( coherence and cohesion) usullari muhokama qilindi.

📎 Mavzu talabalarga tushuntirib o'tilgandan so'ng, talabalar kichik guruhlarda ishlagan holda ma'lum mavzu asosida uyg'unlikka e'tibor berib, paragraf yozish vazifasini bajarishdi.

📎 Talabalar vazifani bajarib bo'lgach, o'z paragraflarini boshqa guruhlarga taqdim qilishdi. Boshqa guruhlar paragrafdagi uyg'unlikka oid o'z fikr-mulohazalarini aytib o'tishdi.

📌 To'garak so'ngida talabalar o'zlarini qiziqtirgan savollarga javob olishdi. Bu "Til ko'nikmalarini rivojlantirish " to'garagining yakuniy mashg'uloti bo'lgani uchun keyingi yilda ham bu kabi to'garaklarni davom ettirishga kelishildi.

🌞✨ MORNING ZUMBA WITH STUDENTS — MUVAFFAQIYATLI YAKUNLANDI! ✨💃

UzWAVE markazi tomonidan talabalar o‘rtasida sog‘lom turmush tarzini targ‘ib qilish, ularning jismoniy va ruhiy salomatligini mustahkamlash hamda universitet hayotiga ijobiy energiya olib kirish maqsadida tashkil etilgan “Morning Zumba” mashg‘uloti yuqori kayfiyatda bo‘lib o‘tdi. 💪🎶

Mashg‘ulot Ingliz tili nazariy aspektlari kafedrasi katta o‘qituvchisi Nigora Alimxanova boshchiligida o‘tkazildi. Ustozimiz o‘zlarining dinamik harakatlari va cheksiz g‘ayratlari bilan har bir ishtirokchini yangi kunga ruhlantira oldilar. 🌟

Ertalabdan sport maydoniga yig‘ilgan talabalarimiz mashg‘ulotlarda faol ishtirok etib, universitet hududini samimiy tabassumlar, jamoaviy birdamlik va yorqin energiya bilan to‘ldirishdi. 🤍

Ertalabki baxtli lahzalarni biz bilan baham ko‘rgan barcha ishtirokchilarga o‘z minnatdorchiligimizni bildiramiz! 💫

Doimo faol, sog‘lom va pozitiv kayfiyatda bo‘ling! Keyingi Zumba mashg‘ulotlarimizni o‘tkazib yubormang! 💃🔥

UzWAVE jamoasining faol a’zosiga aylaning va biz bilan birga chinakam energiyani his eting! 🌞🎶

👉 @UzWAVE_center ❤️

📌 13 va 14-may sanasida Ingliz tili birinchi fakulteti Ingliz tili amaliy fanlar kafedrasi katta o‘qituvchilari Irgasheva Madina va Toshboyeva Munojot tomonidan fakultet talabalari uchun “Mastering the Art of Article Writing” mavzusida seminar tashkil etildi.

📎 Seminar davomida maqola yozishning asosiy bosqichlari, akademik uslub, maqolaning tuzilishi hamda samarali yozish strategiyalari haqida batafsil ma’lumot berildi.

📎 Mavzu tushuntirib o‘tilgandan so‘ng, talabalar kichik guruhlarda ishlagan holda maqola yozish jarayoniga oid amaliy topshiriqlarni bajarishdi hamda maqola mavzusini tanlash, kirish va xulosa qismlarini yozish bo‘yicha o‘z bilimlarini mustahkamlashdi.

📎 Seminar jarayonida talabalar o‘z ishlari yuzasidan fikr almashib, maqola yozishda uchraydigan muammolar va ularning yechimlari haqida muhokama olib borishdi.

📌 Seminar so‘ngida talabalar o‘zlarini qiziqtirgan savollarga javob olishdi va kelgusida ham bu kabi ilmiy-amaliy seminarlarni muntazam tashkil etish bo‘yicha takliflar bildirildi.

📌 Ingliz tili 1-fakulteti tyutori Aziza Azimova 2-talabalar turar joyida 2402 guruh talabasi Jo'rayeva Aziza tomonidan tashkil etilgan “Mohir qo‘llar” tikuvchilik va to‘quvchilik to‘garagi faoliyati bilan tanishdi

📎 To‘garak davomida talabalar tikuvchilik va to‘quvchilikning asosiy usullari, matolar bilan ishlash hamda turli ijodiy buyumlar tayyorlash jarayonlari haqida amaliy bilimlarga ega bo‘lmoqdalar.

📎 To‘garak davomida talabalar bir-birlari bilan tajriba almashib, ijodiy ishlash jarayonida uchraydigan qiyinchiliklar va ularning yechimlari haqida fikr yuritishdi.

📌 Tadbir yakunida talabalar mazkur to‘garak orqali bo‘sh vaqtlarini mazmunli o‘tkazganliklarini ta’kidlab, o‘quv yili davomida tashkil etilgan bunday amaliy mashg‘ulotlar ularda katta taassurot qoldirganini bildirishdi. ✨

🏛📚 2026-yil 18–20-may kunlari O‘zbekiston davlat jahon tillari universiteti professor-o‘qituvchisi Anarkulova Go‘zal Abdurshid qizi Tojikistonning Xalqaro turizm va tadbirkorlik universitetiga rasmiy tashrif buyurdi.

✨ Tashrif davomida universitet rahbariyati va professor-o‘qituvchilari bilan uchrashuv o‘tkazildi. Unda xalqaro hamkorlikni rivojlantirish, ilmiy-akademik aloqalarni mustahkamlash hamda ta’lim sifatini oshirish masalalari muhokama qilindi.

🗣 Shuningdek, seminar-treninglar, mahorat darslari, qo‘shma konferensiyalar va almashinuv dasturlarini kengaytirish bo‘yicha fikr almashildi.

🏫 Tashrif davomida mehmon universitetdagi fakultetlar, axborot-resurs markazi hamda talabalar uchun yaratilgan shart-sharoitlar bilan yaqindan tanishdi.

🤝 Uchrashuv yakunida istiqboldagi qo‘shma loyihalarni amalga oshirish va hamkorlikni yanada rivojlantirish bo‘yicha kelishuvlarga erishildi.

📣O'zDJTU Ingliz tili 1-fakulteti Ingliz tilini o'qitish metodikasi N1 kafedrasi mudiri V.R.Ochilova hamda iqtidorli talabasi Erkinboyeva Aziza Ruslonovna tashabbusi bilan “Mohir qo‘llar” to‘quvchilik uchrashuvi tashkil etildi. 🧶✨

Uchrashuv davomida talaba-qizlar birgalikda to‘quvchilik bilan shug‘ullanib, o‘zaro samimiy suhbat va ijodiy muhitda vaqt o‘tkazdilar.

Tadbir yoshlarning hunarmandchilikka bo‘lgan qiziqishini oshirish, bo‘sh vaqtlarini mazmunli tashkil etish hamda milliy qadriyatlarimizni targ‘ib qilishga xizmat qildi. 🌸

Bunday uchrashuvlar talabalar o‘rtasida do‘stona muhitni mustahkamlab, ularning ijodkorlik qobiliyatlarini rivojlantirishda muhim ahamiyat kasb etadi. 🤍

🏅 Uchrashuv yakunida faol qatnashgan talabalar sertifikatlar bilan taqdirlandilar.