📚 Talabalar “Odob-axloq qoidalari” bilan tanishtirildi

📗Ingliz tili 1-fakulteti 1-kurs talabalari bilan ma’naviy-ma’rifiy yo‘nalishda targ‘ibot-tushuntirish ishlari olib borildi.

📌Tadbir davomida IPMBIB mutaxassisi D.Matyakubova tomonidan 1-kurs talabalari Universitet Kengashining 2024-yil 27-iyundagi 11-son bayoni bilan tasdiqlangan “Odob-axloq qoidalari” bilan batafsil tanishtirildi.

📋Uchrashuv davomida talabalarga universitetda o‘zaro hurmat, muomala madaniyati, odob-axloq me’yorlariga rioya qilish, ta’lim muassasasining ichki tartib-qoidalariga amal qilish hamda talabalik mas’uliyatini chuqur anglashning ahamiyati haqida tushunchalar berildi.

🤝 Tadbir yakunida talabalar o‘zlarini qiziqtirgan savollar bilan murojaat qilib, tegishli tavsiyalar oldilar.

🌱 Odob-axloq — yuksak madaniyat va munosabatlar asosi!

🇺🇿 Mustaqilligimizning 35 yilligiga bag‘ishlangan bayram tadbiri

O‘zbekiston Respublikasi Mustaqilligining 35 yilligi munosabati bilan O‘zbekiston davlat jahon tillari universiteti 1- fakulteti 1-bosqich talabalari tomonidan bayram tadbiri tashkil etildi.

🎉 Tadbirni guruh tyutori Tadjiyeva Yulduz Muxitdinovna boshchiligida talabalar ko‘tarinki kayfiyatda o‘tkazdilar.

Tadbir davomida iqtidorli talabalar tomonidan Vatanimizni madh etuvchi she’rlar, kuy-qo‘shiqlar va badiiy chiqishlar namoyish etildi. 🇺🇿

✨ Ushbu tadbir yoshlar qalbida Vatanga bo‘lgan muhabbat, milliy qadriyatlarga hurmat va yurtimiz kelajagiga daxldorlik tuyg‘ularini yanada mustahkamladi.

🇺🇿 Mustaqilligimizning 35 yilligi muborak bo‘lsin!

Professor-o‘qituvchilar ishtirokida ma’naviy-ma’rifiy suhbat o‘tkazildi

2026-yil 11-sentabr kuni O‘zbekiston davlat jahon tillari universiteti Ingliz tili 1-fakulteti professor-o‘qituvchilari ishtirokida ma’naviy-ma’rifiy yo‘nalishda targ‘ibot-tushuntirish ishlari olib borildi.

Mazkur ma’naviy-ma’rifiy suhbat fakultet xotin-qizlar masalalari bo‘yicha dekan maslahatchisi, dotsent N. Tojibayeva hamda Ingliz tili amaliy fanlar kafedrasi mudiri, professor D. Isroilova boshchiligida tashkil etildi.

Suhbat davomida professor-o‘qituvchilarning kasbiy faoliyatida muhim ahamiyat kasb etuvchi kiyinish madaniyati, odob-axloq, muomala madaniyati, pedagogik etika hamda kasbiy mas’uliyat masalalariga alohida e’tibor qaratildi. Shuningdek, ta’lim jarayonida ustozning shaxsiy namuna bo‘lishi, talabalarga nisbatan hurmat va xushmuomalalik bilan munosabatda bo‘lish, zamonaviy pedagogik madaniyat talablariga rioya qilish borasida fikr-mulohazalar bildirildi.

Ta’kidlash joizki, har juma kuni “Milliy liboslar kuni” sifatida belgilanganini inobatga olgan holda, professor-o‘qituvchilar mazkur tadbirga milliy liboslarda tashrif buyurdilar. Bu esa milliy qadriyatlarimiz, urf-odat va an’analarimizga hurmatni yanada mustahkamlash, milliy liboslarimizni targ‘ib etish va yoshlar ongida milliy o‘zlikni anglash tuyg‘usini shakllantirishga xizmat qiladi.

Tadbir davomida milliy liboslarimizning tarixi, kelib chiqishi, hududiy o‘ziga xosligi, bezaklari hamda ularning milliy madaniyatimizdagi o‘rni haqida atroflicha fikr almashildi. Milliy liboslarning nafaqat estetik, balki xalqimizning tarixi, qadriyatlari va ma’naviy merosini aks ettiruvchi muhim madaniy boylik ekanligi qayd etildi.

Suhbat yakunida professor-o‘qituvchilar mavzu yuzasidan o‘z fikr va mulohazalarini bildirib, o‘zaro savol-javob va fikr almashuvlarida faol ishtirok etdilar.

Mazkur tadbir professor-o‘qituvchilar o‘rtasida sog‘lom ma’naviy muhitni mustahkamlash, kasbiy va pedagogik madaniyatni yuksaltirish, milliy qadriyatlarimizga hurmatni oshirish hamda jamoada o‘zaro hurmat va hamjihatlikni yanada kuchaytirishga xizmat qildi.

https://t.me/first_faculty_official