Professor-o‘qituvchilar ishtirokida ma’naviy-ma’rifiy suhbat o‘tkazildi

2026-yil 11-sentabr kuni O‘zbekiston davlat jahon tillari universiteti Ingliz tili 1-fakulteti professor-o‘qituvchilari ishtirokida ma’naviy-ma’rifiy yo‘nalishda targ‘ibot-tushuntirish ishlari olib borildi.

Mazkur ma’naviy-ma’rifiy suhbat fakultet xotin-qizlar masalalari bo‘yicha dekan maslahatchisi, dotsent N. Tojibayeva hamda Ingliz tili amaliy fanlar kafedrasi mudiri, professor D. Isroilova boshchiligida tashkil etildi.

Suhbat davomida professor-o‘qituvchilarning kasbiy faoliyatida muhim ahamiyat kasb etuvchi kiyinish madaniyati, odob-axloq, muomala madaniyati, pedagogik etika hamda kasbiy mas’uliyat masalalariga alohida e’tibor qaratildi. Shuningdek, ta’lim jarayonida ustozning shaxsiy namuna bo‘lishi, talabalarga nisbatan hurmat va xushmuomalalik bilan munosabatda bo‘lish, zamonaviy pedagogik madaniyat talablariga rioya qilish borasida fikr-mulohazalar bildirildi.

Ta’kidlash joizki, har juma kuni “Milliy liboslar kuni” sifatida belgilanganini inobatga olgan holda, professor-o‘qituvchilar mazkur tadbirga milliy liboslarda tashrif buyurdilar. Bu esa milliy qadriyatlarimiz, urf-odat va an’analarimizga hurmatni yanada mustahkamlash, milliy liboslarimizni targ‘ib etish va yoshlar ongida milliy o‘zlikni anglash tuyg‘usini shakllantirishga xizmat qiladi.

Tadbir davomida milliy liboslarimizning tarixi, kelib chiqishi, hududiy o‘ziga xosligi, bezaklari hamda ularning milliy madaniyatimizdagi o‘rni haqida atroflicha fikr almashildi. Milliy liboslarning nafaqat estetik, balki xalqimizning tarixi, qadriyatlari va ma’naviy merosini aks ettiruvchi muhim madaniy boylik ekanligi qayd etildi.

Suhbat yakunida professor-o‘qituvchilar mavzu yuzasidan o‘z fikr va mulohazalarini bildirib, o‘zaro savol-javob va fikr almashuvlarida faol ishtirok etdilar.

Mazkur tadbir professor-o‘qituvchilar o‘rtasida sog‘lom ma’naviy muhitni mustahkamlash, kasbiy va pedagogik madaniyatni yuksaltirish, milliy qadriyatlarimizga hurmatni oshirish hamda jamoada o‘zaro hurmat va hamjihatlikni yanada kuchaytirishga xizmat qildi.

https://t.me/first_faculty_official

INGLIZ TILI 1-FAKULTETIDA “DIGITAL RIGHTS WEEK” TADBIRLARI O‘TKAZILDI

O‘zbekiston Respublikasi Vazirlar Mahkamasining 2026-yil 3-martdagi “O‘zbekiston Respublikasida Inson huquqlari sohasidagi jahon ta’lim dasturining beshinchi bosqichini amalga oshirish chora-tadbirlari to‘g‘risida”gi VMQ-91-son qarori 1-ilovasining 13-bandida belgilangan vazifalar ijrosini ta’minlash maqsadida O‘zbekiston davlat jahon tillari universiteti Ingliz tili 1-fakultetida talabalar o‘rtasida “Digital Rights Week” — “Raqamli huquqlar haftaligi” doirasida targ‘ibot-tushuntirish tadbirlari tashkil etildi.

Tadbirlar davomida talabalarga raqamli makonda inson huquq va erkinliklarini ta’minlash, shaxsiy ma’lumotlarni himoya qilish, internetdan xavfsiz va mas’uliyatli foydalanish, axborotdan foydalanish huquqi hamda raqamli muhitdagi huquq va majburiyatlar yuzasidan batafsil ma’lumotlar berildi.

Shuningdek, yoshlar o‘rtasida raqamli savodxonlik va huquqiy madaniyatni oshirish, kiberxavfsizlik qoidalariga rioya qilish, shaxsiy ma’lumotlarning daxlsizligini ta’minlash, internet tarmog‘idagi turli tahdid va xavflardan himoyalanish masalalariga alohida e’tibor qaratildi.

Interaktiv suhbatlar va fikr almashuvlar jarayonida talabalar o‘zlarini qiziqtirgan savollar bilan murojaat qilib, raqamli huquqlarni ta’minlash hamda zamonaviy axborot texnologiyalaridan oqilona foydalanish bo‘yicha zarur tavsiyalarga ega bo‘ldilar.

Mazkur tadbirlar talabalarning inson huquqlari, raqamli xavfsizlik va zamonaviy axborot makonidagi huquqiy bilimlarini mustahkamlash, shuningdek, yoshlar orasida huquqiy va raqamli madaniyatni yuksaltirishga xizmat qildi.

https://t.me/first_faculty_official

🎗️ IQTIDORLI TALABALAR BILAN UCHRASHUV

📚 O‘zbekiston davlat jahon tillari universiteti Ingliz tili 1-fakultetida 1-bosqich talabalarining iqtidor va qobiliyatlarini aniqlash, ularni qo‘llab-quvvatlash hamda bo‘sh vaqtlarini mazmunli tashkil etish maqsadida ma’naviy-ma’rifiy yo‘nalishda uchrashuv tashkil etildi.

🤝 Uchrashuv davomida Ingliz tili 1-fakulteti dekan muovini L.N.Shakarboyevich hamda guruh tyutori Inamova Mahliyo Ayubjonovna tomonidan 1-bosqich talabalari bilan ochiq muloqot o‘tkazildi.

📌 Muloqot jarayonida talabalarning fan, chet tillari, sport, san’at, madaniyat, ijodkorlik va boshqa yo‘nalishlardagi qiziqishlari hamda individual qobiliyatlari o‘rganildi. Shuningdek, iqtidorli yoshlarni aniqlash va ularning salohiyatini yanada rivojlantirish bo‘yicha tegishli tavsiyalar berildi.

🏆 Talabalarga universitet va fakultet miqyosida o‘tkaziladigan turli tanlovlar, loyihalar, ma’naviy-ma’rifiy tadbirlar hamda ijtimoiy tashabbuslarda faol ishtirok etishning ahamiyati tushuntirildi. Ularning o‘z iste’dod va qobiliyatlarini namoyon etishlari uchun mavjud imkoniyatlar haqida batafsil ma’lumot berildi.

💬 Uchrashuv yakunida talabalar o‘zlarini qiziqtirgan savollar bilan murojaat qilib, mutaxassislar tomonidan tegishli javob va tavsiyalar oldilar.

🌱 Mazkur uchrashuv yoshlarning iqtidorini yuzaga chiqarish, ularni qo‘llab-quvvatlash hamda universitet hayotida faol ishtirokini ta’minlashga xizmat qiladi.

https://t.me/first_faculty_official

📚 ADIBLAR XIYOBONIGA MA’NAVIY-MA’RIFIY SAYOHAT

🌿 O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini 2026-yilda amalga oshirish bo‘yicha “Yo‘l xaritasi”ning 31-bandi hamda Oliy ta’lim, fan va innovatsiyalar vazirligining 2026-yil 11-sentabrdagi 04/61-7826-sonli xatiga muvofiq, 2026-yil 14-sentabr kuni O‘zbekiston davlat jahon tillari universiteti Ingliz tili 1-fakulteti 1-bosqich talabalari ishtirokida Adiblar xiyobonida ma’naviy-ma’rifiy va sport tadbirlari tashkil etildi.

📖 Tadbir taniqli shoir va tarjimon Aleksandr Faynberg haykali poyida o‘tkazilib, yoshlarning adabiyotga bo‘lgan qiziqishini oshirish, milliy va jahon adabiyoti namoyandalarining ijodiy merosini o‘rganish hamda talabalarning bo‘sh vaqtini mazmunli tashkil etishga qaratildi.

🎭 Tadbir davomida talabalarga Adiblar xiyobonida o‘rnatilgan haykallar, adib va shoirlarning hayoti hamda ijodiy faoliyati haqida ma’lumotlar berildi. Talabalar o‘zlari bilgan ma’lumotlarni o‘zaro almashib, adabiyot namoyandalarining boy ijodiy merosi yuzasidan fikr va mulohazalarini bildirdilar.

🏃‍♀️ Shuningdek, tadbirning sport qismida talabalar o‘rtasida turli harakatli sport o‘yinlari tashkil etilib, ularning jamoaviy hamkorligi, faolligi va sog‘lom turmush tarziga bo‘lgan qiziqishini oshirishga alohida e’tibor qaratildi.

😊 Mazkur ma’naviy-ma’rifiy sayohat 1-bosqich talabalari uchun ko‘tarinki kayfiyatda, do‘stona va samimiy muhitda o‘tkazildi.

🌱 Bunday tadbirlar yoshlarning ma’naviy dunyoqarashini boyitish, kitobxonlik va adabiyotga bo‘lgan qiziqishini oshirish, shuningdek, ularni faol va tashabbuskor bo‘lishga undashda muhim ahamiyat kasb etadi.

https://t.me/first_faculty_official