​​Сунъий интеллект РНК-вакциналарни хона ҳароратида сақлаш усулини топди

РНК-вакциналар ва ген терапиясининг энг катта камчилиги — уларни сақлаш ва ташишда улкан криоген совутгичлар (-20°C...-80°C) талаб этилишидир. Бу эса уларни логистикаси мураккаб ва чекка ҳудудларда қўллашсиз қилиб қўяди. Массачусетс технология институти (MIT) олимлари бу муаммога Сунъий Интеллект (СИ) ёрдамида ечим топдилар.

💡 Муаммо нимада эди?
РНК молекулалари ҳужайрага кириши учун махсус липид (мой) нанозаррачаларга ўралади. Бироқ бу нанозаррачалар одатдаги ҳароратда жуда тез парчаланиб кетади.

🤖 СИ қандай ёрдам берди?
Олимлар йиллаб давом этадиган минглаб кимёвий комбинацияларни саралаш жараёнини нейротармоққа топширишди.
СИ атиги бир неча ҳафта ва бир неча қадам ичида аллақачон фармакологияда тасдиқланган 5 та реагентдан иборат оптимал таркибни танлаб берди.

🔥 Кутилмаган натижа:
Янги липид қобиғига эга коронавирус вакциналари +37°C ҳароратда 2 ой сақлангандан кейин ҳам ўз самарадорлиги ва иммуногенлигини тўлиқ сақлаб қолди!

📉 Бу фармацевтика учун нимани англатади?
Совуқлик занжирига (Cold Chain) ҳожат қолмайди: Вақциналарни оддий ҳароратда ташиш мумкин бўлади.
Таннарх арзонлашади: Логистика ва сақлаш харажатлари кескин камаяди.
Глобал фойдаланиш: Дyнёнинг энг чекка ва иссиқ ҳудудларига ҳам РНК-технологиялари етиб боради.

Фармацевтика ва СИ интеграцияси тиббиёт келажагини кўз олдимизда ўзгартирмоқда!

Telegram | Facebook|vebsahifa| Instagram | You Tube

Shaxmat olimpiadasi chempionlari hamda murabbiysiga Volkswagen Teramont Pro avtomobili, Parashaxmat olimpiadasi bronza medallarini qo’lga kiritgan shaxmatchilarimiz hamda ularning murabbiysiga esa Volkswagen Passat Pro avtomobillari topshiriladi.

🌐 Web-site 🔵Telegram 👥 Fb 📷 Instagram

🟦🟦🟦🟦

Respublikamiz hududida nechta dorixona faoliyat yuritmoqda?

2026-yil 1-sentabr holatiga ko‘ra, O‘zbekistonda dori vositalari va tibbiy buyumlarni chakana realizatsiya qilish huquqiga ega 7 907 ta dorixona faoliyat yuritmoqda. Mazkur ko‘rsatkich hududlar kesimida turlicha bo‘lib, eng ko‘p dorixona Toshkent shahrida — 979 ta, Samarqand viloyatida — 954 ta va Farg‘ona viloyatida — 843 tani tashkil etadi.

Telegram | Facebook | Instagram | Youtube

​​#Дунё
Японияда дунёда илк бор илдиз ҳужайраларидан тайёрланган «юрак пластири» қўлланилди 🫀

Япониянинг Осака префектурасида тиббиёт оламида туб бурилиш ясаган ноёб операция ўтказилди. Оғир юрак етишмовчилигидан азият чекаётган беморга индуцияланган илдиз ҳужайраларидан (iPS) тайёрланган «юрак пластири» кўчириб ўтказилди.

Ушбу ишланма Осака университети ҳузуридаги Qualips компанияси томонидан яратилган бўлиб, ReHeart номини олган. У регенератив тиббиёт соҳасида iPS-ҳужайралари асосида амалиётга жорий этилган дунёдаги биринчи маҳсулотдир.

ReHeart қандай ишлайди?
Таркиби: iPS-ҳужайраларидан ўстирилган юрак мушаклари (кардиомиоцитлар) қатламидан иборат.
Таъсири: Юракка ўрнатилгач, қон томирларининг тикланишини рағбатлантирувчи моддалар ажратади.
Натижаси: Юракнинг қон ҳайдаш функциясини яхшилайди ёки барқарорлаштиради.
Кимлар учун: Ишемик кардиомиопатиянинг оғир шаклига чалинган беморлар учун мўлжалланган.

Амалиёт миокард инфарктини бошидан кечирган 50 ёшли аёлда ўтказилди. Бор-йўғи 50 дақиқа давом этган операция муваффақиятли якунланди. Бемор яқин 2-4 ҳафта ичида уйига жавоб берилиши кутилмоқда.

Маълумот учун: 2012 йилда япониялик олим Синъя Яманака илдиз ҳужайралари бўйича тадқиқотлари учун Нобель мукофотига сазовор бўлган эди. Шундан сўнг Японияда регенератив тиббиёт устувор йўналишга айланди. iPS-ҳужайралари кимёвий таъсир остида инсон организмидаги ҳар қандай тўқимага айланиш хусусиятига эга.

Telegram | Facebook|vebsahifa| Instagram | You Tube

Президентимиз олийгоҳларда дуал таълимни янгича ёндашув асосида йўлга қўйиш тўғрисидаги қарорни имзолади. Келаси йилдан “корхона – олийгоҳ – мақсадли кадр” тизими 75 та олий таълим муассасасида, 2028 йилдан барча олийгоҳларда амал қилади.

Telegram | Facebook|vebsahifa| Instagram | You Tube

🌿 1 октябрь – Ўқитувчи ва мураббийлар куни!
Ҳурматли устозлар, профессор-ўқитувчилар ва фармацевтика соҳасининг фидойи мутахассислари!
Сизларни 1 октябрь – Ўқитувчи ва мураббийлар куни муносабати билан Ўзбекистон фармацевтлари ассоциацияси номидан самимий муборакбод этамиз!
Ёш авлодга чуқур билим ва касбий маҳорат бериш, уларни илм-фанга, изланишга ва инсон саломатлигига хизмат қилишдек эзгу мақсадларга йўналтиришдаги меҳнатингиз беқиёсдир.
Сизларнинг бой тажрибангиз, юксак масъулиятингиз ва фидокорона меҳнатингиз фармацевтика соҳасининг келажагини муносиб мутахассислар билан таъминлашда муҳим аҳамият касб этади.
Барчангизга мустаҳкам соғлиқ, оилавий хотиржамлик, илмий ва касбий фаолиятингизда улкан муваффақиятлар, шогирдларингиз камоли ва ҳурмат-эътибор тилаймиз!
Байрамингиз муборак, азиз устозлар!
🇺🇿 Ўзбекистон фармацевтлари ассоциацияси

Байрамингиз муборак, азиз устозлар!
🇺🇿 Ўзбекистон фармацевтлари ассоциацияси Расмий саҳифаларимиз: Обуна бўлинг | Подпишитесь
Telegram || Instagram

Oʻzbekiston oʻqituvchi va murabbiylariga tabrik
—
Поздравление учителям и наставникам Узбекистана

Website | Telegram | Instagram | Facebook | Youtube | linkedin

🇺🇿Хотира ва қадр уйғунлиги Ибодов Али Юсупович

Тошкент фармацевтика институти, фармацевтик кимё кафедраси доценти, фармацевтика фанлари номзоди, доцент Ибодов Али Юсупович. Ибодов Али Юсупович 1923 йил Андижон шаҳрида таваллуд топган. 1941 йилда Тошкент фармацевтика институтининг биринчи курсига ўқишга кириб, 1945 йилда уни муваффиқиятли тугаллаб “провизор” квалификациясини эгаллаган 1946 йилда Тошкент фармацевтика институтининг фармацевтик кимё кафедрасига ассистент лавозимига ишга қабул қилинган. 1955 йилда “Некоторые новые методы количественного определения сульфаниламидных препаратов” мавзусида фармацевтика фанлари номзоди илмий даражасини олиш учун Сеченов номидаги Москва тиббиёт институтининг фармацевтика факультети илмий кенгашида диссертация ишини ҳимоя қилган. 1956 йилдан 1975 йилгача фармацевтик кимё кафедрасининг доценти, 1976 йилдан 1985 йилгача кафедра мудири ва 1985 йилдан 1997 йилгача кафедра доценти лавозимларида фаолият олиб борган. Али Юсупович Ибодов Тошкент фармацевтика институтининг ривожланишига беқиёс ҳисса қўшган устозлардан бири ҳисобланади. Батафсил 🍃🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Махсумов Минхож Носирович

Тиббиёт фанлари доктори, профессор, Максумов Минхож Носирович 23 август 1928 йилда Тошкент шаҳрида зиёлилар оиласида тугилган.

1946-1951 йилларда Тошкент тиббиёт институтининг даволаш факультетида таҳсил олган.

1951 йилда Тошкент тиббиёт институтининг даволаш факультетини имтиёзли диплом билан битирган.

1951- 1958 йилларда Собиқ Иттифоқ ҳарбий қўшинлар сафида ҳарбий врач лавозимида ҳизмат қилган. Хизмат давомида тиббиёт хизмати капитани унвонини олган.

1958 – 1960 йилларда Ўзбекистон Фанлар академияси қошидаги Ўлка тиббиёт институтининг фармакология йўналиши бўйича аспирантурада тахсил олди. Аспирантурада таҳсил олиш жараёнида Ленинград (ҳозирги Санкт–Петербург ) “Экспериментал тиббиёт институти”да академик Сергей Викторович Аничков рахбарлигида илмий фаолият олиб борди.

1962 йилда Ленинграддаги “Экспериментал тиббиёт институти”нинг илмий кенгашида “Метамизил, метилдиерацил ва уларнинг йодметилатларининг меъда ичак трактига таъсирини ўрганиш” мавзусида номзодлик диссертациясини муваффақиятли ҳимоя қилди.

1962-1964 йиллар мобайнида Ўзбекистон Фанлар академияси қошидаги Ўлка тиббиёт институтида илмий фаолиятларини давом эттириш билан бир қаторда Тошкент Давлат тиббиёт институнинг фармакология кафедрасида педагогик фаолиятини олиб борди.

1964-1994 йилларда Тошкент фармацевтика институти катта ўқитувчиси, доценти, кейинчалик эса фармакология курси раҳбари лавозимида ишлаб келди. Батафсил 🍃🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Икромов Латиф Тўлаганович

Икромов Латиф Тўлаганович Ўзбекистон Энцеклопедияси ва Саломатлик Энциклопедияларининг доривор моддалар қисми бўйича муаллифларидан бири, Олий таълим аълочиси, профессор.

1932 йил Тошкент шаҳрида зиёли оилада дунёга келди.

Латиф Икромов 1949 йил ўрта мактабни битиргач, Тошкент фармацевтика институтининг талаблари сафидан жой олди. 1954 йилда эса имтиёзли диплом билан битириб, Москва фармацевтика институтининг “Суд кимё” кафедрасига аспирантурага ўқишга юборилган.

1958 йили “Кобальт бирикмаларини биологик обьектлардан ажратиб олиш усуллари ва уларни суд кимё экспертизалар таҳлилида қўллаш” мавзусида номзодлик диссертациясини ҳимоя қилган. Ушбу диссертацияга Россияда хизмат кўрсатган фан арбоби, профессор Мария Дмитриевна Швайкова раҳбарлик қилган эди.

Латиф Икромов Москвадан Тошкентга кайтгач, институтнинг “Суд кимё курсида” ассистент, сўнг “Фармацевтик кимё” кафедрасида катта ўқитувчи, 1961 йилдан эса “Суд кимё курси”да доцент бўлиб фаолият юритган.

Латиф Тўлаганович педогогик ва илмий соҳада фаолияти юритиш билан бир вақтда институт маьмуриятида ҳам меҳнат қилди. 1959-1960 йилларда кундузги фармация факультетининг декани, 1964-1968 йилларда илмий ишлар бўйича проректор, 1965-1973 йилларда илмий кенгаш котиби, 1980-1984, 1993-1996 йилларда институт касаба уюшмаси раиси вазифасини бажарган.

Латиф Икромовнинг ташаббуси билан Тошкент фармацевтика институтида 1966 йилда “Суд кимёгарлари” Бутун Иттифоқ ихтисослаштириш курси ташкил этилган. Натижада токсикологик кимё курсига “Токсикологик кимё” кафедраси мақоми берилди ва унга сайлов йўли билан ўтказилган танловда Латиф Тўлаганович кафедра мудири сифатида танлаб олинди. Батафсил 🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Тошмухамедов Эркин Рахимович

Тошмухамедов Эркин Рахимович 1930 йил 15 февралда Тошкент шаҳрида туғилган. Оилада 3 фарзанд бўлишган.1938 йил Тошкентнинг Йўлдош Охунбобоев номидаги 45-мактабга борган.1948 йилда ўрта мактабни муваффақиятли тамомлалагандан сўнг Тошкент фармацевтика институтига кирди. Э.Р Тошмухамедов Тошкент фармацевтика институтини 1952 йилда имтиёзли диплом билан битирган. 1953 йил январь-октябрь ойларида 8-сонли дорихонада рецептар-назоратчи бўлиб ишлади.1953 йилда ноябрда Тошкент фармацевтика институтининг Дори турлари технологияси кафедраси таркибида фаолият кўрсатадиган Фармацевтика ишини ташкил қилиш курсига аспирантурага кирди. 1953 йил 16 ноябрдаги буйруғига кўра аспирантурани Москва фармацевтика институтида ўтадиган бўлди. 1956 йилда аспирантурани тугатиб, меҳнат фаолиятини Тошкент фармацевтика институтининг Фармацевтика ишини ташкил қилиш ва иқтисодиёти курсида ассистент лавозимида бошлади. Батафсил 🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги АСАТОВ ИСМАТ

Асатов Исмат 9 сентябрь 1929 йил Тошкент шаҳри, Беш-ёғоч даҳаси, ишчи оиласида туғилган. Меҳнат фаолиятини 1943 йил собиқ А.Навоий кинотеартида киномеханик лавозимидан бошлаган. И.Асатов 1946-1949 йилларда Ю.Ахунбобоев номли тиббиёт техникуми, 1949-1954 йилларда Тошкент Фармацевтика институтини имтиёзли диплом билан тамомлаган. 1954-1960 йилларда Ю.Ахунбобов номли тиббиёт техникумида ўқитувчи, бўлим мудири лавозимида ишлаган.

1960 йил илмий иш бошлаш ниятида Тошкент Фармацевтика институти биохимия кафедрасига ишга кирган ва шу кафедрада 1989 йилда турли лавозимларда ишлаган: стажёр-тадқиқотчи, аспирант, катта ўқитувчи.

1966 йил И.Асатов химия фанларига номзодлик диссертациясини мувоффақиятли ҳимоя қилган, 1970 йил Бутуниттифоқ олий аттестация комиссияси қарори билан “Доцент” унвони берилган.

И.Асатов 50 ортиқ илмий мақолалар, 20 дан ортиқ методик қўлланмалар муаллифидир. Батафсил 🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Қодиров Якуб Қодирович

Тошкент фармацевтика институти, фармацевтик кимё кафедраси доценти, фармацевтика фанлари номзоди, доцент Қодиров Якуб Қодирович.
Қодиров Якуб Қодирович 1922 йилда Тошкентда зиёлилар оиласида таваллуд топди. 1941 йилда Тошкент фармацевтика институтининг биринчи курсига ўқишга кириб 1945 йилда уни муваффақиятли тугаллаб “провизор” мутахассислигига эга бўлди.

1945 йилда фармацевтик кимё кафедрасига ассистент лавозимига ишга қабул қилинди. Бу даврда кафедрани Ўзбекистонда ҳизмат кўрсатган фан арбоби, профессор Зиновий Эммануилович Манулкин бошқарди. Унинг мутахассислиги кимёгар бўлган.

Я.Қ. Қодиров кафедрада провизор мутахассислигига эга бўлган илк педагоглардан эди.

1952 йил Сеченов номли Москва тиббиёт институтининг фармация факультети илмий кенгашида “Экспрессный полумикрометод анализа фармацевтических препаратов и лекарственных форм” мавзусида фармацевтика фанлари номзоди илмий даражасини олиш учун диссертация ҳимоя қилди.

У 1945-1952 йилларда фармацевтик кимё кафедрасининг ассистенти, 1952-1957 йилларда кафедра доценти, 1957-1974 йилларда кафедра мудири лавозимларида фаолият олиб борди. Батафсил ✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Рахимов Али Усмонович
1904 йил Қозоғистон республикасининг Чимкент вилоятида туғилди. Унинг отаси ўз замонасининг илғор инсонларидан бири бўлгани учун ўғлини революцияга қадар рус мактабида ўқитган. Октябрь революциясидан сўнг Чимкентда очилган янги ўрта мактабда Тошкент шахридан келган ёш педогоглар қўлида тахсил олган.

А.У. Рахимов 1920 йилда ўз иш фаолиятини дастлаб Чимкент вилоятидаги Мирзо Улуғбек номидаги I даражали ўрта мактабда ўқитувчиликдан бошлади.

1923 йилда Тошкент шахрига келиган ва Ўрта Осиё Давлат университетининг ишчи факультети 2 курсига муваффақиятли қабул қилинган. 1925 йилда эса мазкур университетнинг қишлоқ хўжалиги факультетига қабул қилинган. Университетда ўқиш билан бирга Тошкент шахрининг “Машраб” номидаги 7 йиллик мактабда ва “Алишер Навоий“ номидаги ўрта мактабларда ўқитувчилик фаолиятини давом эттирди.шу даврларда бўлғуси халқ артистлари Карим Зокиров, Шукур Бурхонов ва бошқалар унинг қўлида тахсил олганлар. “Навои ва Наримонов” техникумда фаолият юритган даврларида бўғуси профессорлар М.А.Азизов ва М.Мирзарахимовлар хам Али Усмоновичдан тахсил олганлар. Али Усмоновичнинг шогирдларидан бўлган М. А. Азизов кейинчалик фармацевтика институтида ректорлик лавозимида фаолият юритган. Улар А.У. Рахимовни устоз деб хисоблайдилар. Батафсил ✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Холматов Ҳамид Холматович

1923 йилда 4 майда Қозоғистон Республикасининг Мерке шаҳрида тугилди. Тошкент фармацевтика институтини 1944 йилда битириб, Фармакогнозия мутахассислиги бўйича аспирантурага кирди. 1950 йилда Ҳ.Х. Холматов “Ўрта Осиёда ўсадиган 3 та далачой турини фармакогностик ўрганиш ” мавзусида номзодлик диссертациясини хцмоя қилди.

1947 йилдан фармакогнозия кафедраси ассистенти лавозимида педагогик фаолиятини бошлади. 1957 йилда унга доцент илмий унвони берилди. Ҳ.Х. Холматов 1953 йилдан бошлаб институт декани, 1959 йилдан ўқув ва илмий ишлари бўйича проректор, 1970-1985 йилларда институт ректори лавозимларида ишлади. Ўзбекистонда ёввойи ҳолда кенг тарқалган, халқ табобатида пешоб ҳайдовчи дори воситаси сифатида қўлланиладиган ўсимлик маҳсулотлари устида олиб борган илмий тадқиқот ишларини умумлаштириб, 1975 йилда Тбилиси тиббиёт институтида докторлик диссертациясини ёқлади. 1977 йилда унга профессор унвони берилди.

Ҳ.Х. Холматов томонидан 300 дан ортиқ илмий асар чоп этилган, жумладан фармакогнозия фанидан ўзбек тилида фармацевтика институти ва коллеж талабалари учун 9 та дарслик ва амалий дарслар учун қўлланмалар, Ўзбекистон ва Марказий Осиёда ёввойи ҳолда ўсадиган доривор ўсимликлар бўйича 29 та монография, доривор ўсимликларга бағишланган 16 та оммабоп китоб, 5 та луғат, ҳамда Ибн Сино ишлатган доривор ўсимликлар бўйича битта маълумотнома чоп этилган. Унинг раҳбарлигида 8 та номзодлик ва 3 та докторлик диссертациялари ҳимоя қилинди. Батафсил ✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси

🇺🇿Хотира ва қадр уйғунлиги Хазанович Рахиль Львовна

1906 йил 9 октябрда Украинанинг Лохвица шаҳрида туғилган. 1929 йилда Харьков фармацевтика институтини тугатиб, 1929-1933 йилларда Прилуки шаҳридаги аптекада ассистент рецептор, 1934-1935 йилларда шу шаҳарнинг туман фабрикаси кимёвий лаборатроиянинг лавозимларида ишлаган. 1935 йилда Р.Л.Хазанович илмий-педагогик ишга ўтиб, 1935-1939 йилларда Днепропетровск фармацевтика институтининг фармацевтик кимё ва фармакогнозия кафедраси ассистент лавозимида ишлаган. Шу ерда у 1939 йилда “ Отқулоқ ўсимлигини фармакогностик ўрганиш ” мавзусида номзодлик диссертациясини муваффақиятли ҳимоя қилди.

1940 йилда Р.Л.Хазанович Ўзбекистонга келиб Тошкент фармацевтика институти фармакогнозия кафедрасини бошқара бошлади ва 40 йил давомида унинг мудири, сўнг 10 йилдан ортиқ кафедра профессори, консультанти лавозимларида ишлади.

1955 йилда Р.Л.Хазанович “ Ўзбекистоннинг сурги ва буриштирувчи таъсирли доривор ўсимликлари ” мавзусида докторлик диссертацияни ҳимоя қилди. 1957 йилда унга профессор илмий унвони, 1967 йилда эса Ўзбекистонда хизмат кўрсатган фан арбоби фахрий унвони берилди. Батафсил 🌹✔️АЛБАТТА ЯҚИНЛАРИНГИЗГА ҲАМ ТАРҚАТИНГ!!!☝️ ✅Ўз.Фармацевтлари ассоциацияси