لغز الجثث 🕵🏻‍♀️

قبل ما أقولك الصورة ديه عبارة عن ايه ، عاوز أقولك أنه التاتو ده مهم في الطب الشرعي لأنه بتعرف منه ع الجثة لو كان عليها تاتو فبتعرف كذا حاجة زي مثلا اسمه ، عقيدته، بلده ، واللي هنتكلم عليه هو أنه ممكن يكون بيتعاطي مخدرات وبيداري مكان علامات الحقن بالتاتو

وفيه بقى الأذكى من كده وده محور كلامنا 😈
فيه نوع من التاتو بيكونوا كاتبين مثلا أرقام زي 3 و 5 يجي فريق التحقيق لما يقبضوا ع تاجر مخدرات أو لو فحصوا جثة تاجر مخدرات مثلا مش يفهموا يقصد ايه بده !
تعرف يقصد ايه ؟_ يقصد الحرف رقم 3 و5 من حروف اللغة الإنجليزية للي هم ال C وللي هي أول حرف من cocaine
وال E وللي هي أول حرف من كلمة Eater يعني الشمام للي بياخد المخدر عن طريق الفم.

*نفس الكلام الأرقام 8 و 13
ال8 يقصد بيها حرف ال H وللي يقصد بيها Heroin
ال13وديه حرف ال M وللي يقصد بيها marijuana

*عارف بقى لو لقيته كاتب ‘99.9’ معناه أن الهيروين للي معاه نقى جدا 😅

الصورة لتاجر مخدرات عامل تاتو في الشفة السفلى وشوفوا بقى كاتب ايه وهنا كاتبها صريحة كاتب ال M بدون ما يكتب رقم ، من فهمك للبوست هتعرف ❗️

مين متابع ❓
تابعونا ع فيسبوك :-
https://www.facebook.com/muhammed.gamal.161214/
#علم_الجريمة
#forensic_csi

للي حابب يحضر ايفنت في الطب الشرعي وعلوم الأدلة الجنائية مجانا ❤️
تم إطلاق ايفنت
Applications of forensic sciences event (AFSE)
وللي هيتم شرح فيه علوم الطب الشرعي ومسرح الجريمة والكشف عن الأدلة الموجودة وعلم الحشرات الجنائي والتسمم بأول أكسيد الكربون كمان هيتشرح فيه طريق الدخول لمجال ال forensic sciences ومعرفة الدبلومات للي الطلبة بتسأل عنها 🙃

وللي هينظم الإيفنت فريق Forensic_CSI and Pharmacy students training&Jobs

المحاضرين : دكاترة في الطب الشرعي والسموم وخبراء في علوم الأدلة الجنائية داخل وخارج مصر.

الإيفنت : حضور اونلاين على ميكروسفت تيم + شهادات الحضور مجانا.

مدة الإيفنت : 8 أيام من يوم 8/21 إلى8/28 إجمالي 22 ساعة ونصف.

للي ناوي يحضر يعمل كومنت ، أو يمنشن لحد يعرفه مهتم بالمجال ويدخل يسجل في الفورم في أول كومنت
ولازم تنضم لجروب التلجرام عشان هينزل عليه الجدول.

موفقين ❤️
#علم_الجريمة
#forensic_csi


تسجيل الحضور في الإيفنت من خلال الفورم :
https://docs.google.com/forms/d/1jG9T16GSt6sxn0iv6cQiSNwq596P-Dmrtvq3ChbdVVc/edit

‏حالة تسمم 🕵🏻‍♀️
رجل مريكي عمره 28 سنة(كان بيشتغل عامل في مكتب وهنا الشغلانة قد تكون مهمة في معرفة لغز التسمم هتعرف كمان شوية) أصيب بنوع نادر من أمراض العظام يعرف بالفلور الهيكلي SF)Skeletal Fluorosis) بيكون فيه تشوه في العظام وبتكون شديدة الكثافة ، والراجل ده أصلا كان شغال في مكتب يعني وسط كمبيوتر بقى ❗️

‏في البداية مكنوش عارفين السبب ايه ، لما عملوا تحليل لمادة الفلوريد في serum والبول والعضم لقوها عالية!
لما نيجي نربط شغل الراجل بلغز التسمم ممكن نلاقي أنه فعلا الراجل ده كان بيستنشق منظف غبار الكمبيوتر(abuser) عامل زي للي بيشموا الأسيتون ودخان العربيات كده عشان يعمل دماغ يعني ، المنظف ده بقى فيه ديفلوروإيثان difluoroethane (يعني تركيبه فيه فلور) وده بيخليه يطلع في الجسم فلوريد 😈

*(SF) is endemic in many countries and millions of people are affected worldwide, whereas in the United States SF is rare with occasional descriptions of unique cases.

We report a 28-year-old American man who was healthy until 2 years earlier when he gradually experienced difficulty walking and an abnormal gait, left hip pain, loss of mobility in his right wrist and forearm, and progressive deformities including enlargement of the digits of both hands. Dual-energy X-ray absorptiometry (DXA) of his lumbar spine, femoral neck, total hip, and the one-third forearm revealed bone mineral density (BMD) Z-scores of +6.2, +4.8, +3.0, and –0.2, respectively !

Serum, urine, and bone fluoride levels were all elevated and ultimately explained by chronic sniffing abuse of a computer cleaner containing 1,1-difluoroethane.

Our findings reflect SF due to the unusual cause of inhalation abuse of difluoroethane.

تابعونا ع فيسبوك :-
https://www.facebook.com/muhammed.gamal.161214/
#علم_الجريمة
#forensic_csi

صفحتنا ع ليندان عملناها للناس للي بتحب تعقد ع ليندان بس وهننزل عليها أي إيفنت هنعمله : https://www.linkedin.com/company/forensic-csi/

ده حساب لينكدان اللي ماسك الصفحة :
حساب قناة Forensic CSI ع لينكدان تابعوه :
https://www.linkedin.com/in/forensic-csi-8a3958217

لغز التسمم 🕵🏻‍♀️
هنا الضحية تسمم بأول أكسيد الكربون CO ومن الحاجات المميزة أنك تشوف ال hypostasis في عضلات الصدر و ضافر أصابعه اللون الأحمر بتاع الكرزCherry Red وده بسبب أنه ال CO بيتحد مع الهيموجلوبين ويكون Carboxyhemoglobin للي أدى اللون الأحمر كده للضحية ❗️

تابعونا ع فيسبوك :-
https://www.facebook.com/muhammed.gamal.161214/
#علم_الجريمة
#forensic_csi

جثة طفل في مصرف والق.اتل......❗️

يحكي طبيب شرعي في مذكراته ويقول أحد أهالي قرية سمالوط جه بلغ أنه لقى ابنه مقيد القدمين واليدين ومرمي في مصرف صغير.
قام الطبيب الشرعي بتشريح جثمان الطفل وتبين عدم وجود انسكابات دموية أمام مواضع القيد وده معناه أنه التقييد حدث بعد الوفاة !
كمان عدم ظهور أي مظاهر خارجية أو علامات داخلية للغرق معناه أنه إلقاءه في المصرف كان بعد الوفاة وأن الوفاة ليست بسبب اسفكسيا الغرق و مفيش أي مظاهر لهتك عرض الطفل .

مع التحريات تبين أنه والده للي بلغ ( هو للي موت الطفل وقيده ورماه ف المصرف)
لا شك أن الأم كانت بتهدد الولد بأبوه لما يجي أبوك هيعمل ...والولد خاف وقف قدام أبوه باهت اللون ، بارد الجسم ، يتصبب عرقا فقام لطمه ع وجهه فمات فورا.

اللطم ع الوجه وخاصة أسفل الأذن من المواضع الحساسة فالجسم وأنه أحد الأسلاك العصبية المتصلة بالقلب تمتد من هذا الموضع وأن الضرب ع المنطقة ديه يثير هذه الأسلاك العصبية وده معناه سكتة للقلب.

ماحدث هو مانسميه بلغة الطب الشرعي صدمة بارسيمباثتك Parasympathatic ومظاهره تخويف وترهيب ، وضرب ع أحد هذه المناطق الحساسة يتبعه إثارة في العصب الحائر ومظاهر فسيولوجية مثل تصبب العرق ، بهتان واصفرار ف الوجه ، أنيميا مخية وهبوط بالقلب ووفاة سريعة.

مات الطفل والوالد خاف ع نفسه لأنه قتله فقام مقيده ورميه ف المصرف.
لاشك أنه بينه وبين أحد العائلات عداوة فقال يستغل لحظة موت ابنه عشان يلفق لهم تهمة وإلا فلماذا قيد الطفل ويكأنه يقول أنه حد كتفه ورماه ف المصرف عشان يموت غرقا وهو أصلا سبب الوفاة ليس من الموت بالغرق 🕵🏻‍♀️

تابعونا ع فيسبوك :-
https://www.facebook.com/muhammed.gamal.161214/
#علم_الجريمة
#forensic_csi

الشلوت القا...تل 🕵🏻‍♀️
تلاقي الجاني ضرب المجني عليه شلوت مو..ته في الحال وده لأنه لما أداله شلوت ضربه في الخصيتين لأنه في الحالة ديه بيحصل تنبيه للعصب الحائر وبالتالي بيحصل توقف في القلب Reflex Cardiac Inhibition وموت فجأة.

وفي الحالة ديه بيكون فيه :
تهتك أو كدم بكيس الصفن مع أنزفة دموية حول الخصيتين داخل كيس الصفن❗️

تابعونا ع فيسبوك :-
https://www.facebook.com/muhammed.gamal.161214/
#علم_الجريمة
#forensic_csi

حكاية في الطب الشرعي 🕵🏻‍♀️
حكاية بيقولها طبيب شرعي بيقول أنه في محافظة البحيرة كان فيه واحد شغال عامل في مدرسة متجوز واحدة واتجوز عليها كمان ومراته الأولى ديه كان وراثة بيت وأرض

فأهل الزوجة الأولى طلبوا منها أنها تيجي العامرية عشان يوزعوا عليها الميراث ويكون معاها زوجها ، زوجها قالها تعالي بالميكروباص عند قرية النهضة في طريق مصر اسكندرية واستنيني هناك عشان يروح معاها يعني
زوجها ده خرج من المدرسة من غير ما يعرف حد وجاب جركن بنزين وقام مولع في مراته وقعدت تجري وهي مولعة وصلت عند تجار فاكهة فطفوها ونقلوها المستشفى وهناك قالت أنه زوجها هو للي عمل فيها كده.

يقوم زوجها بقى يعمل ايه ❗️
راح جاب شهادة من المدرسة للي شغال فيها إنه كان بالفعل في المدرسة ومكنش موجود في مسرح الحادث (هو خرج بدون مايعرف حد)
الشهادة قدمت للقضاء لكن النيابة العامة تشككت في الوفاة وأحالتها للمحاكمة الجنائية 😈
في المحاكمة الجنائية مفيش دليل خالص غير كلام الزوجة(الضحية)

فتم استدعاء الطبيب الشرعي وللي قال أنه الوفاة فيها شبهة جنائية
لأن الوفاة لو كانت انتحارية : كانت الضحية جابت الجركن وكبت ع راسها وهدومها فالنيران هتبتدي من فوق وتنزل لتحت(منشأ النيران يعني) كانت من فين لفين وده محصلش.

ولو كانت عرضية : معناه أنه المفروض كان في مسرح الحادث جركن النزين جنبها وللي سبب الحريق ( وده مكنش موجود أصلا)
كمان الطبيب الشرعي قال للمحكمة أن الست فعلا كانت قادرة تتكلم لأنه اللي بيتحرق بيحصل توسيع في الأوعية الدموية للي راحة للمخ CEREBAL VESSELS VASODILATIONفتقدر الضحية تتكلم ويتم استجوابها حتى لحظة وفاتها ، وتمت إدانة الزوج وتوقيع أقصى العقوبة عليه.

تابعونا ع فيسبوك :-
https://www.facebook.com/muhammed.gamal.161214/
#علم_الجريمة
#forensic_csi

لما حد يقولك سيبك نفسك والمياة هترفعك =

معلومة فورنسيك حلوة بقى :
المياة ترفعك ديه يا حبيبي لما تكون في واحة سيوة مثلا لأن الملوحة هناك عالية جدا في المياة للي لما بتزيد في المياة هتلاقي نفسك طافي فعلا 😁

حكاية في الطب الشرعي 🕵🏻‍♀️
فيه نوع من أنواع الإختناق اسمه الإختناق الرضي Traumatic Asphyxia بيحصل نتيجة أنه فيه قوة كبيرة ضغطت ع الصدر فبتعيق حركة عضلات التنفس بالصدر والحجاب الحاجز فبتصعب عملية التنفس وده بيحدث عرضيا فيه مواقف كتير زي :
1.لما تقع عمارة وناس فيها ويكونوا فترة تحت الأنقاض.

2.لما ناس تدوس على شخص نتيجة الزحام الشديد زي في ملاعب الكرة.

3.الميكانيكي للي بينزل تحت العربيات ويصلحها ، لو حصل أنه رافعة العربية وقعت والسيارة قامت نازلة على جسمه.

4.سقوط شخص أو عدة أشخاص على فرد لفترة طويلة وخاصة لو وزنهم تقيل ، أما في حالة القصد الجنائي يبقى هنا بدافع الق..ت*ل (مش عرضي)❗️

5.لو الأم نايمة جنب ابنها وقامت وهي بتتقلب ع السرير قامت رقدت عليه خنقته.

لما بيشرحوا جثث ماتت بسبب ال Traumatic Ashyxia بيشوفوا فيها ايه 😈
*بيكون فيه احتقان وتورم وزرقة و(نزيف نمشيPetechial hemorrhages) واضح بيكون فيه لون الوجه والعين والكتفين وأعلى الصدر أحمر داكن.
*نزيف نمشي بملتحمة العين بيكون واضح جدا جدا واحتقان في أحشاء الجثة الداخلية.
*رئة وقلب الضحية بتكون فيها contusions and/or laceration

تابعونا ع فيسبوك :-
https://www.facebook.com/muhammed.gamal.161214/
#علم_الجريمة
#forensic_csi

لطلاب المجال الطبي ❤
للي محتاج دروس خاصة يوجد لدينا دكاترة متخصصون لتدريس المواد الطبية وكلينكال للكليات الطب البشري والصيدلة
الشرح بيكون اونلاين من ال pdf للي بتذاكر منه عشان يكون مصدر مذاكرة ثابت معك
وبيكون فيه جروب واتس للمادة للرد على أي سؤال ولحل الأسئلة ❤
للتواصل واتس :
+201228955798

حكاية في الطب الشرعي 🕵🏻‍♀️

لما يكون في جثة تم إطلاق النار والجثة ديه اتسابت محدش شافها لحد ماوصلت لمرحلة التعفن الرمي Putrefaction 😈

لما يتم الكشف عنها والأدلة الجنائية يوصلوا ليها وهي في المرحلة ديه بيكون فيه صعوبات
وده لأن التعفن الرمي ممكن يأثر بشكل كبير على شكل الجرح الناري عن طريق مثلا أنه :
1.الجثة بتتحول بتكون لونها أسود فمش بيظهر علامات إصابات الطلق الناري ( وللي الطب الشرعي بيستخدمها في معرفة مسافة إطلاق النار ع الجثة) زي السواد البارودي وطوق السحج abrasion collar

2.انتشار الديدان ع الجثة وللي هتلاقيها بتوسع فتحات الإطلاق الناري فيحصل التباس في الأمر هل ده جرح دخول ولا خروج❗️

3.أثناء التعفن الجثة بتتملي بغازات وللي بتخرج من فتحات الطلق الناري وتقلب حواف الجروح للخارج فيحصل التباس في الأمر هل ده جرح دخول ولا خروج❗️
(لإنه فتحة الدخول بتكون حواف الجلد بارزة للداخل ، أما الخروج بتكون للخارج إلا في شوية حالات بيكون العكس)

4.لما تكون الجثة تم إطلاق النار عليها في منطقة البطن فبتخرج الأمعاء من فتحة الإطلاق فالجرح بيوسع ، فيصعب تمييز هل فتحة دخول أم خروج.

تابعونا ع فيسبوك :-
https://www.facebook.com/muhammed.gamal.161214/
#علم_الجريمة
#forensic_csi