كتاب الطب الشرعي - كتاب سهل وشيق باللغة العربية ☺️

لما يموت أي شخص بيحصل بجسمه تغيرات كيميائية زي أنه بيحصل تقلص لكل عضلات جسمه وتبقي صلبة ( مثل الخشبة) وده اسمه Rigor Mortis

نتيجة نقص الأكسجين (للي بيساعد في تصنيع جزئيات الطاقة ATP) لما الشخص يموت يبدأ الجسم يستهلك جزئيات الطاقة ATP من الجسم طالما فيه glycogen بالعضلات
عن طريق anaerobic glycolysis ولما الشخص يموت وال Glycogen يخلص فمش بيتكون ATP من جديد للي هو بيساعد في استراخاء العضلات فتبتدي العضلات تتخشب (تبقي مشدودة كده) بعد الموت وديه بتحصل أول ساعة أو اتنين من الموت .
Chemical bridges between myosin and actin that without the presence of ATP are unable to separate

من العضلات اللي بتصاب بالتصلب هي عضلة الجفن لذلك لما يموت الشخص بيكون عيونه مفتوحين وعضلة القلب و الحويصلات المنوية لذلك ممكن تجد الضحية مخرج شوية مَني.

وبتختلف سرعة تصلب الجسم او بطئه ع حسب عوامل زي درجة حرارة الجو زي في درجات الحرارة المرتفعة بيظهر فيها بدري ويختفي بدري ، كمية العضلات بالجسم زي ما بيظهر أسرع في الناس الرفيعين كمان أحد العوامل للي بتأثر في ظهور التصلب
طريقة الوفاة :
زي أنه بيظهر أسرع في حالات القتل اللي فيها عنف زي الصعق الكهربي وإصابات الأسلحة النارية ، أو الحالات اللي بيحصل فيها أنه يكون الضحية استخدم فيها العضلة بشكل كبير.

وبيظهر متأخر في حالات زي لما يكون العضلات مسترخية أو مشلولة وفي الجثث اللي بتتحط في الثلاجات.
✍️
هل من متابع ❓
#علم_الجريمة
#Forensics_CSI

صباحكم جميل ، ياريت الناس تضيف أصحابها أو اللي مهتمين بهذا المجال للقناة😍😍 تعرف أنه فيه فرق بين لو حد غرق في مياة عذبة (النيل) عن لو غرق في مياة ملحة
( البحر المتوسط)❗️❗️

تعرف فيه خاصية اسمها الأسموزية osmosis وديه لو أنت جايب إناء وحطيته في نصفه الأول مياة فيها ملح كتير ، والنصف التاني مياة فيها ملح أقل ، وفاصل بينهم غشاء شبه منفذ هتلاقي المياة بتتحرك من
التركيز الأقل (ملح اقل) low Osmotic pressure إلي التركيز الاعلي
( ملح أكثر)high Osmotic pressure

طيب وايه علاقة ده بالغرق في مياة عذبة أو مياة ملحة ❓
طيب الأول نعرف ليه الغرق بيسبب لنا الموت ـ ده بيحصل بسبب حاجتين أولهم أنك تحت المياة مفيش O2 واصل لجسمك ، ثانياً بسبب fluid-electrolyte distrubance وده للي هنتكلم عنه شوية ، نرجع لموضوعنا ،،،،

بص لو حد وقع في مياة عذبة #Freshwater بيحاول يكتم نفسه فترة لحد مع ال CO2 يزيد ولما يوصل لمرحلة ال breaking point هيتنفس غصب عنه فتدخل مياة للرئة والمياة ديه مياة عذبة يعني مش فيها ملح NaCl تقدر تقول low Osmotic pressure أما الدم بيكون فيه الملح أعلي فتتحرك المياة من التركيز الأقل (الرئة) وتروح للتركيز الأعلي (الدم) فالدم هيبقي مخفف في الحالة ديه hemodilution ، وده بدوره بيزود حجم الدم ، اللي بيزود الحمل علي القلب
كريات الدم الحمراء كمان تبدأ تاخد الماء وتتنفخ وتتكسر وتطلع بوتاسيوم K بكمية كبيرة #hyperkalemia اللي بيعمل عدم انتظام في ضربات القلب Arrthymia
K is poison to heart .
ويحصل ventricular fibrillation وموت في خلال 4-5دقائق

طب مياة البحر #Sea_water العكس بقي فيها نسبة ملحNaCl أعلي ،فأما تدخل الرئة ، هيكون الدم الي جنبها فيها نسبة ملح أقل منها ، فتتحرك المياة من التركيز الأقل (الدم) إلي التركيز الأعلي(الرئة) ويحصل pulmonary edema,والدم طبعاً لما اتشال منه المياة بقي مركز hemoconcentration وطبعاً عشان الدم فيه صوديم فلما يبقي مركز هيحصل #hypernautrimia ده غير أنه هينكمش غير لما حصل في المياة العذبة واتنفخ ، وكما نعلم أن #hypernautrimia أقل خطورة من #hyperkalemia للي بتحصل في المياة العذبة ، عشان كده الغرق في المياة العذبة أكثر خطورة من الغرق في المياة الملحة
ويحصل الموت فيها في خلال 8-12 دقيقة
كمان كثافه الميه المالحه أعلى من الميه العاذبه فالإنسان سهل انه يطفوو علي غكس العذبة بيغوص فيها، فنستنتج أن الغرق في المياة العذبة أخطر من المية المالحة
هل من متابع ❓
#علم_الجريمة
#Forensics_CSI

لما الجثة تعقد فترة كبيرة في المياة ، الجسم بيقلب علي أصفر ، ويبقي عامل زي الشمع كده وديه حاجة اسمها Adipocere
وديه كلمةعبارة عن شقين :-
Adipocere (adipo = fatدهون, cere = waxشمع)
عارف تفاعل التصبن بتاعت الكيمياء الي بيحصل مع بين الدهون وقاعدة عشان يتكون صابون !

المهم أن Adipocere ده بيحصل لأن الدهون الغير المشعبة في الجسم زي الoleic بيحصلها تشبع hydrogenation في وجود الرطوبة زي المياة وغياب الأكسجين Anaerobic وتبدأ تتحول إلي دهون مشبعة زي الstearic اللي بتكون ال Adipocere فتخلي الجسم زي الشمع ولونه أصفر، ووجودها بيدل أن الجثة كانت في المياة لفترة كبيرة وبيتدي يتكون بعد 3 أسابيع من الوفاة 🙂
وبتظهر خاصة في الأماكن اللي فيها دهون زي الخدود والبطن وبتظهر أسرع في الناس اللي عندهم دهون أكثر زي التخان والنساء
قلنا إنها بتحصل في الظروف اللاهوائية ، علي كده لو تعرضت للأكسجين هتكسر بس تفاعل هيبقي بطئ !
Adipocere will eventually degrade once exposed to aerobic conditions but this process is very slow

أحد الجرائم اللي كان فيها ال Adipocere 😎
جريمة كانت حصلت في سكوتلاند لما Patrick Higgins الأرمل كان عنده ولدين ، فقال للجيران أنا هوديهم Edinburgh ـ قال يوديهم قال !
قال ايه عشان مش عارف يعتني بيهم ، فقام الباشا رمى ولاده في مياة المحجر quarry عديت فترة والعيال مفقودين لحد ما ووجدوا الجثث بتاعتهم طافية في المياة وعليها آثار Adipocere ، وبعد تقديم أدلة أكثر تدينه فتم اتهامه و اعترف بالجريمة .
ياريت الناس تضيف أصحابها أو اللي مهتمين بهذا المجال للقناة😍😍
#علم_الجريمة
#Forensics_CSI

تعالوا نعرف حكاية Skin popping الخطيرة 🙉
الناس اللي بيضربوا مخدرات زي الهروين والكوكايين بيستخدموا إحدي الطرق لحقن المخدرات في جسمهم وهي طريقة ال Skin popping وفيها بيحقنوا المخدرات تحت الجلد SC او ID اومال فين الوريد IV يعم للي هو أشهر طريقة !! هقولك اهو ؟

هنا مش حقن وريد خالص طيب ليه يعملوا كده ، تخيل كده أول حاجة هو بعد نفسه عن مخاطر الوريد اللي بيدخل الجرعة ع طول علي الدم عشان يعني يتجنب ال Overdose
فلما يعملها بطريقة الSkin popping ويدخل المخدر في تحت الجلد عند الطبقات الدهنية ده هيخلي المخدر امتصاصه بطئ ويدي تأثير ممتد المفعول long DOAعشان يزود الفترة اللي بيحصل فيها سعادة Euphoria

أحد مخاطر ال Skin popping هو أنها بتعرض مستخدميها لعدوي بكتيرية زي ال S.Aureus ، مرض بيبقي فيه تشنج عضلات زي الtetanus ، ده غير الخراج ، في الحالات بقي Chronic بيبقي فيه ندبات scars للي ممكن تقعد معاه سنين حتي بعد ما يوقف مخدرات وديه غالباً بتظهر علي الإيد والرجيلين وتصبغ في الجلد ، وطبعاً لما المخدرات تتغش ببودرة تلك والشخص يحقنها بيبقي ع الجلد Granuloma

وده بيبقي ورم حُبيبي بتلاقي كده الشخص عنده حساسية في القصبة الرئوية والتهابات وتقرحات جلدية.
وده بيجي لما يفشل جهاز مناعة في أنه يتخلص من بعض المواد التي يعتبرها غريبةً عن الجسم فيبدأ بعزلها عمّا حولها من أنسجة لمنع انتشارها لمناطق تانية في الجسم و المواد ديه زي الكائنات المُعدية كالبكتيريا والفطريات، والمواد الغريبة زي التلك وغالباً ما بتيجي في الرئة .
"skin pop" scars: are depressed, irregular, and circular.

Granulomas can form from injection of talc or starch may appear many years after SC injection.

Tissue ischemia result from vasoconstrictive drugs as cocaine

✍️
هل من متابع ❓
#علم_الجريمة
#Forensics_CSI

فيه علامات أحياناً بيلاقوها علي جثة المتوفي ، العلامات ديه بيعرفوا بيها وظيفة الشخص ده عشان يساعد في التعرف عليه واسمها Occupation Marks

العلامات ديه قد تكون مؤقتة زي : الشحوم اللي بتظهر علي يد الميكانيكي ، أو الدهانات اللي بتظهر علي يد النقّاش ، أو الصباغات اللي بتظهر علي يد الصباغين.

وقد تكون دائمة زي : علامات الإيد لما تكون جافة وخشنة وديه بتظهر في الناس اللي بتشتغل في البناء بص بردوة هتلاقيها في اللي بيمسكوا فأس (معول) أو سماكة كف الإيد في الجزارين أو لو الراجل ده خيّاط ممكن يلاقوا علامات غزغزة للإبرة بتاعت الخياطة في أصابع السبابة اليسري .

ده بقي الشعر اللي ممكن تلاقي يقلب علي أزرق ودول في اللي بيشتغلوا في مناجم الكوبالت أو يقلب علي أخضر لو كان من الناس اللي بيشتغلوا في صهر النحاس.

في الصورة رقم 3 : - جثة متوفية والمنطلقة اللي فوق حاجبه عليها ندبة زرقاء blue scar فقالوا من الفحص أنه ده كان عامل في مناجم فحم ( واقعياً عمال الفحم بيظهر عليهم علامات علي وجههم وايديهم من الشغل ) وده لأنه ممكن لما كان محروج في دماغه وغبار الفحم coal dust دخله من خلال الجرح ويعمل علامة ظاهرة حتي بعد الئتام الجرح❗️
✍️
هل من متابع ❓
#علم_الجريمة
#Forensics_CSI

لما تيجي تشنق نفسك بحبل ولا واحد يجي يشنقك بحبل (hanging) ويمنع وصول الأكسجين لدماغك عشان تموت فبيظهر علامات علي جسم الضحية زي مثلاً تلاقيه حوالين رقبته علامة الحبل اللي اتشنق بيه Ligature Mark وبيطبع كده علي رقبته وتلاقي المنطقة جافة وبيضاء
Platysma and sternomastoid may show hemorrhages and are
sometimes ruptured.
ده غير بقي أنك بتلاقي مناطق مليانة دم مفيش حاجة تضخه فتلاقي الرئة والمخ والأعضاء اللي في البطن تبقي congested تلاقي بقع خمراء في ملتحمة العين ، أو تلاقي مَني تسرب من الرجل أو بول ، المهم بقي فيه حاجات بتميز هل الشخص ده مات بطريقة ما وواحد شنقه عشان يعني يقول أنه مات منتحراً (PM)#Postmortem_hanging ولاالشخص ده فعلاً انتحر أو واحد مسكه علقة وشنقه وكان عايش قبلها #Antemortem_hanging (PM)

1.بالنسبة لخرو اللعاب من علي بقه فديه تلاقيها فين !! طبيعي يعني في الAM لأنه كان عايش قبلها ومش موجودة PM
2.علامة الحبل للي اتشنق بيه : تلاقيه في ال AM مطبع ع الضحية وواخد شكل وواخد خط مائل علي ربة الضحية
3.تلاقيه فيه فقافيع Blisters في ال AM علي عكس ال PM
4.تلاقي عقدة الرباط للي هيموت بيه في ال AM مربوطة بطريقة بسيطة ، علي عكس ال PM تلاقيها ملفوفة كذا لفة وبطريقة محكمة .
5.تلاقي في ال AM رقبة الضحية شكلها طويل شوية علي عكس ال PM
Due to prolonged suspension, the neck becomes slender and increases in length.

6.وتلاقي حالة نادرة ممكن تيجي مع ال AM وهيLe facie sympathique وديه بتلاقي الشخص المخنوق فاتح عين ( وواسعة) وقافل عين وده لأني عقدة الرباط لما تضغط في منطقة cervical sympathetic ganglia في الجنب ده بتعمل كده
7. وطبعاً في ال AM الدم بيبدأ يتجمع في اتجاه الجاذبية الأرضية وينزل في الأطراف السفلية فتشوف المناطق ديه حمرا وفيها دم علي عكس ال PM

ونأسف للإطالة 😞
قتاتي علي تلغرام : https://t.me/Forensics_CSI
✍️
هل من متابع ❓
#علم_الجريمة
#Forensics_CSI

لماذا تطفو الجثث علي سطح المياة ؟ 🤓

الشخص العايش لما بينزل المياة تلاقي بيطفو علي سطح المياة لأن الرئة فيها هواء وللي يعتبر كشئ بيساعد علي الطفو في المياة buoyancy
أما لما حد يموت في المياة مثلاً أو حد يرميه في المياة بتبتدي المياة تملى الرئة وتحل مكان الأكسجين وتغرق الجثة إلى أعماق البحر أو المكان للي اتزق فيه ولكن الشئ العجيب بقي عند الموت تبدأ البكتيريا تزود من نشاطها بسبب أنه مفيش أصلاً مناعة بالجسم فهتتجمع الغازات في الأمعاء مثل ;
carbon dioxide,methane,hydrogen sulphide,etc
وللي بدورهم كمان بيعوموا الجثة .
**الجثث تغرق أعمق بكثير في المياة المالحة كالبحار علي عكس المياة العذبة كالأنهار ولاحظ كمان أن الجثث بتطفو في المياة الدافئة أسرع من المياة الباردة ، وده لأن نشاط البكتريا أسرع في المياة الدافئة.
قتاتي علي تلغرام : https://t.me/Forensics_CSI
✍️
هل من متابع ❓
#علم_الجريمة
#Forensics_CSI

لما يكون في حريق و يلاقوا جثث ماتت في مكان الحريق 👿

فبيتم فحص الجثة وفحص الأنف والفم للكشف عن أثار استنشاق دخان الحريق فبيلاقوا في منطقة الأنف والفم لون أسود وده من جزيئات الكربون للي ناتجة من دخان الحريق(#Soot) وفي الحالة ديه كانت الضحية على قيد الحياة لما حصل الحريق (عايش وبشم دخان) وبسبب وجوده في مكان الحريق فهيكون تركيز غاز أول أكسيد الكربون CO عالي
وهيلاقوا كمان ترسبات كربونية سوداء في القصبة الهوائية لما يتم فحصها زي ما موجود في الصور.

أما لو جزيئات الكربون ( اللون الأسود) مش موجودة في منطقة الأنف والفم فده ممكن يدل أن الشخص مات وبعدين حصل الحريق( الضحية أصلاً ميتة ومش بتتنفس) ويتأكدوا بردوة بفحص الرئتين والقصبة الهوائية للتأكد من عدم وجود جزيئات كربون
فحالات لما يكون جسم الضحية متفحم من بره ممكن يشرحوا الرئتين ويشوفوا جزيئات الكربون لأن الأعضاء الداخلية بتاخد وقت أطول عشان تتفحم.

أما فحالات لما يكون جسم الضحية متفحم من بره وجوه يتم تصوير الجثة بالكامل بالأشعة لمحاولة اكتشاف أي كسور بالعظام (عشان لو كان حصل جريمة قتل وتم محاولة إخفائها بمكان فيه حريق)
ولازم نعرف سبب الحريق ونقطة بداية اشتعال الحريق ونوع المادة اللي سببت الحريق لأنه ممكن يكون القاتل مثلاً استخدام مواد عشان يساعد في إشعال الحريق في بيت الضحية وديه جريمة لأنه حريق عمد (#Arson)

فيه حالات الضحية مش بيقدر يهرب من المكان للي فيه حريق زي :
1.ممكن يكون أصلاً ضارب مخدرات زي ال PCP أو كحول.
2..ممكن يكون شخص عجوز أو عنده إعائقة تمنعه من الهروب
3..ممكن يكون الحريق حصل ومكنش فيه وقت كافي للهروب .
4..ممكن يكون أصلاً الضحية مش قدر يوصل لمكان الهروب من الحريق أو مكان الهروب كان مسدوداً .

قتاتي علي تلغرام : https://t.me/Forensics_CSI
✍️
هل من متابع ❓
#علم_الجريمة
#Forensics_CSI