Bank sizga shartnomani davlat tilida bermadimi? Markaziy bankka xabar bering

🟣 Bankdan kredit olish, omonat ochish yoki boshqa xizmatlardan foydalanishda shartnoma shartlarini to‘liq tushunish muhim. Har bir mijoz bank shartnomasi va xizmatlar haqidagi ma’lumotlarni davlat tilida olish huquqiga ega.

Amaldagi qonunchilikka ko‘ra (3030-sonli nizomning 3- va 7-bandlari), banklar shartnomalarni davlat tilida tuzishi va moliyaviy xizmatlar haqida davlat tilida ma’lumot berishi shart. Tomonlarning kelishuviga ko‘ra, shartnoma boshqa tilda ham tuzilishi mumkin.

➡️ Quyidagi holatlarga duch kelsangiz, Markaziy bankka xabar bering:

✅ bank sizga shartnomani davlat tilida taqdim etmasa;
✅ shartnomani faqat boshqa tilda tuzishni taklif qilsa;
✅ kredit, omonat yoki boshqa bank xizmatlari haqidagi ma’lumotlarni davlat tilida bermasa.

✉️ Qanday xabar berish mumkin?

@tajriba_lab_bot Telegram botiga yozing. Xabaringizda bank nomini, qaysi shartnoma yoki xizmat bilan bog‘liq muammo yuzaga kelganini va vaziyatni qisqacha tushuntiring. Agar mavjud bo‘lsa, tasdiqlovchi hujjat yoki boshqa materiallarni ham yuboring.

📄 Markaziy bank kelib tushgan ma’lumotlarni o‘rganadi hamda qonunchilik talablari buzilgani aniqlansa, o'z vakolatlari doirasida tegishli choralar ko‘radi.

Bank xizmatlari iste’molchilarining shartnoma shartlari va moliyaviy xizmatlar haqidagi ma’lumotlar bilan davlat tilida tanishish huquqi kafolatlanadi.

🔝 @foydali_moliya — obuna bo‘ling

💸 VALYUTALAR KURSLARI

Oʻzbekiston Respublikasi Markaziy banki xorijiy valyutalarning oʻzbek soʻmiga nisbatan yangi rasmiy kurslarini eʼlon qildi.

Ushbu valyutalar kurslari 22-oktabr kuni uchun amal qiladi.

​🔔 Eslatma: Tijorat banklarida sotib olish va sotish kurslari biroz farq qilishi mumkin.

🔝 @foydali_moliya — obuna bo‘ling

⏳ Umrni sotib olib bo‘lmaydi, lekin vaqtni sotib olish mumkin.

Ko‘p odamlar umr va vaqt bir narsa deb o‘ylaydi. Aslida esa farq bor:

Umr – bu sizga ajratilgan chegaralangan hayot muddati. Uni ortga qaytarib, uzaytirib bo‘lmaydi.

Vaqt – bu umr ichidagi boshqariladigan resurs. Siz uni sotib olishingiz, pul evaziga tejashingiz mumkin. Misol uchun:

▪️Taksi chaqirish – vaqt sotib olish.
▪️Yetkazib berish xizmati – vaqt sotib olish.
▪️Yordamchi yollash – vaqt sotib olish.

Vaqtingizni sotib olish orqali siz umrni emas, umr ichidagi hayot sifatini oshiryapsiz. Chunki sifatli yashash — bu vaqtni oqilona sarflay olishdir.

Vaqtni sotib olish uchun 3 narsa kerak:

1️⃣ Pul – chunki ko‘pchilik xizmatlar sizning o‘rningizga ish bajarishga tayyor, ammo tekin emas.

2️⃣ Aql – qaysi vazifalarni topshirish, qaysilarini o‘zingiz bajarish kerakligini bilish uchun.

3️⃣ Tizim – vaqtni sotib olganingizdan keyin uni to‘g‘ri yo‘naltirish uchun rejali hayot bo‘lishi kerak.

🔝 @foydali_moliya — obuna boʻling

💸 VALYUTALAR KURSLARI

Oʻzbekiston Respublikasi Markaziy banki xorijiy valyutalarning oʻzbek soʻmiga nisbatan yangi rasmiy kurslarini eʼlon qildi.

Ushbu valyutalar kurslari 23-oktabr kuni uchun amal qiladi.

​🔔 Eslatma: Tijorat banklarida sotib olish va sotish kurslari biroz farq qilishi mumkin.

🔝 @foydali_moliya — obuna bo‘ling

❗️ "Terpillamisan?" Qonun buzilishini aytgan odam chaqimchi emas

🤷 Bizda bir g‘alati odat bor. Kimdir ariqqa axlat to‘kayotgan qo‘shnini, pul so‘ragan amaldorni yo ishchining maoshini bermay yurgan rahbarni ochiq aytsa, unga darrov "chaqimchi" degan nom yopishadi.

😊 Ko‘rib ko‘rmaganga olgan odam esa "aqlli" hisoblanadi. Natijada qoidani buzgan emas, uni aytgan odam noqulay ahvolga tushib qoladi.

❗️ Lekin jim turganimizning hisobini oxir-oqibat o‘zimiz to‘laymiz. Sifatsiz qurilgan yo‘l, o‘g‘irlangan byudjet, adolatsiz qaror hammamizga birday tegadi.

🗣 Gʻiybat qilish va qonun buzilganini aytish boshqa-boshqa narsa. Birinchisi odamning shaxsiy hayotiga aralashish, ikkinchisi fuqarolik mas’uliyati.

🛡 Davlatning vazifasi xabar bergan odamni himoya qilish, ismini sir saqlash va murojaatni oxiriga yetkazish. Jamiyatniki esa uni ayblamaslik.

🔝 @foydali_moliya — obuna boʻling

💸 VALYUTALAR KURSLARI

Oʻzbekiston Respublikasi Markaziy banki xorijiy valyutalarning oʻzbek soʻmiga nisbatan yangi rasmiy kurslarini eʼlon qildi.

Ushbu valyutalar kurslari 24, 25, 26-oktabr kunlari uchun amal qiladi.

​🔔 Eslatma: Tijorat banklarida sotib olish va sotish kurslari biroz farq qilishi mumkin.

🔝 @foydali_moliya — obuna bo‘ling

📍 Antarktidada ish chiqib qoldi, ketamizmi? — Maosh 2 500 yevro

Buyuk Britaniyaning UK Antarctic Heritage Trust tashkiloti Antarktidadagi sobiq Port-Lokroy tadqiqot stansiyasida ishlash uchun xodimlar izlayotgan ekan.

📋 Vazifalar nimalardan iborat?

⚫️ Pingvinlar koloniyasi, uyalar va tuxumlarni sanash;
⚫️ Muzey va suvenirlar do‘koniga xizmat ko‘rsatish;
⚫️ Dunyodagi eng janubiy pochta bo‘limida xatlarni saralash;
⚫️ Yuklarni tashish hamda kundalik jismoniy ishlarda qatnashish.
⚫️ Sayyohlarni kutib olish va hududni tozalash;

Ish muddati — 6 oy, oylik maosh esa 2 500 yevro. Maoshdan tashqari tashkilot turar joy, ovqatlanish va issiq kiyim bilan ta’minlaydi. Biroq soliqlarni xodimlarning o‘zi to‘laydi.

Ammo ish sharoiti unchalik ham zoʻr emas. Stansiyada mobil aloqa, odatiy suv ta’minoti va tibbiy yordam yo‘q. Dush haftasiga bir marta qabul qilinishi mumkin. Xodimlar og‘ir yuklarni ko‘tarishi, qorni tozalashi va qiyin ob-havo sharoitida ishlashi kerak.

Nomzodlar kamida 18 yoshda bo‘lishi lozim. Ilmiy ma’lumot talab qilinmaydi, jismoniy tayyorgarlik va uzoq vaqt izolyatsiyada yashashga moslashish muhim.

🔝 @foydali_moliya — obuna bo‘ling

✅ Inson o‘z qiymatini anglaganida hayoti o‘zgaradi

Ko‘pchilik bir xatoga yo‘l qo‘yadi: o‘z qadrini boshqalarning munosabati orqali o‘lchaydi. Kimdir maqtasa – kuchli, kimdir tan olmasa – ojizdek his qiladi oʻzini.

Aslida esa sizning qadringiz boshqalarning ko‘rganlari bilan emas, o‘zingiz bilganlaringiz bilan belgilanadi. Siz bilasiz:

— qancha mehnat qilyapsiz,
— nimalarni yengib o‘tdingiz,
— qanchalik o‘sishga intilyapsiz...

Shu sababli boshqalardan ragʻbat kutmang.
Birov sizga aytmasa ham o‘zingizga "men qadrliman!" deb ayting.

Chunki inson o‘z qiymatini anglaganida hech kim uning o‘ziga bo‘lgan ishonchini sindira olmaydi.

🔝 @foydali_moliya — obuna bo‘ling