🎓 Harbiy ta’lim fakulteti boshlig‘i tomonidan ijarada istiqomat qiluvchi talabalarning yashash sharoitlari o‘rganildi. Nazorat davomida xonadonlarning sanitariya holati, talabalarning yashash sharoitlari hamda xavfsizlik masalalariga alohida e’tibor qaratildi.

📌 Shuningdek, talabalarga mavjud muammolarni bartaraf etish, ichki tartib-qoidalarga rioya qilish va o‘z xavfsizligini ta’minlash yuzasidan tegishli tavsiyalar berildi.

🤝 Bunday nazorat tadbirlari talabalarning farovonligi va xavfsizligini ta’minlashga xizmat qiladi.

♻️ Fizika-matematika fakulteti Fizika ta’lim yo‘nalishi 1-bosqich talabalari tomonidan yoshlar va keng jamoatchilik o‘rtasida sog‘lom turmush tarzini targ‘ib qilish, giyohvandlikning salbiy oqibatlari haqida tushuncha berish hamda ushbu illatning oldini olish maqsadida “Giyohvandlikka yo‘q deng!” shiori ostida targ‘ibot aksiyasi tashkil etildi.
📍 Aksiya Farg‘ona shahrining aholi gavjum hududlari — Al-Farg‘oniy istirohat bog‘i va Markaziy dehqon bozori, shuningdek, do‘konlar hamda dorixonalarda o‘tkazildi.
✅ Aksiya davomida fuqarolarga giyohvandlikning inson salomatligi, oila farovonligi va jamiyat kelajagiga salbiy ta’siri haqida tushuntirishlar berildi. Talabalar aholi vakillarini sog‘lom turmush tarziga rioya qilishga, zararli odatlardan yiroq bo‘lishga va yoshlar kelajagiga befarq bo‘lmaslikka chaqirdilar.
💚 Sog‘lom hayot — farovon kelajak garovi! Giyohvandlikka qarshi birgalikda kurashaylik!