Farg‘ona davlat universiteti Tabiiy fanlar va agrar qo‘shma fakultetida Agrar yo'nalishlardagi 1-bosqich talabalari va kechki ta'lim shaklidagi talabalarning ota-onalari ishtirokida yig‘ilish bo‘lib o‘tdi.
Yig‘ilishni fakultet dekani Sh. Mamajonov ochib, talabalarning o‘zlashtirishi, davomat va ta’lim-tarbiya masalalariga to‘xtaldi. Dekan o‘rinbosari M. Tursunov TTJ va ijara xonadonlaridagi yashashi , xavfsizligi, tartib-intizom haqida ma’lumot berdi. Tyutorlar ham amalga oshirilayotgan ishlar yuzasidan fikr bildirdilar.
Yig‘ilishda yoshlar o‘rtasida huquqbuzarlik va jinoyatchilik, xususan, narkojinoyatlarning oldini olish, bu borada fakultetda tashkil etilgan murojaatlar qutisidan foydalanish, kiyinish madaniyati, milliy qadriyatlarga hurmat, darsdan bo‘sh vaqtda ishlaydigan hamda avtomobil boshqaradigan talabalar nazoratini kuchaytirish masalalari muhokama qilindi.
Yakunida yoshlarni bilimli, odobli va mas’uliyatli etib tarbiyalashda ota-onalar hamkorligii kuchaytirish muhimligi ta’kidlandi.

🌍Farg‘ona davlat universitetida talabalar uchun ERASMUS+ xalqaro ta’lim dasturi va Yevropa loyihalariga bag‘ishlangan seminar tashkil etildi.

Seminarda xalqaro grantlar, xorijiy universitetlar bilan hamkorlik imkoniyatlari hamda FOOD4FUTURE kabi loyihalarning maqsad va vazifalari haqida ma’lumot berildi.

Xususan, oziq-ovqat fani va texnologiyasi yo‘nalishida ta’lim sifatini oshirish, zamonaviy bilim va ko‘nikmalarni shakllantirish hamda xalqaro akademik hamkorlikni rivojlantirish masalalariga e’tibor qaratildi.