Tadbir davomida talabalar giyohvandlik va uning salbiy oqibatlari, ogohlik davr talabi ekanligi, ayniqsa yoshlar o'rtasida ushbu illat tarqalishining oldini olish maqsadidagi chora-tadbirlarning samarali usullari kabi bir qator masalalar yuzasidan fikr-mulohazalar bildirishdi hamda maxsus video rolik nomoyish etildi.

🎯 Tadbirdan ko'zlangan maqsad inson ma'naviyatini yuksaltirish va talabalarni hayotga teran nazar bilan qarashga o'rgatishdir.

🏛 Farg‘ona davlat universiteti Fizika-matematika fakulteti talabalari ishtirokida “O‘zbek tilining buguni va istiqboli” mavzusida ochiq muloqot va davra suhbatlari tashkil etildi.
Tadbirda O‘zbek tili va adabiyoti kafedrasi dotsenti, PhD O. Barziyev hamda O‘zbek tili va adabiyoti yo‘nalishi magistrantlari Yo. Bobojonova va G. Sheraliyevalar ishtirok etishdi.
💬 Muloqot davomida o‘zbek tilining bugungi rivoji, istiqboli, davlat tilining nufuzini oshirish hamda yoshlar orasida ona tiliga hurmat va ehtiromni kuchaytirish masalalari muhokama qilindi.
📚 Ona tilimiz — milliy o‘zligimiz va ma’naviyatimiz ko‘zgusi!

🔷Farg‘ona davlat universiteti Jismoniy madaniyat va sport faoliyati fakultetida professor-o‘qituvchilarning ochiq ma’ruzalari doirasida navbatdagi mashg‘ulot tashkil etildi.
Unda kafedra professori, Azizbek G‘ofurov tomonidan magistratura bosqichi talabalari uchun “Sog‘lom turmush tarzi jismoniy madaniyati” fanidan “Insonning jismoniy harakat faolligi, uni me’yorlash va boshqarish, ish qobiliyatini aniqlash (Rufye–Dikson usulidan foydalanish)” mavzusida ochiq ma’ruza o‘tkazildi.

Mashg‘ulot davomida insonning jismoniy faolligini to‘g‘ri tashkil etish, jismoniy yuklamalarni me’yorlash va boshqarish, shuningdek, organizmning ish qobiliyatini aniqlash usullari haqida ma’lumotlar berildi. Mavzuning ilmiy-amaliy jihatlari yoritilib, jismoniy madaniyat sohasida zamonaviy yondashuvlardan foydalanish masalalariga alohida e’tibor qaratildi.
A'lo baholangan ochiq ma’ruza professor-o‘qituvchilar va magistrantlar o‘rtasida tajriba almashish, ta’lim sifatini oshirish hamda ilmiy-amaliy bilimlarni mustahkamlashga xizmat qildi.