🔷Farg‘ona davlat universiteti Jismoniy madaniyat va sport faoliyati fakultetida professor-o‘qituvchilarning ochiq ma’ruzalari doirasida navbatdagi mashg‘ulot tashkil etildi.
Unda kafedra professori, Azizbek G‘ofurov tomonidan magistratura bosqichi talabalari uchun “Sog‘lom turmush tarzi jismoniy madaniyati” fanidan “Insonning jismoniy harakat faolligi, uni me’yorlash va boshqarish, ish qobiliyatini aniqlash (Rufye–Dikson usulidan foydalanish)” mavzusida ochiq ma’ruza o‘tkazildi.

Mashg‘ulot davomida insonning jismoniy faolligini to‘g‘ri tashkil etish, jismoniy yuklamalarni me’yorlash va boshqarish, shuningdek, organizmning ish qobiliyatini aniqlash usullari haqida ma’lumotlar berildi. Mavzuning ilmiy-amaliy jihatlari yoritilib, jismoniy madaniyat sohasida zamonaviy yondashuvlardan foydalanish masalalariga alohida e’tibor qaratildi.
A'lo baholangan ochiq ma’ruza professor-o‘qituvchilar va magistrantlar o‘rtasida tajriba almashish, ta’lim sifatini oshirish hamda ilmiy-amaliy bilimlarni mustahkamlashga xizmat qildi.

Tadbirda filologiya fanlari doktori, professor, O‘zbekiston yozuvchilar uyushmasi a’zosi, shoir va olim Siddiq Mo‘min, o‘z so‘zida o‘zbek tilining tarixi, rivojlanish bosqichlari, davlat tili sifatidagi maqomi va bugungi kundagi ahamiyati haqida atroflicha fikr-mulohazalar bildirildi. Ona tilimizning boyligi, jozibadorligi va sofligini asrash, uni kelajak avlodga munosib tarzda yetkazish har birimizning muhim burchimiz ekani alohida ta’kidlandi.
Shuningdek, tadbirda Axborot-resurs markazi direktori I. Tojimamatov, direktor o‘rinbosari F. Mo‘minovalar  o‘zbek tilining nufuzini yanada oshirish, nutq madaniyatiga rioya qilish, kitobxonlikni keng targ‘ib etish hamda yoshlarni milliy qadriyatlar ruhida tarbiyalash masalalariga alohida e’tibor qaratishni takidlab o‘tdilar. Tadbirda filologiya fakulteti hamda fizika-matematika fakulteti tyutor va talabalari ishtirok etdilar