XAVFSIZ VA HURMATGA ASOSLANGAN MEHNAT MUHITINI TA’MINLASH — DOLZARB VAZIFA

Tarix fakulteti xotin-qizlar masalalari bo‘yicha dekan maslahatchisi I. Nurmatova “Mehnat sohasida xavfsiz va hurmatga asoslangan ish muhitini ta’minlash hamda tazyiq va zo‘ravonlikning oldini olish” mavzusidagi to‘rt kunlik treningda ishtirok etmoqda.

Trening davomida mehnat munosabatlarida inson qadr-qimmatini hurmat qilish, xodimlarning huquq va manfaatlarini himoya qilish, ish joyida kamsitish, tazyiq va zo‘ravonlikning oldini olish, nizoli vaziyatlarni tinch yo‘l bilan hal etish hamda jamoada sog‘lom psixologik muhitni shakllantirish masalalariga alohida e’tibor qaratilmoqda.

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website

🏆 MARDLIK VA MATONAT TIMSOLI — AXADXON KIMSANBOYEV BILAN UCHRASHUV!

🇺🇿 Farg‘ona davlat universiteti chet tillari fakulteti tyutori S. Asqarova tashabbusi bilan “Mardlik” ordeni sohibi, Samarqanddagi III Parashaxmat olimpiadasi g‘olibi Axadxon Kimsanboyev bilan samimiy uchrashuv tashkil etildi.
✨ Uchrashuv davomida talabalar sportchining hayot yo‘li, erishgan yutuqlari va matonati haqida qiziqarli ma’lumotlarga ega bo‘ldilar hamda o‘zlarini qiziqtirgan savollarga javob oldilar.

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website

Til bor ekan, millat barhayot: O‘zbek tili bayrami Farg‘onada keng nishonlanmoqda

21-oktabr — O‘zbek tili bayrami kuni munosabati bilan Farg‘ona shahrida o‘tgan tantanada ham ayni jihatlarga alohida e’tibor qaratildi.

O‘zbek adabiy tilining asoschisi, buyuk shoir, mutafakkir va davlat arbobi Alisher Navoiy haykali oldida tashkil etilgan tadbirda viloyat hokimligi, boshqarma va tashkilotlar, ta’lim muassasalari vakillari, yozuvchi va shoirlar, adabiyotshunos olimlar, yoshlar hamda keng jamoatchilik ishtirok etdi.

Tadbirda Farg'ona davlat universiteti rahbariyati, adabiyotshunos olimlar va soha vakillari ishtirok etib, til madaniyatini yuksaltirish, yoshlarda ona tiliga hurmat tuyg‘usini mustahkamlash, kitobxonlikni rag‘batlantirish muhim vazifa va mas’uliyat ekanini ta’kidladilar.

Tantana yakunida Alisher Navoiy haykali poyiga gulchambarlar qo‘yilib, buyuk mutafakkir xotirasiga hurmat bajo keltirildi.

Joylarda O‘zbek tili bayramiga bag‘ishlangan ma’rifiy-madaniy tadbirlar davom etmoqda.

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website