Farg‘ona davlat universiteti tuzilmasidagi Qatag‘on qurbonlari xotirasi muzeyiga Farg‘ona shahridagi 99415-harbiy qismning serjant va ofitserlari tashrif buyurdilar.
Tashrif davomida harbiy xizmatchilar muzey ekspozitsiyalari bilan yaqindan tanishib, yurtimiz tarixining murakkab va mashaqqatli davrlari, qatag‘on siyosati qurbonlarining hayoti va taqdiri haqida qimmatli ma’lumotlarga ega bo‘ldilar.
Mazkur tashrif harbiy xizmatchilarning tarixiy xotirasini mustahkamlash, ajdodlarimizning og‘ir taqdiridan saboq olish hamda Vatanga sadoqat tuyg‘ularini yanada yuksaltirishga xizmat qildi.

Fizika-matematika fakulteti talaba-yoshlarining bilim salohiyatini oshirish, ularning mantiqiy fikrlash qobiliyatini rivojlantirish hamda "Yoshlar kuni" munosabati bilan “Zakovat” intellektual o‘yini o'tkazildi.
Mazkur o‘yinda talabalar jamoalar shaklida ishtirok etib, turli yo‘nalishlardagi savollarga tezkorlik va aniqlik bilan javob berish orqali o‘z bilim va tafakkur darajalarini sinovdan o‘tkazdilar. O‘yin jarayonida ishtirokchilar o‘zaro hamkorlik, jamoaviy ishlash va tezkor qaror qabul qilish ko‘nikmalarini namoyon etdilar.

🏆 Bellashuv natijalari:

🥇 1-o‘rin — “Grantlar” jamoasi. Amaliy matematika
🥈 2-o‘rin — “Nyuton” jamoasi. Fizika. 26.18, 26.20
🥉 3-o‘rin — “Renesans” jamoas. 25.08, 25.09, 25.10

📍 Farg‘ona davlat universiteti Fizika-matematika fakultetida “Dekan va yoshlar uchrashuvi” tashkil etildi.
🤝 Uchrashuv davomida talabalar bilan samimiy muloqot o‘tkazilib, ularning ta’lim olishi, bo‘sh vaqtini mazmunli tashkil etish, ilmiy salohiyatini oshirish hamda yoshlar uchun yaratilgan imkoniyatlardan samarali foydalanish masalalari muhokama qilindi.
💬 Shuningdek, talabalar o‘zlarini qiziqtirgan savollar, taklif va murojaatlarini bildirish imkoniyatiga ega bo‘ldilar. Bildirilgan fikrlar yuzasidan tegishli tavsiyalar berilib, yoshlarni qo‘llab-quvvatlash va ularning muammolarini o‘z vaqtida hal etishga alohida e’tibor qaratildi.