Faxriddin Hayit – 1980 yil 21 iyunda Qashqadaryo viloyatida tug‘ilgan. Toshkent davlat universitetining jurnalistika fakultetida (1999-2003), O‘zbekiston Respublikasi Prezidenti huzuridagi Davlat va Jamiyat qurilishi akademiyasida (2011 yil) tahsil olgan.
O‘zbekiston Yozuvchilar uyushmasi a’zosi. “Ilinj”  (2003), “Har yurakda bir Vatan” (2009), “Shokoladli tush” bolalar uchun she’rlar (2015) “Ishqim senga havola” (2019),  “Tong tushlari” (2021), “Osmon Yerga yaqin” publisistik asarlari (2024), “Cho‘g‘”  (2025) kitoblari nashr qilingan.
Bolalarga atalgan she’rlari va maqolalari maktab darsliklaridan joy olgan. She’rlari ozar, qozoq, qirg‘iz, tojik, turkman, qoraqalpoq, turk, rus va ingliz tillariga tarjima qilingan.
Faxriddin Hayit tarjimon sifatida turkiy xalqlar she’riyatidan ko‘plab namunalarni o‘zbek tiliga o‘girgan. Jumladan, Qirg‘iziston xalq shoiri Jolon Mamitov, Qozog‘iston xalq shoiri Muqag‘ali Maqatayev hamda ko‘plab turkiy dunyo zamonaviy she’riyati vakillarining she’rlarini mahorat bilan o‘zbek tiliga tarjima qilgan.
“Sog‘lom avlod” gazetasi (2009-2018 y.y.), “Yoshlik” jurnali (2018-2021 y.y.) bosh muharriri lavozimida ishlagan. O‘zbekiston Respublikasi Vazirlar Mahkamasida (2021-2023 y.y.) faoliyat olib borgan.
Ayni damda O‘zbekiston Respublikasi Kambag‘allikni qisqartirish va bandlik vaziri maslahatchisi lavozimida faoliyat olib bormoqda. 1-darajali xizmatchi.
“Shuhrat” medali (2026 y.) bilan taqdirlangan.
“Oltin qalam” Milliy mukofoti sohibi (2014 y.). “Eng ulug‘, eng aziz” Respublika tanlovi g‘olibi (2024 y.).
“Xalq ta’limi a’lochisi”, “Ma’naviyat fidoyisi” ko‘krak nishoni sohibi.

Farg‘ona davlat universitetida rektorat xodimlari ishtirokida navbatdagi siyosiy-ma’rifat soati tashkil etildi.

📰 Ma’rifat soati davomida hafta davomida mamlakatimiz va jahonda ro‘y bergan muhim voqea-hodisalar, ijtimoiy-siyosiy jarayonlar hamda dolzarb yangiliklar yuzasidan fikr almashildi.

🧑‍🏫 Shuningdek, professor-o‘qituvchi va xodimlarning ma’naviy qiyofasi, kasbiy odob-axloqi, jamoada sog‘lom ma’naviy-ruhiy muhitni shakllantirish, mas’uliyat va xizmat vazifalariga vijdonan yondashish kabi mavzularda mazmunli suhbatlar olib borildi.

💡 Tadbirda xodimlarning ma’naviy-ma’rifiy saviyasini yuksaltirish, dunyoqarashini kengaytirish hamda jamiyatdagi jarayonlarga daxldorlik hissini kuchaytirish masalalariga alohida e’tibor qaratildi.