👉Vazirlar Mahkamasining 691-son qarori ijrosini ta’minlash hamda “Siyosiy qatag‘on qurbonlarini yod etish haftaligi” doirasida Qatag‘on qurbonlari xotirasi muzeyi va FarDU magistratura talabalari hamkorligida “Millat fidoyilari” mavzusida ma’naviy-ma’rifiy tadbir tashkil etildi.
Tadbirning asosiy maqsadi — xalqimiz tarixidagi og‘ir va murakkab davrlarni chuqur o‘rganish, siyosiy qatag‘on qurbonlarining hayoti va faoliyatini yod etish, millat ozodligi va ravnaqi yo‘lida jon fido qilgan ajdodlarimizning jasorati hamda ma’naviy merosini yosh avlodga yetkazishdan iborat.
Tadbir davomida qatag‘on qurbonlarining hayot yo‘li, millat va Vatan ravnaqi yo‘lidagi fidoyiligi, ularning tarixiy xotiramizdagi o‘rni xususida fikr-mulohazalar bildirildi. Shuningdek, yoshlarning tarixiy xotiraga hurmat, milliy qadriyatlarga sadoqat va Vatanga muhabbat tuyg‘ularini mustahkamlashga alohida e’tibor qaratildi.

🎖 Harbiy ta’lim fakultetida yoshlar o‘rtasida sportga bo‘lgan qiziqishni oshirish, sog‘lom turmush tarzini targ‘ib etish hamda ularda g‘alabaga intilish ruhini shakllantirish maqsadida chempionlar bilan uchrashuv tashkil etildi.

🇺🇿 Tadbirda 2-bosqichning 100 nafar talabasi ishtirok etdi. Uchrashuv davomida kamondan o‘q otish bo‘yicha sportchi Abdulxamidov Shohjahon Farxot o‘g‘li hamda yunon-rum kurashi bo‘yicha xalqaro toifadagi sport ustasi Mahmudov Hayotjon Bahodirjon o‘g‘li bilan samimiy muloqot o‘tkazildi.

🤝 Suhbat davomida sportchilarning erishgan yutuqlari, mashaqqatli mashg‘ulotlari, muvaffaqiyat sirlari va sportdagi intizomning ahamiyati haqida so‘z yuritildi. Talabalar o‘zlarini qiziqtirgan savollarga javob oldilar.

💪 Bunday uchrashuvlar yoshlarni sport bilan muntazam shug‘ullanishga, qat’iyatli bo‘lishga, yuksak marralarni ko‘zlashga va Vatanimiz sharafini munosib himoya qilishga undaydi.

🇺🇿 G‘alaba — mehnat, intizom va matonat mahsuli!

Bugun, 13-oktyabr kuni Farg'ona shahrida boʻlib Yoshlarning bandligini taʼminlash, ularni zamonaviy kasblarga yoʻnaltirish hamda tadbirkorlik tashabbuslarini qoʻllab-quvvatlashga qaratilgan “Kelajak tadbirkori – 2026” kasb, bandlik va tadbirkorlik imkoniyatlari yarmarkasi o‘tkazilmoqda.

Yarmarka O‘zbekiston Respublikasi Markaziy banki, O‘zbekiston Milliy banki, Ta’lim va ilm-fan vazirligi Kambag‘allikni qisqartirish va bandlik vazirligi, Farg‘ona viloyati hokimligi, Yoshlar ishlari agentligi hamda Savdo-sanoat palatasi hamkorligida tashkil etilmoqda.

Tadbirda viloyatdagi 10 ming nafardan ziyod yoshlar va ishsiz fuqarolar ishtirok etdi. Mazkur yarmarkada yoshlar va ish beruvchilar o‘rtasida bevosita muloqot yo‘lga qo‘yilib, ishtirokchilarga bo‘sh ish o‘rinlari, amaliyot dasturlari, zamonaviy kasblarni egallash, tadbirkorlik faoliyatini boshlash hamda startap loyihalarini moliyalashtirish imkoniyatlari haqida ma’lumot berilmoqda.

Shuningdek, yarmarka yoshlarning kasbiy qiziqishlarini aniqlash, ularning mehnat bozoridagi imkoniyatlarini kengaytirish, ishga joylashishiga ko‘maklashish va istiqbolli biznes g‘oyalarini qo‘llab-quvvatlash uchun muhim maydon vazifasini o‘tamoqda.