🔷Farg‘ona davlat universiteti huzuridagi Qatag‘on qurbonlari xotirasi muzeyi hamda Farg‘ona shahridagi 99415-harbiy qism hamkorligida harbiy qismda Til bayrami munosabati bilan “Millat fidoyilari” mavzusida Abdulhamid Cho‘lponning hayoti va ijodiga bag‘ishlangan ma’naviy-ma’rifiy tadbir o‘tkazildi.
Tadbir davomida XX asrning 30-yillarida avj olgan qatag‘on siyosati, uning millat ziyolilari taqdiriga ko‘rsatgan fojiali ta’siri hamda Abdulhamid Cho‘lponning qatag‘on qurboniga aylangani haqida ma’lumotlar berildi. Shuningdek, adibning milliy adabiyotimiz rivojiga qo‘shgan hissasi, millat ozodligi va ma’rifati yo‘lidagi fidoyiligi alohida ta’kidlandi.
Tadbir yakunida harbiy xizmatchilarga tarixiy xotirani asrash, qatag‘on qurbonlari xotirasini e’zozlash, ona tilimiz va milliy qadriyatlarimizga hurmat bilan munosabatda bo‘lishning ahamiyati haqida fikrlar bildirildi.

🚛Fuqarolarning iqtisodiy, ijtimoiy va madaniy huquqlarini himoya qilish — odil sudlov kafolatlari

Talaba-yoshlarga fuqarolarning iqtisodiy, ijtimoiy va madaniy huquqlarini himoya qilish, qonun ustuvorligini ta’minlash hamda odil sudlovning ahamiyati yuzasidan ma’ruza qilindi. Tadbir davomida sud orqali huquqlarni himoya qilish, qonun oldida tenglik va inson manfaatlarini ta’minlash masalalariga alohida e’tibor qaratildi.