📚 Fizika-matematika fakultetida talaba-yoshlar o‘rtasida akademik halollik tamoyillarini keng targ‘ib qilish, korrupsiyaning oldini olish hamda ta’lim jarayonida shaffoflik va adolatni ta’minlash maqsadida “Akademik halollik — korrupsiyani oldini olishning muhim omili” hamda “Halollik — sifatli ta’lim va munosib kelajakning muhim poydevoridir” mavzularida ma’rifiy uchrashuv tashkil etildi.
Tadbirda universitet Yuridik byurosi boshlig‘i D.B. Mamatov va Yuridik byuro bosh konsultanti F.A. Yunusov ishtirok etib, talabalarga akademik halollikning mazmun-mohiyati, korrupsiyaga qarshi kurashish, qonuniylikka rioya qilish hamda ta’lim jarayonida adolat va xolislik tamoyillariga amal qilishning ahamiyati haqida tushunchalar berdilar.
Uchrashuv davomida imtihonlarda halol ishtirok etish, ko‘chirmachilikka yo‘l qo‘ymaslik, o‘zlashtirilgan bilim va mustaqil mehnatni qadrlash, shuningdek, korrupsion holatlarga nisbatan murosasiz munosabatda bo‘lish masalalariga alohida e’tibor qaratildi.