📌Fargʻona davlat universitetining xorijiy talabalari oʻzbek tili olimpiadasi respublika bosqichida ishtirok etmoqda! 🌐

📝Universitetimizda oʻtkazilgan saralash (universitet) bosqichida muvaffaqiyatli qatnashib, gʻoliblikni qoʻlga kiritgan Qirgʻiziston Respublikasidan kelib tahsil olayotgan iqtidorli talabalarimiz endilikda ushbu nufuzli respublika bellashuvida oliygohimiz sharafini himoya qilishmoqda. Ularni kuzatib borish va qoʻllab-quvvatlash uchun delegatsiya Urganch shahri Ranch universitetiga 16-17-oktabr kunlariga xizmat safariga yuborildi:

Oʻrinboyeva E'zozaxon Komolovna – talabalar rahbari, Tilshunoslik kafedrasi dotsenti;
Karim-Axunova Rayyona – Pedagogika-psixologiya va san'atshunoslik fakulteti, Boshlang'ich ta'lim yo'nalishi 3-kurs talabasi;
Pulatova Parizoda – Filologiya fakulteti, Filologiya va tillarni o'qitish: rus tili yo'nalishi 1-kurs talabasi;
Asatullaeva Jasmina – Pedagogika-psixologiya va san'atshunoslik fakulteti, Boshlang'ich ta'lim yo'nalishi 2-kurs talabasi.

Talabalarimizga olimpiadada ulkan zafarlar, kuch va muvaffaqiyatlar tilab qolamiz! 🏆 Oʻzbek tilini oʻrganish va uning nufuzini yuksaltirish yoʻlidagi ishlaringiz bardavom boʻlsin! 🌟

@FerSU_International

🎓 OTA-ONALAR FORUMI — TA’LIM, TARBIYA VA HAMKORLIK SARI MUHIM QADAM!

🏛 Farg‘ona davlat universiteti Filologiya fakultetida “Ta’lim, tarbiya va hamkorlik — farzand kelajagi poydevori” shiori ostida “Ota-onalar forumi” bo‘lib o‘tdi.

📚 Forum davomida yoshlarning sifatli ta’lim olishi, ularning ma’naviy-axloqiy tarbiyasi, bo‘sh vaqtini mazmunli tashkil etish hamda ota-onalar va oliy ta’lim muassasasi o‘rtasidagi hamkorlikni yanada mustahkamlash masalalariga alohida e’tibor qaratildi.
💬 Shuningdek, talaba-yoshlar o‘rtasida huquqbuzarliklarning oldini olish, sog‘lom ma’naviy muhitni shakllantirish, farzand tarbiyasida ota-onalarning mas’uliyatini oshirish yuzasidan fikr-mulohazalar bildirildi.
✨ Forum ota-onalar va universitet o‘rtasidagi o‘zaro muloqotni rivojlantirish, yoshlarning ta’lim-tarbiyasida hamjihatlikni kuchaytirish yo‘lida muhim ahamiyat kasb etdi.

🌟 Farzand kelajagi — ota-ona, ustoz va jamiyatning mushtarak mas’uliyatidir!

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website

📚 Farg‘ona davlat universitetida mualliflik huquqi va akademik halollikka bag‘ishlangan seminar-trening bo‘lib o‘tdi

2026-yil 14-oktabr kuni FarDU katta majlislar zalida “Mualliflik huquqi, plagiat va akademik halollik” hamda “Kutubxona va mualliflik huquqi: kutubxonachi nimalarni bilishi kerak?” mavzularida seminar-trening va o‘quv mashg‘uloti o‘tkazildi.

Tadbirda quyidagi masalalar ko‘rib chiqildi:
⚖️ Mualliflik huquqi va intellektual mulk obyektlarini huquqiy himoya qilish;
🔍 Ilmiy tadqiqotlarda plagiatning oldini olish, akademik halollik va ilmiy etika tamoyillari;
📖 Kutubxona faoliyatida mualliflik huquqi talablariga rioya qilish va elektron resurslardan qonuniy foydalanish.

Tadbirda universitet prorektorlari, Farg‘ona viloyati Adliya boshqarmasi mutaxassislari, doktorantlar hamda Axborot-resurs markazi xodimlari ishtirok etdi. Ishtirokchilarga ilmiy ishlarda manbalarni to‘g‘ri ko‘rsatish, iqtiboslarni rasmiylashtirish va sun’iy intellekt vositalaridan olingan ma’lumotlarni tekshirish bo‘yicha amaliy tavsiyalar berildi.

Universitet jamoasi ilm-fan sohasida halollik va qonuniylik tamoyillariga sodiq!

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website