2026-yil 16-oktabr kuni Ozarbayjonning Xonkendi shahrida bo‘lib o‘tgan O‘zbekiston–Ozarbayjon oliy ta’lim muassasalari rektorlarining II forumi doirasida Farg‘ona davlat universiteti rektori Bahodirjon Shermuhammadov qator hamkorlik hujjatlarini imzoladi.

🤝 Forum doirasida Boku davlat universiteti va Ozarbayjon texnika universiteti bilan yo‘l xaritalari hamda qo‘shimcha kelishuvlar, Ozarbayjon san’at va dizayn universiteti bilan esa hamkorlik memorandumi imzolandi.
Kelishuvlar qo‘shma ta’lim dasturlari va ilmiy loyihalarni amalga oshirish, talabalar hamda professor-o‘qituvchilar almashinuvini rivojlantirish, sun’iy intellekt, axborot texnologiyalari, san’at va dizayn yo‘nalishlarida hamkorlikni kengaytirishni nazarda tutadi.

🎓 Shuningdek, FarDU tomonidan Ozarbayjon fuqarolari uchun 10 ta ta’lim granti ajratilishi belgilandi.

Mazkur kelishuvlar ikki mamlakat oliy ta’lim muassasalari o‘rtasidagi aloqalarni mustahkamlash, xalqaro akademik hamkorlikni yangi bosqichga olib chiqishga xizmat qiladi.