“KEY TECH: AI in Retail & E-commerce” konferensiyasida InfinBANK sun’iy intellekt va raqamli yechimlarini taqdim etdi.

Bugun Toshkentda bo‘lib o‘tgan KEY TECH: AI in Retail & E-commerce xalqaro konferensiyasida InfinBANK o‘z texnologik salohiyati va sun’iy intellekt sohasidagi ilg‘or amaliy yechimlari bilan ishtirok etdi. Bankning maqsadi mijozlarga xizmat ko‘rsatishda raqamli texnologiyalardan foydalanish va moliya sohasidagi innovatsiyalarni rivojlantirish bo‘yicha tajriba almashishdan iborat bo‘ldi.

Konferensiyada InfinBANK Sun’iy intellektni rivojlantirish departamenti direktori Aziz Siyaev “Sun’iy intellekt zamonaviy bankni qanday o‘zgartirmoqda” mavzusida taqdimot qildi. U nutqida AI yechimlarining bank ekotizimida bosqichma-bosqich tatbiq etilayotgani, raqamli transformatsiyaning amaliy natijalari va sun’iy intellektning mijozlar uchun yaratayotgan yangi imkoniyatlari haqida ma’lumot berdi.

Shu orqali InfinBANK o‘zini ilg‘or, texnologik va raqamli innovatsiyalarga intilayotgan bank sifatida namoyish etib, mamlakatning texnologik jihatdan eng ilg‘or banklari qatoridagi o‘rnini mustahkamlamoqda.