بعد الاسبوع الأول من أسرار الفاتنات
💕🥰
مع المدربة نورا الجهني 🥰💕




انا لي أيام اطبق نظرات الغضب والحزن وانا بكامل أنوثتي💅🏻👗

الحمدلله
واقرأ سورة البقرة واستغفر والحوقلة
لحد ماجاني هو من نفسه
وقال انا آسف وحقك عليه وأنا تراني بطلت أماشي رفقاء السوء
وصدقيني مش مرتاح ولامبسوط وانا بعيد عنك😭😭

سامحيني وأنا صدق رجعت لك خلاص 💖
فصار يجي وهو طالع تامريني ع شي ياسعادتي

وانا أرد بإبتسامة تسلم ياحبيبي
يصحيني من النوم ويقول انتي روح البيت والله😭😭

ويقول لي
نظراتك لي هيه اللي خلني ارجع واقوله أنا بس لي الحق أطالعك وأشبع عيوني فيك قال الله لايحرمني منك يالولي 😭😭


المهم
وقمت من ع الفطور مصدعه وجا سلامتك ياغاليه ماتشوفين شر😍
ويقولي استرخي ويهمز لي راسي😍😭

وجلس حوالي ثلث ساعه وبعدين قال للأولاد لحد يزعج ماما لازم ترتاح

وجا بعد التراويح يشوف وضعي اوديك المستشفى وانا اقوله الحمدلله صرت احسن
ماراح ارسل لحد ماأستوعب حياتنا اللي رجعت لها المودة والرحمة😭😭😭😭😭😭


ربي لك الحمد حتى ترضى ولك الحمد بعد الرضى😭😭😭

جربت الصمت كثير الفتره اللي راحت انصدمت يابنات تخيلو زوجي الحمد لله بالعاده يسولف معي ويتكلم
بس لما جربت الصمت صار يتذكر اي شي ناسي يقوله لي ويسولف لي عن شغله وعن مواقف تصير معه قبل يقولها لي بس بعد فتره اللحين الا يتذكرها ويقولها لي اول بأول الحمد لله


وصراحه انا اسوي له كل شي يعني البيت دايماً نظيف واغلب وقتي كاشخه صرت اذا طلبته انام عند اهلي اسبوع يقول والله ماصبر عنك اخليك ويكند ايه بس اسبوع لا كثير

🌚🌚والمصروف الحمد لله صاير في ازدياد
بدون طلب

تجربتي
بعد ما طبقت الدروس زوجي ما يروح بعيد عني.. بعض الأحيان اتعب بس مواصلة النظرات الصمت و الابتسامة... الحمدلله كل شويا ينتبه لعيوني. هل انا فرحانة او شيء مزعلني..اول ما كان يجي و يسألني ليش زعلانة..في البداية ما فهم تمحور الحزين و يقولي انتي تزعلي يوم يومين و ترضي بنفسك عشان كدة ما يراضيني...بس دحين لو اسوي تمحور الحزين على طول يجي يقول ليش الحلو زعلان 🤭الحمدلله مرة استفدت من الدورة... جزاهم الله الخير كل واحدة الي ساهمت في هذي الدورات💕

صباح الفل والياسمين للحلوات 💐بنات بذكر لكم تجربتي مع زوجي من ناحية الطلبات انا بصراحه احتاج خادمه منزليه الفله كبيره وشغلها واجد واتعب الحق مع اهتمامي بنفسي واولادي وزوجي المهم اذكر قبل ادخل الدوره كل مافتحت معه الموضوع كان يقولي ماشاء الله انتي صغيره وش عندك من شغل انتي وعيالك بس ومافي تعب ولاشي وانا كل ماقال لي كذا قمت اشرح له بصوت عالي انت ماتدري عن شي كل يوم غسيل كوي طبخ تنظيف تمسيح مايمدي الواحد يقرا صفحه من القران او ينتبه لنفسه محتاجه ارتاح انت مو حاس فيني وانت منعم الله عليك وماعليك نقص وش يمنعك ماتجيب لي خادمه يقوليي لانك مو محتاجتها يقهرني حيل واعصب وازعل واهاوش اولادي وكل ماطلب مني شغله اقوله عجزت الحق تعبت المهم الله انعم علي ورزقني بتسجيلي في هالدوره وتعلمت كيف طريقة اسلوبي بالاول تتغير وطريقة صوتي تهدى شوي عشان اعرف اطلب المهم البارح كنت اسوي السحور واولادي واحد نايم والثاني جلس ع الايباد وانا بلمطبخ اسمع ولدي يصيح هو دايما نظامه يسوي نفسه اني رجل كبير ولي هيبه وماامسك اطفال او اسكتهم كل همه لو صاح الطفل يناديني وبس مايتصرف ويقول امه مشغوله نهائي ودايم اقوله ليش ماتشوف له او تشيله ولاماهمك الا مااقط نغزات المهم اسمع صوت ولدي يصيح وطنشت قمت اطقطق بالمواعين واسوي نفسي مرا مشغووله واطل عليه من باب المطبخ بس مايشوفني لقيته شايله وحاطه بحضنه ويلاعبه ويلاعب اخوه ولدي يناديني اسمعه يقوله تعالي نلعب ماما مشغوله شوي وتجي وانا بلمطبخ اضحك 😂اقول شوي خل يحس اني احتاج مساعده لسه فيني قهررر واخذت السفره معاي ورحت ارتبها قدامه وقال الله يعينك والله انك تتعببين ابتسمت وانا منزله راسي قلت عشان تعرف اني احتاج مساعده قال ابشري ابشري وقلت الطبخ ياخذ اقل من ساعه واتاخر عليه ساعتين ثلاث من كثر مايصيحون وينادني وماخلص شغلي اي والله صدقت ياحبيبي اتعب ونرهق كمان ومشيت اجيب السحور وجبته ورتبته وقلت تفضل حبيبي الشحور جاهز قال الله يقويك يالله تعالو تسحرو معاي وكل ماحطيت لقمه بمي صاح ولدي واقوم له والاحظ نظراته مركز علي اني اقوم واجلس اكثر من مره وانا مترتبه ومرتبه شعري ومبتسمه وهاديه خلص سحور وقال تسلم يدينك قلت هني وعافيه ومسح يدينه بالمنديل وجلس يطالعني وانا اتسحر استحيت منه لان لي اسبوع تقريبا احس وصلنا لمرحلة اول ايام الزواج حتى نظراته تعيرت صاير يستحي مني وعيونه مانزلت يشوف لي واحس انه يفكر ويتكلم بعقله وانا طالعت فيه وابتسمت ابتسامه قويه قال وش يضحكك انتي قريتي الليي افكر فيه قلت لا بس قلبي حس قال حس بايش قلت قلبي يقولي انك كلك لي قال بسم الله الرحمن الرحيم وهو يضحكك يابنات والله العظيم يالتمحور ونظرات والصمت اكثررررررررر شي جاب فايده معي لاحظته رجع يتغزل ويتكلم معي اول لو اموت مايمتغزل واو اموت مايمدح الحين لو اجيب له ماء مدحني هالدوره صارت ادمان وبرجع اقرا الدروس مره ومرتين وثلاث عشان اتمعن واطبقها صح والحمد لله النتائج مرضيه ونطمح للمزيد واسفه ع الايطاله وشكرا جزيلا لكم 💞💐😍

•••


دورة أسرار الفاتنات مع المدربة : وفاء النتيفي

🌸🌸🌸🌸🌸🌸


كنت سابقاً دائماً أوجه الانتقاد لزوجي في سالفة الطلعات...
انته ما تطلعنا تمشينا
وأولادك مساكين ما تطلعهم يتفسحون
وانته كله تحب تطلع مع إخوانك ونحن هاملنا....

ولكن بفضل الله عزوجل أحمده واشكره بأن دلني على أسرار الفاتنات...

بدأت أطبق الدروس من زينة ولبس ونظرات وابتسامه....

ولما بدأ ينجذب لي طبقت الإيحاء قلت له خاطري من متى تفاجأني بطلعة معك....

وبعدها بأسبوع جاني قالي خلا بتروحي معي بنبات في فندق...

مرة انبسطت بصراحة



💋💖💋💖💋💖💋💖💋💖💋


طبقت لبس الكعب...

وكان معي من زمان خلخال...

طلعته هذي الأيام ولبسته...
ومرة زوجي عاجبنه قالي من وين هذا؟؟
وأول مرة تلبسينه...
ورجولك طالعة حلوة....



💖💋💖💋💖💋💖💋💖💋💖💋


أمس كنت أجهز السحور وهو كان معي بالمطبخ...

وجهزت كل الأغراض في الصينيه...

وكنت حابة هو يشلها ف الصالة...

قلت بأنوثة ودلع : يا ربي الصينية صارت ثقيلة وما أقدر أشلها...

قالي هاتيها أنا أشلها عنك....

الحمدلله الإيحاء جاب نتيجة...

لو بالأول كنت بطلب منه بصريح العبارة: قم شلها عني وهو بيضايق ليش تأمرين علي...

هو من النوع اللي ما يحب يشتغل بالبيت....

بس الحمد لله اللي ألهمني وعلمني وأرشدني....



💖💋💖💋💖💋💖💋💖💋💖💋

بشكل عام صرت أتجنب المشاكل وأعطي الامور حجمها وصار عندي فكره عن مخه وشلون يفكر وكيف اجذبه واكسبه وبحكم بعده اصبح يرسل لي رساله واتس
ومعها كلمات حبيبتي وبعد قلبي حتى هو تغير بفضل الله ثم تعليماتك❤
بالنسبه لدرس امس جاري التطبيق اليوم ان شاء الله

💋💖💋💖💋💖💋💖💋💖💋💖

جمع المساعدة : قمـر 🌷

┈┉┅❀🍃💄🍃❀━┅┉┈

طبقت درس السياره من انوثه ودلع والكلام بصوت هادئ و تأني خرجنا لحالنا وتم تطبيق اللمسات والهمسات وهو مبسوط وكل شويا يدلع بالكلام ويغنيلي وذكرته بايام ملكتنا وخروجنا سوا بداية حياتنا وزواجنا
وطلبته اروح زواج صحبتي بكرا ووافق وزواج صحبتي مو في نفس منطقتنا بعيد تقريبا ساعه

واستغليت كمان وطلبته مبلغ لاطفالي بطلبهم كتب لرمضان من موقع ووافق ماتوقعته يوافق بسرعه واتوقعت انه يقول ماله دااعي الحمدلله 😫
من جد وقت الروقان يكون مختلف فيني عنه من زمان ☹اول كنت اطلبه في اي وقت ومااهتم هو كيف مزاجه ولا فين يكون وقت مايجي الطلب ببالي اطلبه
وقبل فتره طلبت للسياره تعليقه للمرايا وللدركسون مكتوب عليها ابو... وحطيت اسم ولدنا الكبير ومره انبسط بيها وعجبته وقال حتى لو اشتريت سياره جديده اطلبيلي زيها
ونويت اطلب مبخره للسياره زمان نفسه فيها بس عجز يلاقي وانا شفتها في محل بالصدفه
اما الثرثره ماسكه نفسي عنها والله نفسي اتكلم عن اشياء كتير ولما اتكلم الاقي باله مو مره معايا اتذكر عدم الثرثره والحق نفسي واسسكت
وشكرته على الخرجه الجمييله وانه كنت محتاجتها واني اتمناها تنعاد 💕الحمدلله

انا بالنسبة لي..

🌺تطبيق السيارة 🌺
كلمته نخرج بعد الفجر....
قال طيب
وخلاني اصحي البنات وانا ماكنت ابغا اصحيهم.. ..
ولمن خرجنا قال ندور شويتين بالسياره....واشتري حليب طازج لابوي ونرجع
في نفسي جاني ضحك وشوي مشاعر بايخة هههه..
ايش ابغى بالخرجة دي.. ولا حق اني قومت البنات..
بس مابينت..

بس قلت له بعده بشويتين..
ياعيني خارجة معاك.. حاجة حلووة اشوفك جمبي من الصباح..
ومسدت على يده ..
واكمل كلامي.. اكيد يومي رح يكون حلوو... وحنرووق بسبب خرجتنا الحلوة..
ابتسم عخفيف وكمل سواليفه مع بناته.. لا أكثر..

وصلنا محل الحليب نزل وطوول..
ووقت جا.. جايب معاه فطوور.. ويقول يلا نروح حديقة ونخلي البنات يلعبوو.. ونفطر..
وانتي خليني أدربك على السواقه بس واحنا راجعين..

🌺وتطبيقي لأن اكون ايجابيه🌺

قبل فتررة بعيييييده .. قال ليش رايك نبدل وجربي تسوقي..

طبعا مااعرف انا ولا أفكر.. الا لعب..

قلت طيب.. وطول ماانا اسووق وانا خايفه وسلبياااااات الدنيا طلعتها
حاخرب سيارتك.
خلااص نبدل..
رح اصدم..

الين قال وقفي وقفي..
واعطاني نظرة.. وهو يقول ترى البلاء موكل بالمنطق..

وحسيته زعل بعدها..
أصلا قالي كلام فهمت منه انه اخر مرة يفكر يخليني اجرب اسوق هههههه

المهم قبل أمس وقت خلاني اسوق..
كنت النقيض تماما..

بكل ثقه جلست وبحماس ظاهري.. مع اني من جوة خايفه حبتين.. صح.. لمن مثلت اني واثقة حبه حبه تشجعتت وحسيت بالثقه..
واسووق وانا اقول بحماس.. يلا رح اوصلكم احلى توصيله..
ووصلنا البيت..
فيقول لي.. يلا عشان هالمنطقة الطرق مخيفة المرة الجايه تجربي في مكان ثاني

احس الرجال يتأثروو بسرعة بينا..
يعني تغيييير بسيط منا ولا يذكرر.. هم يتغيروو على طول..
وتحسي حتى نقول كلمتين عايدي بسيطه حلووة.. يفرحو بيها..

منجد احنا بعد توفيق الله نقدر ندير دفة بيووتنا

أنا طلبت غرض من الانستقرام وزعل مني وألغيت الطلب قلت له انا خبرتك وسكتت ماقلت لاتطلبين وبعدها سكتت وماجادلته 😏هاوشني شوي ثم طلع
ولمارجع طبقت الصمت والتمحور الحزين وماتركني لين راضاني ووعدني يوديني السوق اليوم الثاني وفعلا ًوداني واشتريت كل اللي خاطري فيه
يقو انتي اللي غلطتي وأنا اللي اعتذر😂
والله ماقدرت اشوفك قالبه🙃 وجهك وزعلانه

انا طبقت التمحور الحزين بالسياره كنت ابي اروح اخذ اغراض هو رفض وقال بنرجع البيت مع انه الوقت بدري وسكتت وانا الطريق بحزن بدون ولا كلمه بالعاده اهاوش وشوي يوقف بمكان ويرجع معاه ورد ويعطيني ويعتذر انه تعبان اليوم وهو من النوع الجاف مايعترف بالورود وهالاشياء

تطبيق السياره
انا طلبته نطلع أبغي أكمل أغراض أولادي لزواج أختي
وافق لاني حددت له من البدايه وين بروح
بعد مركبت قالي أنا عازمك على كافي نروح مقهي وبعدين أوديك وهذي اول مرره يسويها
رجعنا السياره وشكرته وسلمت على يده فرح مره

العاده لمن اقول باطلع احس يتضايق لاني ما اوضح ايش ناقصني
المره هذي قبل لانطلع عطيته ورقه مكتوب فيها كل شي

تطبيقي لسياره
زوجي من النوع اللي يعصب من الزحمه اذا طلعت معاه هذي الفتره صرت اهدي عليه انو مايزعل وان صحته بالدنيا وانت اعقل منهم..الحمدلله صار يهدا شوي وانا عرفت كيف امتص غضبه
وعلمته ببعض 😉الاسرار في السياره🤭❤واهديت له فواحه لسياره💕

تطبيقي::::::





ابشرك استاذه انحلت مشكلتي قبل اسبوع تقريباً طلب اخوه المفتاح ورفضت ان زوجي يعطيه وعنادني واعطى اخوه المفتاح على طول طبقت الصمت الغاضب .. والتمحور ..والتهرب وصار زوجي اذا كلمني ما تجاهله لا ..ارد عليه بس اسلوبي تغير شوي..وما احط عيوني بعيونه ..عيوني على الارض وجلست كذا كم ساعه وراح اعتذر من اخوه وطلب المفتاح منه وجا عندي وقال هذا هو المفتاح جبته لك 💛🙂والله يا إني طرت من الفرحه ..بس قلب الزعله صار هو زعلان جلست معه وقلت له بهدوء حبيبي انا ما قلت شي غلط ..انا ما ابغاهم يدخلون بيتي وانا ماني في البيت الا ....اذا كنت موجوده حياهم الله في اي وقت عين لهم لحاف وعين فراش و....و...وابشركم رضي وانتهت مشكلتي🙂♥ و اذا طلبو الممفتاح مره ثانيه بنعطيهم المجلس وحمامه وانتو بكرامه بس الغرف الثانيه خط احمرررررررر😈

تطبيقي :::

الحمدلله بعد الدوره صرت ايجابيه كثيييييييييير صرت انظر للاشياء بإيجابيه لحياتي كمان
اذا ما طلعني ما ازعل احاول اخلق جو سعاده لنفسي اسوي رياضة الزومبا
اكلم امي الله يعطيها الصحه والعافيه
العب مع بنتي ربي يبارك لي فيها صرت احب نفسي 💕💕💕
جد هذي الدوره غيرت فيني كثيرررررررر

💕👒تجارب الفااااتنااات في دورة أسرار الفاتنات للمدربة نورا الجهني💕👒

-------------------


امس راح زوج يوقع للدوام ورجع واعطية ذيك النظراات المسبلة اللي كلها اعجاب وحب تجاهلني وارتبك وخرج
ورجع بينام واعيدها قال ايش بك فيك شي قلت لا
واكمل قال مرام انتي صاحية والا نايمة
المهم هو يقصد انتي صاحية والا مجنونة بس ماودة يجرحني ههههههه
امزح حسيت انة انبسط ومرتين يفتح عيونة


💕👒💕👒💕👒💕👒💕
أنا طبقت نظرات الرغبة اليوم والرجال منصدم ومستحي كل شوي يطالع اخر شي قال انتي طهرتي؟🙊قلت ليه؟ قال اممم مافي بس بغيت أعرف متى تصومي معي😂


💕👒💕👒💕👒💕👒💕
انا كنت زعلانه من زوجي مو لسبب معين بس أشياء تراكمت بنفسي مع شوي ظروف ... وبعد الدورة اليوم عاهدت نفسي انسى كل اللي صار وابدأ صفحة جديدة


👒💕👒💕👒💕👒💕👒



انا قبل كل شي نفسيتي من جوا تغيرت الحمدالله وإذا عصب مازعل واقول كلام يزعله ثرت العكس اقوله كلام حلو


💕👒💕👒💕👒💕👒💕


اليوم سويت فطوري وأنا مرتاحه ونفسيتي متجدد
أولادي حاسبن إني مستقره وانعكس عليهم


👒💕👒💕👒💕👒💕👒


فيني حماااس للتطبيق لكن للأسف مااقدر اطبقها الحين لأني راح اصوم رمضان عند الوالده بس بسجل كل شي علشان ماانسى واحاول اطبق مع نفسي علشان ارجع له انثى غييير، مع ان اليوم حاسه بإيجابيه حتى معاملتي مع عيالي صارت أهدأ وبدون عصبيه الحمدلله بدايه جميله بالنسبه لي


👒💕👒💕👒💕👒💕👒



الله يسعد هالجروب الحلو اليوم خليتينا نمشي ونغمز 😍😍😅



💕👒💕👒💕👒💕👒💕

صحيح انا كذا حاى اول يوم من. مضان يمر وانا هاديه جدا ما اصارخ على ولدي واتكلم معاه بهدوء يعني طلعا لابد من رفع الصوت بس كنت ويلاكس كثييير عن قبل حتى فالفطور سمع كلامي وماعمل شقاوة
وزوجي لسى يكون دوبه جاي من الدوام وقت الفطور وانا من قبل اطبق النظرات
طبعا دحين اخذ ولدي عني ويقولي نامي ارتاحي شوي


💕👒💕👒💕👒💕👒💕



اليوم اول يوم من دخل رمضان زوجي ما نام بعد ما رجع من دوامه ...قابلته بشكل مختلف اليوم كنت مبتسمه ولبست بجامه مرتبه واستشورت شعري مع اني كنت تعبانه ما خلتني بنتي انام زين وقال لي بكرة بنروح السوق 🙂


💕👒💕👒💕👒💕👒💕




مرحبا
انا طبقت اليوم النظرات والحمدلله جابت نتيجة
طلعني مع انه كان قليلة طلعاتنا مع بعض ووداني كم مكان
نظرا لوجود السواق


💕👒💕👒💕👒💕👒💕




بصراحة جددتوا فيني الإيجابية
صدق جاور السعيد تسعد
مع انه لسى بادين بس تغيرت نفسيتي بعد ماكانت بالحظيظ عقب خبر ملكته 💔


💕👒💕👒💕👒💕👒💕



قلت خليني البس وحط وجهز فطوري بجرب يمكن يفطر معاي
وبعد ماخلصت وحطيت الفطور قال بفطر معاكم
لان هو يفطر مع اهله
بعد الفطور قال بعد اذنك برَوح اتقهوا مع ابوي
اهم شي فيه شي تغير الحمدالله😍😍😍


💕👒💕👒💕👒💕👒💕




تخيلي وانا اجهز اتكشخ عشان اصور له صوره .. الا ويدق الباب مامداني البس بس كنت متزينه ومسرحه شعري بلبس خفيف للبيت ابيض
اجا صدفه من غير ميعاد وفتحت له وشافني
اعجب بلون شعري
وراح ودق الجرس مره ثانيه وصار مثل الطفل
مع انه من شهور ما يشوفني
سهام عيوني امس ماخابت 😅😍


💕👒💕👒💕👒💕👒💕



يابنات احنا على الفطور بس يطالع فيني واسوي نفسي ما اشوفه


💕👒💕👒💕👒💕👒💕



عن جد والله ع راسهم الاستاذه نوره ي سلام عليها حوريه من حوريات الجنه
والمشرررفات الله اكبر ع حماسهم وتفاعلهم
شي يخلي الحياااه اجمل من الجمال
الله يحمعنا ف الجنه يارب


💕👒💕👒💕👒💕👒💕



الحمدلله والله ماندمت يوم دخلت الدوره انا ودي اغير من حياتي واسلوبي لاني استحق حب زوجي لي يارب في هذه الساعه فرج هم كل وحده فينا سعت ويعطيها على قد نيتها ويسخر لنا ازواجنا ويجعلهم مايشوفون الا احنا يارب 💕👌🏻


💕👒💕👒💕👒💕👒💕


وانا كمان لبست بس ما مداني قبل الفطور المهم بعد ما راح يصلي لبس وتكشخت وانا اردد في نفسي انا انثى فانته والله حتى وانا البس احس تغيت طريقه اللبس البس بهدوء ونعومه المهم لبس لبس عادي مو اول مره يشوفه قميص قطن ماسك عالجسم وجاكيت ابيض والله بس دخلت عليه التفت عليه وابتسم 😃😃


💕👒💕👒💕👒💕👒💕



طبقت النظرات اليوم وطبعا عندي بنت وولد اخته البنت كبيرة والولد صغير .
المهم .
اليوم دخلت غرفتي بعد الفطور ويتكلم وانا أطالع فيه بنفس الحركه المثلث من الدقن لحد العيون ورجعت خلصت شغلي ويتكلم ويتكلم وجا يبوس بقوووة 😍🙈


💕👒💕👒💕👒💕👒💕




والله الامور طيبه وابو الشباب 😍ويقول الله اليوم انتِ غير 👌🏻♥


💕👒💕👒💕👒💕👒💕



الغريب بأمر النظرات انها معدية
يعني يومين مستلمته نظرات😍
اليوم فاجئني عطاني نفسها


💕👒💕👒💕👒💕👒💕





الحمدلله ماتوقعت هالتطور
رغم انه كانت علاقتنا فاترة


💕👒💕👒💕👒💕👒💕


الحمدلله جابت نتيجة النظرات بس
مابعد بديت في الملابس ...الخ


💕👒💕👒💕👒💕👒💕



صباح الأنوار والخيرات