📚 “KITOBXON OILA” — RESPUBLIKA BOSQICHIDA

Namangan viloyatida “Kitobxon oila” respublika ko‘rik-tanlovining navbatdagi bosqichi bo‘lib o‘tmoqda.

Unda Favqulodda vaziyatlar vazirligi tizimida xizmat olib borayotgan harbiy xizmatchilarning oila a’zolari faol ishtirok etmoqda.

📖 Mazkur tanlov kitobxonlik madaniyatini yuksaltirish, oilalarda mutolaa muhitini shakllantirish hamda kitobxon oilalarni qo‘llab-quvvatlashga xizmat qilmoqda.

Ishtirokchilarga tanlovning respublika bosqichida muvaffaqiyat tilaymiz! 🇺🇿📚

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram

SMENA BOSHLARI BILAN AMALIY KO‘NIKMALAR MUSTAHKAMLANDI

Bugun, 9-oktyabr kuni Namangan viloyati Favqulodda vaziyatlar boshqarmasida Favqulodda vaziyatlar vazirining birinchi o‘rinbosari — Favqulodda vaziyatlarni bartaraf etish departamenti boshlig‘ining ko‘rsatmasiga asosan, belgilangan reja asosida smena boshliqlari uchun kasbiy-amaliy seminar o‘tkazildi.

Seminarning asosiy maqsadi — smena boshliqlarining kasbiy bilim va ko‘nikmalarini yanada oshirish, xizmat faoliyatida yuzaga keladigan masalalarni amaliy jihatdan mustahkamlash, mehnat muhofazasi va texnika xavfsizligi talablariga rioya etilishini ta’minlash hamda ish samaradorligini oshirishdan iborat.

Mashg‘ulotlar davomida:

🔹 smena boshliqlarining vazifalari va mas’uliyati, ish jarayonini to‘g‘ri tashkil etish hamda xodimlarga vazifalarni taqsimlash;

🔹 mehnat intizomini ta’minlash, topshiriqlarning o‘z vaqtida va sifatli bajarilishini nazorat qilish;

🔹 mehnat muhofazasi va texnika xavfsizligi talablariga rioya etish, shaxsiy himoya vositalaridan to‘g‘ri foydalanish;

🔹 smenani qabul qilish va topshirish tartibi;

🔹 nafas olishga yaroqsiz muhitda ishlarni to‘g‘ri tashkil etish;

🔹 favqulodda vaziyatlar, nosozlik yoki baxtsiz hodisa yuzaga kelganda tezkor va to‘g‘ri harakat qilish masalalari ko‘rib chiqildi.

Shuningdek, seminar doirasida amaliy mashg‘ulotlar tashkil etilib, ishtirokchilarning bilim va ko‘nikmalari bevosita amaliyot orqali mustahkamlandi.

Tadbir yakunida mavzular yuzasidan savol-javob va fikr almashishlar o‘tkazilib, xizmat faoliyatida yuzaga kelishi mumkin bo‘lgan vaziyatlarda samarali harakat qilish bo‘yicha tegishli tavsiyalar berildi.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram

🔈FVV ogohlikka chaqiradi❗️ Hurmatli fuqarolar❗️

☄️Ob-havo haroratining pasayib borishi natijasida gaz, elektr va boshqa turdagi muqobil yoqilg‘i isitish moslamalaridan foydalanishga bo‘lgan ehtiyoj ortib boradi. Isitish mavsumini betalafot o‘tkazish maqsadida, Favqulodda vaziyatlar vazirligi is gazidan zaharlanish, gaz-havo aralashmasining chaqnashi va yong‘inlarning oldini olish uchun barcha zarur choralarni ko‘rishga chaqiradi.

Quyidagi tavsiyalarga amal qiling:

🔹isitish pechlari va ularning dudburonlari sozligiga, turli buyum va to‘siqlar bilan berkitilmasligi hamda yoriqlar bo‘lmasligiga alohida e’tibor bering;
🔹gaz uskunalarini ulash tartib qoidalariga rioya qiling va ularga rezina shlanglar orqali ulanishga yo‘l qo‘ymang❌
🔹qo‘lbola va nosoz elektr hamda gaz isitish jihozlaridan foydalanish hayot uchun xavfli ekanligini yodda tuting;
🔹maxsus tashkilotlar tomonidan dudburonlarning o‘z vaqtida tozalanishiga e’tibor qarating.

⚡️HURMATLI FUQAROLAR IS GAZIDAN OGOH BO‘LING!

➡️Boshqa yangiliklar

📱Fvv.uz | 📱Facebook | 📱Telegram | 📱Youtube |📱 instagram | 📱X