“ENG ILG‘OR YETAKCHI MUTAXASSIS” KO‘RIK-TANLOVI NAMANGANDA!

Ayni damda Namangan viloyatida Favqulodda vaziyatlar vazirligi tizimida “Oila va xotin-qizlar bilan ishlash bo‘yicha eng ilg‘or yetakchi mutaxassis” ko‘rik-tanlovi bo‘lib o‘tmoqda.

Tanlov ishtirokchilari o‘z bilim va mahoratlarini quyidagi 3 ta shart asosida namoyish etmoqdalar:
🔹 1-shart: Yetakchi mutaxassisning yil davomidagi faoliyati yuzasidan tayyorlangan fotoalbom va hisobotli taqdimot;
🔹 2-shart: Kasbiy tayyorgarlik yo‘nalishi bo‘yicha 20 ta savoldan iborat test sinovlari;
🔹 3-shart: Turli vaziyatlarda to‘g‘ri qaror qabul qilish mahorati.

Ko‘rik-tanlovdan ko‘zlangan maqsad — mutaxassislarning kasbiy salohiyati va tajribasini baholash, ilg‘or ish uslublarini ommalashtirish hamda oila va xotin-qizlar bilan ishlash samaradorligini yanada oshirishdan iborat.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram

MAHALLA FUQARO MUHOFAZASI MASKANI FAOLIYATI O‘RGANILDI

Namangan harbiy prokurori, adliya polkovnigi Muhammadjon Bozormirzayev hamda Namangan viloyati Favqulodda vaziyatlar boshqarmasi boshlig‘i podpolkovnik Elyor Ahmadaliyev tomonidan Yangi Namangan tumani “Beruniy” mahalla fuqarolar yig‘inida tashkil etilgan mahalla fuqaro muhofazasi maskani faoliyati o‘rganildi.

Tashrif davomida maskandagi mavjud sharoitlar, fuqaro muhofazasi yo‘nalishida amalga oshirilayotgan ishlar bilan yaqindan tanishildi.

Shuningdek, maskanda faoliyat olib borayotgan volontyorlar bilan suhbat o‘tkazilib, ularning vazifalari, favqulodda vaziyatlarning oldini olish va aholini muhofaza qilishdagi ishtiroki yuzasidan fikr almashildi.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram