📰 NAMANGANDA MATBUOT ANJUMANI O‘TKAZILDI

Bugun, 13-oktyabr — Tabiiy ofatlar xavfini kamaytirish kuni munosabati bilan Namangan viloyati Favqulodda vaziyatlar boshqarmasida ommaviy axborot vositalari vakillari, jurnalist va blogerlar ishtirokida matbuot anjumani bo‘lib o‘tdi.

Unda 13-oktyabr — Tabiiy ofatlar xavfini kamaytirish kuni doirasida amalga oshirilayotgan ishlar, shuningdek, kuz-qish mavsumida yuzaga kelishi mumkin bo‘lgan favqulodda vaziyatlarning oldini olish, aholi xavfsizligini ta’minlash borasida ko‘rilayotgan chora-tadbirlar haqida ma’lumot berildi.

Matbuot anjumani davomida jurnalist va blogerlarning mavzu yuzasidan savollariga mutaxassislar tomonidan batafsil javoblar berildi.

Shuningdek, tadbir ishtirokchilari qutqaruv avtomashinalari, ularda mavjud qutqaruv asbob-anjomlari va maxsus jihozlar bilan yaqindan tanishdilar.

Mutaxassislar tomonidan maxsus texnika va qutqaruv vositalarining vazifalari hamda ulardan favqulodda vaziyatlarda foydalanish tartibi haqida ma’lumot berildi.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram