CHORTOQ TUMANIDA HARBIY PROKUROTURASI VA FAVQULODDA VAZIYATLAR BOSHQARMASINING HAMKORLIKDAGI SAYYOR QABULI O‘TKAZILDI

Unda Namangan harbiy prokurori, adliya polkovnigi Muhammadjon Bozormirzayev, Namangan viloyati Favqulodda vaziyatlar boshqarmasi boshlig‘i, podpolkovnik Elyor Axmadaliyev hamda tegishli tashkilotlar mas’ullari ishtirok etib, murojaatchilarni qabul qildilar.

Sayyor qabul davomida harbiy xizmatchilar, ishchi-xizmatchilar, ularning oila a’zolari hamda fuqarolarning murojaatlari tinglandi. Shuningdek, sog‘liqni saqlash, maktabgacha va maktab ta’limi, soliq, kambag‘allikni qisqartirish va bandlik sohalari vakillari ham ishtirok etib, murojaatlarni o‘rganishda o‘z vakolatlari doirasida qatnashdilar.

Qabul davomida kelib tushgan murojaatlarning 2 tasi joyida ijobiy hal etildi, 16 tasi yuzasidan huquqiy tushuntirishlar berildi. Qo‘shimcha o‘rganish va ko‘rib chiqish uchun muddat talab etadigan 3 ta murojaat esa nazoratga olindi.

Bunday sayyor qabullar fuqarolar va harbiy xizmatchilarning muammolarini joyida o‘rganish, ularning murojaatlarini o‘z vaqtida hal etish hamda qonuniy manfaatlarini ta’minlashga xizmat qiladi.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram

SARDОBA BOZORIDA YONG‘IN XAVFSIZLIGI NAZORATIDA

O‘zbekiston Respublikasi Vazirlar Mahkamasining 2026-yil 8-sentabrdagi 393-son farmoyishi ijrosi doirasida Namangan viloyatidagi bozorlarda yong‘in xavfsizligini ta’minlash va favqulodda vaziyatlarning oldini olishga qaratilgan ishlar izchil davom ettirilmoqda.

Mazkur topshiriqlar ijrosi yuzasidan Namangan viloyati Favqulodda vaziyatlar boshqarmasi boshlig‘i, podpolkovnik Elyor Ahmadaliyev "Sardoba bozori" MCHJda yong‘in xavfsizligini ta’minlash borasida amalga oshirilgan ishlar bilan yaqindan tanishdi.
O‘rganish davomida bozor hududidagi yong‘in xavfsizligi holati ko‘zdan kechirilib, tadbirkorlar bilan suhbatlar o‘tkazildi.

Ularga elektr jihozlaridan to‘g‘ri foydalanish, elektr tarmoqlarining sozligini ta’minlash, yong‘in kelib chiqishiga sabab bo‘luvchi holatlarning oldini olish hamda yong‘in sodir bo‘lganda to‘g‘ri harakatlanish bo‘yicha zarur tavsiya va tushuntirishlar berildi.

Shuningdek, bozor hududida yong‘inlarning oldini olish, fuqarolar va tadbirkorlarning hayoti hamda mol-mulkini muhofaza qilish, favqulodda vaziyatlarda tezkor harakatlanish uchun zarur shart-sharoitlarni yaratish muhimligi ta’kidlandi.

⚠️ Yong‘in xavfsizligi — barchamizning umumiy mas’uliyatimiz!

Har bir tadbirkorning xavfsizlik qoidalariga qat’iy rioya qilishi insonlar hayoti va salomatligini asrash, mol-mulkni muhofaza qilish hamda bozorlarda xavfsiz faoliyat yuritishning muhim garovidir.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram

YONGʻIN XAVSIZLIGINI TAʼMINLASHGA VOLONTYORLAR JALB ETILMOQDA

#Namangan

muxbir: Umida Qo’shoqova

@dunyoi_kabir

Namanganda “Jasorat maktablari” o‘quvchilarining “Va’da berish” marosimi o‘tkazildi

Bugun mamlakatimizning barcha hududlarida bo‘lgani kabi Namangan shahridagi “Uch favvora” xiyobonida umumta’lim maktablari negizida tashkil etilgan “Jasorat maktablari”ning o‘quvchilari ishtirokida tantanali “Va’da berish” marosimi bo‘lib o‘tdi.

Tadbirda maktabgacha va maktab ta’limi, mudofaa, favqulotda vaziyatlar hamda Milliy gvardiya boshqarmalari, keng jamoatchilik vakillari qatnashdi. So‘zga chiqqanlar yoshlarni Vatanga sadoqat ruhida, jismonan sog‘lom va ma’naviy barkamol insonlar qilib tarbiyalashda mazkur ta’lim maskanlarining o‘rni va ahamiyatini alohida ta’kidladilar.

Jarayonda o‘quvchilar Vatanga sodiq bo‘lish, mamlakatimiz tinchligi va osoyishtaligini qadrlash hamda kelajakda yurtimiz ravnaqi uchun munosib hissa qo‘shishga va’da berdilar.

Ma’lumot o‘rnida, viloyatda bugungi kunda 14 ta “Jasorat maktabi” faoliyat yuritib, ularda 728 nafar o‘g‘il-qiz ta’lim-tarbiya olmoqda.

Jasorat sinflarini a'lo baholar bilan tamomlagan har bir “Vatan tayanchi” otryadining aʼzosi boʻlgan bir nafar oʻquvchiga Mudofaa vazirligi tomonidan belgilanadigan tanlab olish tartibiga muvofiq oliy harbiy va harbiylashtirilgan hamda yuridik taʼlim muassasalariga oʻqishga kirish uchun imtiyozli tavsiyanoma berilishi belgilangan.

Namangan viloyati maktabgacha va maktab ta’limi boshqarmasi Axborot xizmati