“Do‘stlik savdo sanoat bozori”da maxsus-taktik o‘quv mashqi o‘tkazildi

Namangan viloyati Favqulodda vaziyatlar boshqarmasi boshlig‘i, Favqulodda vaziyatlar vazirligi mas’ul xodimi hamda hamkor tashkilotlar vakillari ishtirokida Yangi Namangan tumani hududida joylashgan “Do‘stlik savdo sanoat bozori” da maxsus-taktik o‘quv mashqi o‘tkazildi.

Mashqdan ko‘zlangan asosiy maqsad — bozorda sodir bo‘lishi mumkin bo‘lgan favqulodda vaziyatlarning oldini olish, ularning oqibatlarini bartaraf etish, qutqaruv xizmatlari va hamkor tashkilotlarning o‘zaro hamkorligini mustahkamlash hamda amaliy harakatlarga tayyorgarligini sinovdan o‘tkazishdan iborat.

Mashq davomida shartli yong‘in o‘chog‘ini bartaraf etish, fuqarolarni xavfsiz hududga evakuatsiya qilish, bozor hududidagi suv manbalarining ishchanlik holatini tekshirish, shartli jabrlanganlarni qutqarish hamda yong‘inning qo‘shni savdo rastalariga tarqalishining oldini olish bo‘yicha amaliy harakatlar bajarildi.

Shuningdek, favqulodda vaziyat vaqtida bozor hududida odamlar harakatini tartibga solish, evakuatsiyani to‘g‘ri tashkil etish, tegishli xizmatlar o‘rtasidagi hamkorlikni yo‘lga qo‘yish bo‘yicha ishtirokchilarning amaliy va nazariy ko‘nikmalari mustahkamlandi.

Mashq jarayonida favqulodda vaziyatlar bo‘linmalari hamda Fuqaro muhofazasi davlat tizimi (FVDT) tuzilmalarining jangovar shayligi ham sinovdan o‘tkazildi.

Mashq yakunida ishtirokchilarning harakatlari tahlil qilinib, aniqlangan kamchiliklarni bartaraf etish yuzasidan tegishli tavsiyalar berildi.

Jumladan, yong‘in xavfsizligi talablariga qat’iy rioya etish, bozor hududidagi kirish-chiqish yo‘llarini doimo ochiq saqlash hamda birlamchi yong‘in o‘chirish vositalarining shay holatda bo‘lishini ta’minlash bo‘yicha ko‘rsatmalar berildi.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram

Namangan TV | 14.10.2026

YONG'IN XAVFSIZLIGI VA FUQARO MUHOFAZASI MASALALARI NAZORATDA

Telegram| Instagram| Youtube| Live| FM-103.6|Facebook

🔥 YONG‘IN XAVFSIZLIGI — E’TIBORSIZLIKKA O‘RIN YO‘Q!

Birgina e’tiborsizlik katta yong‘inga sabab bo‘lishi mumkin. Elektr va gaz jihozlaridan to‘g‘ri foydalaning, isitish moslamalarini nazoratsiz qoldirmang, bolalarni olov manbalaridan uzoq tuting.

🛑 Yong‘in xavfsizligi qoidalariga rioya qiling!

Xavfsizlik — har birimizning mas’uliyatimiz!

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram

🇺🇿 “MA’NAVIY YUKSALISH VA VATANPARVARLIK KUNI” DOIRASIDA MA’RIFIY MASHG‘ULOT

Namangan viloyati Favqulodda vaziyatlar boshqarmasida “Ma’naviy yuksalish va vatanparvarlik kuni” doirasida “Har bir millatning dunyoda borlig‘ini ko‘rsatadurgan oynayi hayoti — til va adabiyotdur” mavzusida ma’naviy-ma’rifiy mashg‘ulot tashkil etildi.

Mashg‘ulotda Respublika Ma’naviyat va ma’rifat markazi “Ma’rifat” targ‘ibotchilar jamiyati a’zosi, Namangan davlat pedagogika instituti Ijtimoiy fanlar fakulteti “Falsafiy va tarixiy fanlar” kafedrasi katta o‘qituvchisi, falsafa fanlari doktori Tillayev Bobamurod Abduvaxobovich ishtirok etdi.

Tadbir davomida ma’ruzachi tomonidan ona tilining millat hayoti va ma’naviy taraqqiyotidagi o‘rni, til va adabiyotning yosh avlod tarbiyasidagi ahamiyati, milliy qadriyatlarni asrab-avaylash hamda ona tiliga hurmat ruhida tarbiyalash masalalari yuzasidan batafsil ma’ruza qilindi.

Mashg‘ulot yakunida ishtirokchilar mavzu yuzasidan o‘zlarini qiziqtirgan savollarga javob oldilar.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram