🇺🇿 “MA’NAVIY YUKSALISH VA VATANPARVARLIK KUNI” DOIRASIDA MA’RIFIY MASHG‘ULOT

Namangan viloyati Favqulodda vaziyatlar boshqarmasida “Ma’naviy yuksalish va vatanparvarlik kuni” doirasida “Har bir millatning dunyoda borlig‘ini ko‘rsatadurgan oynayi hayoti — til va adabiyotdur” mavzusida ma’naviy-ma’rifiy mashg‘ulot tashkil etildi.

Mashg‘ulotda Respublika Ma’naviyat va ma’rifat markazi “Ma’rifat” targ‘ibotchilar jamiyati a’zosi, Namangan davlat pedagogika instituti Ijtimoiy fanlar fakulteti “Falsafiy va tarixiy fanlar” kafedrasi katta o‘qituvchisi, falsafa fanlari doktori Tillayev Bobamurod Abduvaxobovich ishtirok etdi.

Tadbir davomida ma’ruzachi tomonidan ona tilining millat hayoti va ma’naviy taraqqiyotidagi o‘rni, til va adabiyotning yosh avlod tarbiyasidagi ahamiyati, milliy qadriyatlarni asrab-avaylash hamda ona tiliga hurmat ruhida tarbiyalash masalalari yuzasidan batafsil ma’ruza qilindi.

Mashg‘ulot yakunida ishtirokchilar mavzu yuzasidan o‘zlarini qiziqtirgan savollarga javob oldilar.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram

POP TUMANIDA VOLONTYOR-QUTQARUVCHILAR ISHTIROKIDA O‘QUV MASHQI O‘TKAZILDI

Bugun, 16-oktyabr kuni Birlashgan Millatlar Tashkiloti Taraqqiyot dasturining “O‘zbekistonda iqlim o‘zgarishi natijasida yuzaga keladigan xavfli tabiiy hodisalarga nisbatan jamoalarning chidamliligini oshirish uchun kompleks erta ogohlantirish tizimini takomillashtirish” qo‘shma loyihasi doirasida Pop tumanidagi Imom ota mahalla fuqarolar yig‘inida ikki kunlik trening dasturi asosida o‘quv mashqi tashkil etildi.

O‘quv mashg‘ulotlarining asosiy mavzusi — suv toshqini bilan bog‘liq favqulodda vaziyat xavfi yuzaga kelganda aholini xavfli hududlardan xavfsiz joylarga evakuatsiya qilishda volontyor-qutqaruvchilarning o‘rni va ahamiyatiga bag‘ishlandi.

Mashg‘ulotlar davomida mahallada tashkil etilgan volontyor-qutqaruvchilarga favqulodda vaziyatlarda to‘g‘ri harakat qilish, aholini xavfsiz hududga evakuatsiya qilish, o‘zaro hamkorlikni yo‘lga qo‘yish hamda kuch va vositalarni samarali muvofiqlashtirish bo‘yicha amaliy ko‘nikmalar berildi.

Mazkur tadbirning asosiy maqsadi — aholining tabiiy ofatlarga tayyorgarligini oshirish, volontyor-qutqaruvchilarning favqulodda vaziyatlarda tezkor va uyushqoqlik bilan harakat qilish ko‘nikmalarini mustahkamlash hamda mahalla darajasida xavfsizlikni ta’minlash tizimini yanada takomillashtirishdan iborat.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagra

⚠️ GAZ-HAVO CHAQNASHIDAN OGOH BO‘LING!

Gazdan foydalanishda ehtiyotsizlik og‘ir oqibatlarga olib kelishi mumkin. Gaz hidi sezilsa, olov yoqmang, elektr tugmalariga tegmang, xonani shamollating va xavfsiz joyga chiqing.

🛑 Xavfsizlik qoidalariga rioya qiling — ehtiyotkorlik hayotingizni asraydi!

#GazXavfsizligi #OgohBo‘ling #YonginXavfsizligi

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagra