Куз-қиш мавсумига тайёргарлик: газ таъминоти тизимида ишлар изчил давом этмоқда

Наманган вилояти ҳокими Шавкатжон Абдураззоқов газ таъминоти тизимида амалга оширилган ишлар, куз-қиш мавсумига тайёргарлик жараёни ҳамда хусусий газ таъминоти шохобчалари фаолиятини самарали ташкил этиш борасидаги ишлар билан танишди.

Бугунги кунда вилоят бўйлаб жами 238 976 та табиий газ истеъмолчиси мавжуд. Аҳолини табиий газ билан барқарор таъминлаш, мавжуд тармоқларнинг техник ҳолатини яхшилаш ва мавсум давомида юзага келиши мумкин бўлган муаммоларнинг олдини олиш мақсадида 26,2 километр газ тармоғи ҳамда 54 та газ тақсимлаш пункти (ГТП) мукаммал таъмирланди.

Шунингдек, суюлтирилган газ таъминотини тартибга солиш, хизмат кўрсатиш жараёнларида шаффофликни таъминлаш ва назорат механизмларини кучайтириш мақсадида тизим тўлиқ рақамлаштирилди. Газ етказиб берувчи барча транспорт воситаларига кузатув камералари ўрнатилиб, маҳсулотни етказиб бериш жараёнини назорат қилиш имкониятлари кенгайтирилди.

Суюлтирилган газ таъминотида хусусий тадбиркорлик субъектларининг иштирокини кенгайтириш ва хизматлар самарадорлигини оширишга ҳам алоҳида эътибор қаратилмоқда. Айни пайтда вилоятда «Муборак Газ Инвест» МЧЖ, «Афсона Энерги» ХК ҳамда «Янги Аср» МЧЖ томонидан аҳоли ва тадбиркорлик субъектларига суюлтирилган газ етказиб бериш хизматлари йўлга қўйилган.

Тақдимот давомида вилоят раҳбари амалга оширилган ишлар ва мавжуд ҳолат билан танишиб, тизимда аниқланган камчиликларни бартараф этиш, газ таъминоти самарадорлигини янада ошириш, шунингдек, аҳолини суюлтирилган газ билан ўз вақтида ва узлуксиз таъминлашни яхшилаш юзасидан масъулларга тегишли топшириқ ва кўрсатмалар берди.

Белгиланган вазифалар ижросини таъминлаш, куз-қиш мавсумини барқарор ўтказиш ҳамда аҳолига кўрсатилаётган хизматлар сифатини ошириш борасидаги ишлар давом эттирилади.

Наманган шаҳар ҳокимлиги Матбуот хизмати
________

Kuz-qish mavsumiga tayyorgarlik: gaz ta’minoti tizimida ishlar izchil davom etmoqda

Namangan viloyati hokimi Shavkatjon Abdurazzoqov gaz ta’minoti tizimida amalga oshirilgan ishlar, kuz-qish mavsumiga tayyorgarlik jarayoni hamda xususiy gaz ta’minoti shoxobchalari faoliyatini samarali tashkil etish borasidagi ishlar bilan tanishdi.

Bugungi kunda viloyat bo‘ylab jami 238 976 ta tabiiy gaz iste’molchisi mavjud. Aholini tabiiy gaz bilan barqaror ta’minlash, mavjud tarmoqlarning texnik holatini yaxshilash va mavsum davomida yuzaga kelishi mumkin bo‘lgan muammolarning oldini olish maqsadida 26,2 kilometr gaz tarmog‘i hamda 54 ta gaz taqsimlash punkti (GTP) mukammal ta’mirlandi.

Shuningdek, suyultirilgan gaz ta’minotini tartibga solish, xizmat ko‘rsatish jarayonlarida shaffoflikni ta’minlash va nazorat mexanizmlarini kuchaytirish maqsadida tizim to‘liq raqamlashtirildi. Gaz yetkazib beruvchi barcha transport vositalariga kuzatuv kameralari o‘rnatilib, mahsulotni yetkazib berish jarayonini nazorat qilish imkoniyatlari kengaytirildi.

Suyultirilgan gaz ta’minotida xususiy tadbirkorlik subyektlarining ishtirokini kengaytirish va xizmatlar samaradorligini oshirishga ham alohida e’tibor qaratilmoqda. Ayni paytda viloyatda “Muborak Gaz Invest” MChJ, “Afsona Energy” XK hamda “Yangi Asr” MChJ tomonidan aholi va tadbirkorlik subyektlariga suyultirilgan gaz yetkazib berish xizmatlari yo‘lga qo‘yilgan.

Taqdimot davomida viloyat rahbari amalga oshirilgan ishlar va mavjud holat bilan tanishib, tizimda aniqlangan kamchiliklarni bartaraf etish, gaz ta’minoti samaradorligini yanada oshirish, shuningdek, aholini suyultirilgan gaz bilan o‘z vaqtida va uzluksiz ta’minlashni yaxshilash yuzasidan mas’ullarga tegishli topshiriq va ko‘rsatmalar berdi.

Belgilangan vazifalar ijrosini ta’minlash, kuz-qish mavsumini barqaror o‘tkazish hamda aholiga ko‘rsatilayotgan xizmatlar sifatini oshirish borasidagi ishlar davom ettiriladi.

Namangan shahar hokimligi Matbuot xizmati

Sayt | Telegram | Facebook | Instagram | X | YouTube

#Куз_қиш_мавсуми

Намaнгaн вилоятида аҳолини кўмир билан таъминлаш ва ижтимоий қўллаб-қувватлаш ишлари изчил давом этмоқда

Наманган вилояти ҳокими Шавкатжон Абдураззоқов Давлатобод туманида фаолият юритаётган «Namangan Coal» МЧЖ филиалида бўлиб, куз-қиш мавсумида аҳоли хонадонлари ҳамда бюджет ташкилотларини кўмир ёқилғиси билан таъминлаш борасида амалга оширилаётган ишлар билан танишди.

Тақдимотда вилоят раҳбарига корхонанинг фаолияти, кўмир захираси, уни сақлаш, ташиш ва истеъмолчиларга етказиб бериш имкониятлари ҳақида маълумот берилди.

Тақдим этилган маълумотларга кўра, ижтимоий соҳа объектларига, ДХШларга белгиланган режа доирасида кўмир етказиб бериш ишлари амалга оширилиб, тегишли йўналишларда 100 фоизлик натижага эришилган.

Аҳолига қулайлик яратиш мақсадида (Mycoal.uz) электрон платформаси орқали кўмирга буюртма бериш тизими ҳам йўлга қўйилган. Фуқаролар платформада рўйхатдан ўтиб, керакли кўмир турини танлаши, буюртма учун ариза юбориши ва унинг ҳолатини кузатиб бориши мумкин. Тўловларни банк картаси, онлайн тўлов тизими ёки омборда нақд пул орқали амалга ошириш имконияти яратилган.

Вилоят ҳокими аҳолини куз-қиш мавсумида ижтимоий қўллаб-қувватлаш, хонадонларга кўмирни ўз вақтида арзон ва белгиланган тартибда етказиб бериш, айниқса, ижтимоий ҳимояга муҳтож оилалар эҳтиёжларига алоҳида эътибор қаратиш муҳимлигини таъкидлади.

Масъулларга кўмир таъминотида узилишларга йўл қўймаслик, буюртмалар ижросини назорат қилиш, аҳолига хизмат кўрсатиш сифатини ошириш ҳамда мурожаатларни тезкор ҳал этиш юзасидан тегишли вазифалар белгиланди.

Асосий мақсад — совуқ кунларда аҳоли хонадонлари ва ижтимоий соҳа объектларини узлуксиз ёқилғи билан таъминлаш, фуқаролар учун муносиб ва қулай шароит яратишдир.

Давлатобод тумани ҳокимлиги Ахборот хизмати

—

#Kuz_qish_mavsumi

Namangan viloyatida aholini koʻmir bilan taʼminlash va ijtimoiy qoʻllab-quvvatlash ishlari izchil davom etmoqda

Namangan viloyati hokimi Shavkatjon Abdurazzoqov Davlatobod tumanida faoliyat yuritayotgan «Namangan Coal» MCHJ filialida boʻlib, kuz-qish mavsumida aholi xonadonlari hamda byudjet tashkilotlarini koʻmir yoqilgʻisi bilan taʼminlash borasida amalga oshirilayotgan ishlar bilan tanishdi.

Taqdimotda viloyat rahbariga korxonaning faoliyati, koʻmir zaxirasi, uni saqlash, tashish va isteʼmolchilarga yetkazib berish imkoniyatlari haqida maʼlumot berildi.

Taqdim etilgan maʼlumotlarga koʻra, ijtimoiy soha obʼektlariga, DXShlarga belgilangan reja doirasida koʻmir yetkazib berish ishlari amalga oshirilib, tegishli yoʻnalishlarda 100 foizlik natijaga erishilgan.

Aholiga qulaylik yaratish maqsadida (Mycoal.uz) elektron platformasi orqali koʻmirga buyurtma berish tizimi ham yoʻlga qoʻyilgan. Fuqarolar platformada roʻyxatdan oʻtib, kerakli koʻmir turini tanlashi, buyurtma uchun ariza yuborishi va uning holatini kuzatib borishi mumkin. Toʻlovlarni bank kartasi, onlayn toʻlov tizimi yoki omborda naqd pul orqali amalga oshirish imkoniyati yaratilgan.

Viloyat hokimi aholini kuz-qish mavsumida ijtimoiy qoʻllab-quvvatlash, xonadonlarga koʻmirni oʻz vaqtida arzon va belgilangan tartibda yetkazib berish, ayniqsa, ijtimoiy himoyaga muhtoj oilalar ehtiyojlariga alohida eʼtibor qaratish muhimligini taʼkidladi.

Masʼullarga koʻmir taʼminotida uzilishlarga yoʻl qoʻymaslik, buyurtmalar ijrosini nazorat qilish, aholiga xizmat koʻrsatish sifatini oshirish hamda murojaatlarni tezkor hal etish yuzasidan tegishli vazifalar belgilandi.

Asosiy maqsad — sovuq kunlarda aholi xonadonlari va ijtimoiy soha obʼektlarini uzluksiz yoqilgʻi bilan taʼminlash, fuqarolar uchun munosib va qulay sharoit yaratishdir.

Davlatobod tumani hokimligi Axborot xizmati

Sayt | Telegram | Instagram | Facebook | X | YouTube