#ZILZILA_HAFTALIGI

🚒 “AGROBANK”DA MAXSUS-TAKTIK O‘QUV MASHQI O‘TKAZILDI

Bugun Namangan viloyati Yangi Namangan tumani Mingchinor MFY hududida joylashgan “Agrobank” ma’muriy binosida Namangan viloyati Favqulodda vaziyatlar boshqarmasi, qutqaruv tuzilmalari hamda hamkor tashkilotlar ishtirokida maxsus-taktik o‘quv mashqi o‘tkazildi.

Mashqdan ko‘zlangan asosiy maqsad — zilzila sodir bo‘lganda va undan so‘ng yuzaga kelishi mumkin bo‘lgan favqulodda vaziyatlarda to‘g‘ri va tezkor harakat qilish, oqibatlarini bartaraf etish hamda kuch va vositalarni samarali boshqarish bo‘yicha amaliy ko‘nikmalarni mustahkamlashdan iborat.

O‘quv mashqi davomida shartli zilzila oqibatida yuzaga kelgan yong‘inni tezkor bartaraf etish, odamlarni qutqarish, yong‘inning tarqalishiga yo‘l qo‘ymaslik hamda favqulodda vaziyatlar bo‘linmalarining hamkorlikdagi harakatlari amaliy tarzda namoyish etildi.

Shuningdek, qutqaruv xizmatlari va hamkor tashkilotlarning favqulodda vaziyatlarda o‘zaro hamkorligini samarali tashkil etish bo‘yicha nazariy va amaliy ko‘nikmalari mustahkamlandi.

Mashq yakunida amalga oshirilgan ishlar tahlil qilinib, yo‘l qo‘yilgan xato va kamchiliklar muhokama qilindi.

Namangan viloyati FVB Axborot xizmati.

Bizni ijtimoiy tarmoqlar orqali kuzating.

Fvb.uz | Telegram | Facebook | YouTube |  Instagram