#Hududlarda

Quvasoy bog‘larida kuz — baraka va mo‘l hosil fasli

Sanoati bilan tanilgan Quvasoy shahrida bog‘dorchilik ham yaxshi rivojlangan. Hozirda zamonaviy va intensiv bog‘lar ko‘paymoqda.

Bugun bog‘larda pishib yetilgan behi va olmalarning xushbo‘y hidi, totli ta’mi va jozibador rangi ko‘zlarni quvnatadi.

Bu go‘zallik zamirida bog‘bonlarning mashaqqatli mehnati, yerga bo‘lgan mehri va sabr-toqati mujassam. Kuzgi hosil esa ana shu mehnatning shirin samarasidir.

Fergana.gov.uz|Facebook|Instagram|Youtube|X

“Prezident Olimpiadasi”: xokkeychilarimiz yarim finalda

“Prezident Olimpiadasi” sport musobaqalari doirasida chim ustida xokkey bo‘yicha bellashuvlar qizg‘in davom etmoqda.

Navbatdagi bahsda Farg‘ona viloyati xokkeychilari Buxoro viloyati vakillariga qarshi maydonga tushib, 2:1 hisobida g‘alaba qozondi va yarim final bosqichiga yo‘l oldi.

Murosasiz kechgan uchrashuvda sportchilarimiz o‘z mahoratlari, jamoaviy birdamligi va g‘alabaga bo‘lgan intilishlarini namoyon etdilar.

Fergana.gov.uz|Facebook|Instagram|Youtube|X

Chorvachilik sohasidagi ilg‘or tajribalar o‘rganildi

Ayni paytda Farg‘ona viloyatining bir guruh rasmiylari va tadbirkorlaridan iborat delegatsiyasi Belarus Respublikasida xizmat safarida bo‘lib turibdi.

Delegatsiya a’zolari Minsk shahridagi "Belplemjivob’edineniye" — Belarus nasldor chorvachilik davlat birlashmasi faoliyati bilan tanishdi.

Mazkur birlashma nasldor chorvachilikni rivojlantirish, seleksiya va genetika sohasidagi faoliyatni muvofiqlashtirish, chorva mollarining nasliy sifatini yaxshilash hamda mahsuldorligini oshirishga ixtisoslashgan. Shuningdek, zamonaviy reproduktiv texnologiyalarni joriy etish va xalqaro hamkorlikni kengaytirish yo‘nalishlarida faoliyat olib boradi.

Fergana.gov.uz|Facebook|Instagram|Youtube|X