🔴 د 24 دەمژمێرێن بۆری دا چ چێبوو؟🔴 مه‌سروور بارزانى: ژ 2013ێ تا نها حكومه‌تا فیدرال رێ نه‌دایه‌ كه‌سه‌ك ل هه‌رێما كوردستانێ بهێته‌ دامه‌زراندن و دێ بزاڤێ كه‌ین چاره‌ بكه‌ین، یان ل كه‌رتێ تایبه‌ت كارى بۆ ببینین.
🔴 ده‌زگه‌هێ ئاسایشا هه‌رێما كوردستانێ ده‌سته‌سه‌ركرنا 22 تیرۆرستێن داعشێ راگه‌هاند، كو ل (سلێمانییێ، هەلەبجە، پێنجوین، خورمال، و سیروان) هاتینه‌ ده‌سته‌سه‌ركرن و خۆ ب چه‌كدارێن ویلایه‌تا كوردستان بناڤكرییه‌.
🔴 شانەیا راگەهاندنا ئێمناهی یا ئیراقێ وان دەنگۆیان رەت دکەت ئەوێن بەحس ل ئازادکرنا ژمارەیەکا مەزن یا تیرۆریستان ل هەولێر و دهۆکێ و ڤەگوهاستنا وان بۆ کەرکووکێ دکەن.
🔴 د بەرنامەیێ دەق و دەق یێ گاڤ دا بەحسا کێمییا میلاکی ل پەروەردەیا زاخۆ هاتبوو کرن، وەزیرێ پەروەردێ ل دۆر ڤێ پرسێ بەرسڤا پسیارەکا گاڤ ددەت و دبێژیت: رێڤەبەرێن پەروەردەیان کێشە چارەکریە و بەرپرسایەتییا وانە.
🔴 لژنەیەکا تایبەت یا وەزارەتا ساخلەمییێ سەرا زاخۆ دا و بڕیار دا نشتەرگەرى ل دو نەخۆشخانەیان نەهێنە کرن و ئەگەر ژى بۆ نە پێگیریکرن ب رێنمایان ڤەگەڕاند.
🔴 100 ما

🔴 میلیشیایێن ئیراقی ل بەسرا وێنەیێ عەلی زەیدی، ئالایێ ئەمریکا و ئسرائیلێ پێکڤە دسۆژن
● وەک کارڤەدانەک ل بەرامبەر گرتنا 10 چەکدارێن حەشدا شەعبی ژ ئالییێ هێزێن ئێمناهی ڤە.
بۆچی ئەو چەکدارە هاتبوونە گرتن؟
● د رێوەرسمێن (رۆژا سەروەرییێ) دا چەکدارێن حەشدا شەعبی ب ترومبێلێن خۆ یێن سەربازی ڤە ل سەر ئالایێ ئەمریکا را چووبوون، عەلی زەیدی ژی فەرمانا دەستەسەرکرنا وان دەرکربوو.

🔴 ئەڤرۆ ل پەرستگەها لالش دێ رێورەسمێن جەژنا جەمایێ هێنە گێڕان، ئێزدى ل سەرانسەرى جیهانێ سەرا پەرستگەها لالش ددەن و بۆ دەما 7 رۆژان ب چەندین رێورەسمێن ئۆلى جەژنێ د گێڕن، ژ وان ژى پەرى سوارکرن، بەرێ شباکێ، قەپاغ، کێشانا سەمایێ و چەندین رێورەسمێن دى ژى دهێنە گێڕان.
● ب ڤێ هەلکەفتێ بۆ هەموو فەرمانبەرێن ئێزدى بۆ دەما 7 رۆژان ل هەرێما کوردستانێ بێهنڤەدانا فەرمى یە.
● جڤاتا رۆحانى یا ئێزدییان بڕیار دایە پشتى دەمژمێر 9ى شەڤێ نابیت کەس سەرا پەرستگەها لالش بدەت.

🔴 د پەیامەکێ دا نێچیرڤان بارزانى، سەرۆکێ هەرێما کوردستانێ جه‌ژنا جه‌مايێ ل ته‌ڤايا وه‌لاتى يێن ئێزدى ل كوردستانێ، ئیراقێ و ل هه‌ر ده‌ره‌كا جيهانێ پیرۆز کر و هيڤيخواست جه‌ژنه‌كا ئارام و ته‌نا ببۆرينن و هه‌موو جه‌ژن و هه‌لكه‌فتێن بهێن ب خێر و خۆشى ڤه‌گه‌ڕن.

🔴 سەرۆک مەسعوود بارزانى: ب هەلکەفتا جەژنا جەما یا خوشک و برایێن ئێزدی، پیرۆزباهییەکا گەرم ل جڤاتا رۆحانی و ئۆلدار و هەموو ئێزدیێن کوردستانێ و جیهانێ دکەم.

🔴 سەرۆکوەزیر مەسروور بارزانی پێشانگەها هایتێکس ڤەکر و درۆن و هەلیکۆپتەرێن ڤەمراندنا ئاگری نیشاندان

🔴 گۆشتێ گۆلکی د بازاری دا نەمایە و خەلک ناڤێن خۆ بۆ کرینێ دنڤیسن
● هەر جۆرەکێ گۆشتی 2 هزار دینار چووینە سەر.

🔴 پشتی نیڤرۆ دێ بارانەکا بۆش باریت
سەقاناسییا هەرێمێ راگەهاند:
● پشتی نیڤرۆ ل هەمی پارێزگەهێن هەرێمێ دێ ئاستێ بارینا بارانێ زێدەبیت و ل هندەک جهان دێ گەلەک بۆش باریت.

🔴 مەسروور بارزانی، سەرۆکێ حکومەتا هەرێما کوردستانێ، ل حەفتەمین پێشانگەها تەکنەلۆژی هایتێکس داخواز ژ ئالیێن سیاسی کر پەرلەمانی کارا بکەن و گۆت؛
● ئەڤە بەرپرسیارییەکا نشتیمانی یە خەلکی دەنگ دایە وان و پێدڤییە ئەو ژی هەست ب وێ بەرپرسیاریێی بکەن و وەفا بۆ وی دەنگی هەبیت یێ ب وان هاتییە دان.
● سەبارەت ڤەکێشانا هێزێن هەڤپەیمان ژی گۆت؛ ئەرکێ وان ب دویماهی هات، پشتراستییێ ددەینە خەلکێ کوردستانێ کو چ مەترسییەکا ئێمناهییێ ل سەر هەرێمێ نینە پاشەرۆژەکا روهنتر و سەقامگیرتر ل بەندا وانە.
● دەربارەی بابەتێ دابینکرنا دژە درۆنان گۆت، ئەڤ خالە گرنگە ئەم پێتڤی ب هاریکارییا دۆستێن خۆینە ل گەل وان و حکومەتا ئیراقێ بەردەوام د گۆتوبێژان داینە ئەگەر بدەستڤەهات ئێدی چ مەترسی نامینن.
● دەربارەی پەیوەندیێن هەولێر و بەغدایێ ژی گۆت؛ ئەم د گۆتوبێژێن بەردەوام داینە بۆ دابینکرنا شایسەتێین دارایی یێن هەرێما کوردستانێ ل گۆرەی دەستووری.

🔴 ب بەرهەڤبوونا پارێزگاری قوتابخانەیا گوندێ فرەنسی 2 هاتە ڤەکرن

🔴ما ل کیرا جیهانێ دروستە دەرچوویێن وێژەیی و پیشەیی ل پشکێن زانستی بهێنە وەرگرتن؟
● پەرلەمانتارەک دبێژیت: ناڤێن ڤان دەرچوویان د زانکۆلاین دا ناهێن، بەلکو د لیستەکا تایبەت دا دهێنە وەرگرتن.
● بۆ دیتنا تمامییا بەرنامەیی ل دۆر کەرتێ پەروەردێ سەرەدانا یۆتیۆبێ گاڤ بکەن. https://youtube.com/playlist?list=PLtUX-Ao5uZTipZXwJgDt_vfLXOWWce0t9&si=7zEBp75W9HVHkuSj

🔴 ب ڤیدیۆ.. سەرۆک نێچیرڤان بارزانی ل گەل کریستیان ئۆلفکی، کۆنسلێ نوی یێ ئەلمانیا ل هەولێرێ کۆمبوو
ل گۆرەی سەرۆکاتییا هەرێما کوردستانێ:
● سەرۆکێ هەرێما کوردستانێ د کۆمبوونێ دا سوپاسییا هاریکاری و پشتەڤانییا بەردەوام یا ئەلمانیا کر، تایبەت د شەڕێ دژی داعشێ دا ل گەل هاریکارییێن سیاسی و مرۆڤی.
● کۆنسلێ ئەلمانیا ژی رۆلێ سەرۆک نێچیرڤان بارزانی ل ئیراق و دەڤەرێ ب گرنگ ل قەلەم دا.

🔴 ئەگەر ئەڤ بۆدجەیە هاتە پەسەندکرن و بهایێ دۆلاری ب ڤی رەنگی بیت، دبیت بهایێ هەمی تشتان گرانبیت.
● د بۆدجەیا سێ سالێن بۆری دا بهایێ 100 دۆلارێن ئەمریکی ل بەنکا ناڤەندی 130 هزار دیناربوو.

🔴 تە باوەری هەیە ل سالا بهێت هەمی مووچە د دەمێ خۆ دا بهێن؟
د. رێبوار کەریم، ئەندامێ لژنەیا دارایی یا پەرلەمانێ ئیراقێ راگەهاند:
● ئەڤرۆ وەزیرێ دارایی یێ فیدرالی ل گەل لژنەیا دارایی یا پەرلەمانی کۆمبوو و پرۆژەیاسایا بۆدجەیا سالا 2027ێ هاتە بەحسکرن.
● مووچەیێ فەرمانبەرێن هەرێمێ د بۆدجەیا 2027ێ دا هاتە مسۆگەرکرن.

🔴 ب ڤیدیۆ... ئەڤرۆ نێچیرڤان بارزانى، سەرۆکێ هەرێما کوردستانێ ل گەل شتێڤان ڤێنت، بەرپرسێ نڤیسینگەها پەیوەندیێن دەرڤە یا ئێکەتییا ئەورۆپا کۆمبوو.
🔴 سەرۆک نێچیرڤان بارزانى:
● هیڤییا سەرکەفتنێ د ئەرکێ وى یی نوو دا بۆ د خوازم.
● هەموو پشتەڤانییا خۆ بۆ سەرخستنا ئەرکێن وى دوپات دکەم.
● سوپاسییا هەماهەنگییا بەردەوام یا ئێکەتییا ئەورۆپا دکەم.
🔴 شتێڤان ڤێنت:
● خۆشحالم ل هەرێما کوردستانێ دەستبکاربوویم
● ئێکەتییا ئەورۆپا ب گرنگ ل پەیوەندیێن ل گەل هەرێما کوردستانێ تەماشە دکەت.
● ئێکەتییا ئەورۆپا دڤێت ئارامى و سەقامگێرییا هەرێمێ هەر بمینیت.
● ئێکەتییا ئەورۆپا بۆ گرنگیدانەکا زێدەتر ب پەیوەندی و بەرفرهکرنا ئاستێ هاریکاریێ بەرهەڤە.

🔴 وەزیرێ دارایى یێ ئیراقێ د کۆمبوونا ل گەل لژنەیا دارایى و ئابۆرى دا گۆتیە: تا پێنجشەمبێ مووچە دێ بۆ هەرێما کوردستانێ هێتە خەرجکرن، ئەو ژى ئەگەر داهاتێ ناڤخۆ یێ ئیراقێ بهێتە کۆمکرن.

🔴 پتری 15 رۆژانە ئامیرەیێ قەستەرەیا دلی ل نەخۆشخانەیا گشتی یا زاخۆ ژ کار کەفتییە
● نوح سلێمان دویڤچوونا بابەتی کرییە، رێڤەبەرێ گشتییێ ساخلەمییا زاخۆ بۆ گاڤ ئەگەر ئاشکراکرینە.

🔴 د دەما نێزیکی 20 رۆژان دا بهایێ غازێ ژ 500 دیناران بۆ 750 دیناران بلندبوویە

🔴 بۆچی بهایێ دینارێ ئیراقێ ل هەمبەر دۆلارێ ئەمریکی پتر داکەفت؟
● نوکە 100 دۆلار ب 162 هزار دینارانە.

🔴 هات.. فالح ساری، وەزیرێ دارایی یێ ئیراقێ راگەهاند؛ سوبەهی دێ مووچەیێ فەرمانبەر و مووچەخۆرێن هەرێما کوردستانێ هێنە هنارتن.