🔴 ب ڤیدیۆ.. ببین چەوا مووشەکەکا رۆسی یا ژجۆرێ S8000 Banderol پرەکێ ل کیێڤا پایتەختا ئۆکراینا ل هنداڤی رویبارێ دنیپەر کون دکەت.

🔴11 کۆچبەرێن دی ژ لیبیا دێ بۆ هەرێما کوردستانێ هێنە ڤەگەراندن
وەزارەتا ناڤخۆ یا هەرێما کوردستانێ راگەهاند؛
● ل سەر راسپاردەیا مەسروور بارزانی، سەرۆکوەزیرێن هەرێما کوردستانێ، 11 گەنجێن کورد دێ ژ لیبیا بۆ هەرێما کوردستانێ هێنە ڤەگەراندن هەڤدەم بزاڤێن بەردەوام ژی هەنە بۆ دیتنا 10 گەنجێن دی یێن بێشەروشین یێن دەڤەرا راپەرین.

🔴 دینار داکەفت، دۆلار بلند بوو، گوهدارییا یاسر عەبدولرەحمان، پەیامنێرێ گاڤ بکەن بزانە هەر سەد دۆلا ب چەند دینارێن ئیراقى یە؟

🔴 رێڤەبەرێ نەخۆشییا هیڤى یا زاڕۆکان هۆشداریێ ژ بەلاڤبوونا نەخۆشییا سۆرکان ددەت و دبێژیتە دایک و بابان زاڕۆکێن خۆ ڤاکسین بدەن.

🔴 کەنگی گاز بۆ قوتابخانەیان دێ هێتە دابینکرن؟
● ل دۆر وی بابەتی ئالان حەمە سەعید، وەزیرێ پەروەردێ بەرسڤا پرسیارەکا پەیامنێرێ گاڤ رەحیم عومەر دا.

🔴 بتنێ کۆلانەک مایە ل ناڤا تاخێ ئێتیتێ نەهاتییە چێکرن، وەلاتى د خوازن ئەو رێک بهێتە چێکرن دا ل زڤستانا ئەڤسالە ئاڤ نەچیتە د مالێن وان دا.

🔴 شانەیا راگەهاندنا ئێمناهی یا ئیراقێ وان دەنگۆیان رەت دکەت ئەوێن بەحس ل ئازادکرنا ژمارەیەکا مەزن یا تیرۆریستان ل هەولێر و دهۆکێ و ڤەگوهاستنا وان بۆ کەرکووکێ دکەن.
شانەیا راگەهاندنا ئێمناهی یا ئیراقێ:
● ل دویڤ وان زانیاریێن فەرمی یێن ل بەر دەست، ئەو ئاخڤتن پشتبەستنێ ل سەر چ راگەهاندن و هەلویستەکێ ئالییێن ئێمناهی یێن تایبەتمەندێن ئیراقێ ناکەن و هەتا نوکە چ تشتەک نینە راستییا وان بانگەشەیان بسەلمینیت.
● دەزگەهێن ئێمناهی وهەوالگیرییێن تایبەتمەند بەردەوام چاڤدێرییا هەمی وان زانیارییان دکەن ئەوێن پەیوەندی ب گەفێن تیرۆریستی و لڤینا کەسێن داخوازکری ڤە هەیی.
● داخوازێ ژ وەلاتییان دکەین باوەرییێ ب وان نووچە و زانیارییان نەکەن ئەوێن ژ ژێدەرێن نەفەرمی بەلاڤدبن و ب تنێ پشتبەستنێ ل سەر وان راگەهاندنان بکەن ئەوێن ژ ئالییێن فەرمی یێن تایبەتمەند ڤە دەردەکەڤن.

🔴 گاڤ کێشەییا تەمامنەکرنا قوتابخانەیا حەۆشکێ د گەهینیتە وەزیرێ پەروەردێ
● وەزیرێ پەروەردێ گازی سەگڤان حەسەن، رێڤەبەرێ پەروەردەیا دهۆکێ دکەت، پێکڤە بەحسا بابەتی دکەن.

🔴 بۆچی نشتەرگەری ل 2 نەخۆشخانەیێن تایبەت یێن زاخۆ هاتنە قەدەغەکرن؟
● زانیاری تایبەت یێن گاڤن، نوح سلێمان بەحس دکەت.

🔴 ل نێزیک گەلییێ رەشاڤە وەلاتییەک د دارەکێ دا کەفت و برینداربوویە
سەربەست محەمەد ئەمین ـ بەرپرسێ بنگەهێ بەرەڤانییا باژێرێ ل دێرەلۆکێ بۆ گاڤ گۆت:
● ناڤێ وی کەسی نزار رەمەزانە ژیێ وی 52 سالن، د دارەکا بهێمکێ دا کەفتییە خوار و برینداربوویە.
● ب داربەستێ ئەو کەسە جهەکێ دیار هاتە ڤەگۆهاستن، و پاشی ب ئەمبۆلانسێ وەلاتیێ ناڤهاتی هاتییە ڤەگۆهاستن بۆ نەخۆشخانا شورەش ـ هێتیت.
● ساخلەمییا قەزا ئامێدیێ بۆ گاڤ گۆت؛ رەوشا وی وەلاتییێ کەفتییە خوار یا باشە و برینا وی یا سڤکە و چارەسەریا پێدڤی بۆ هاتییە کرن.

🔴 کێشەیا ترومبێلێن ئورۆپی یێن مەنافێست هاتە چارەکرن
راستە دێ هێنە رەقەمکرن؟

🔴 ده‌رچوویه‌كا زانكۆیا دهۆك، خۆ ب ئالایێ كوردستانێ خه‌ملاندیه‌، گۆتنه‌كێ دكه‌ته‌ دیارى بۆ ده‌یكوبابێن خۆ.