🔴 د 24 دەمژمێرێن بۆری دا چ چێبوو؟
🔴 دیدارا مێری دەستپێکر، سەرۆک نێچیرڤان بارزانی، ژمارەکا پەیامێن گرنگ راگەهاندن.
🔴 سەرۆک نێچیرڤان بارزانی: داخواز ژمن هاتەکرن ناڤبەیندکارییێ دناڤبەرا ئەمریکا و ئیرانێ دا بکەم.
🔴 سەرۆک بارزانی و محەمەد شیاع سوودان کۆمبوون بەحس ل رەوشا سیاسی یا ئیراق و دەڤەرێ کر.
🔴 مەزلووم عەبدی بۆ سەرۆک نێچیرڤان بارزانی: سوپاس بۆ پشتەڤانییا تە یا بەردەوام ل مافێن کوردان و بزاڤێن تە ل پێناڤی ئاشتی و سەقامگیرییێ.
🔴 باڤل تەلەبانی د دیدارا مێری دا: ئەم نەشێین و مە نەڤێت بێی پارتی حوکمی بکەین.
🔴 ئیلهام ئەحمەد، د دیدارا مێری دا: ئێکگرتنا هەسەدێ و سوپایێ سووریا گوهۆڕینەکا بەرچاڤ ل مەیدانێ پەیدا کر.
🔴 ئێحسان حەسەن سکالایێ ل سەر پەرلەمانتارەکێ تۆمار دکەت و وێ پەرلەمانتارێ ژی پەیامەک بەلاڤکر.
🔴 لژنەیا چاڤدێرییا بازرگانی ل دهۆک و زاخۆ ل ناڤ بازاری گەریان و دویڤچوونا گرانبوونا بهایان کر.
🔴 گەنجەکێ دهۆکێ یێ ل ئەلمانیا دژیت دێ ژ ئالییێ ئینتەرپۆلێ ڤە بۆ دهۆکێ هێتە ڤەگەراندن و دێ رادەستی هێزێن ئەمنی هێتەکرن.

🔴 باژێڕڤانییا زاخۆ دێ وان چار خوارنگەهـ و کافییێن ئاگر بەربوویێ نویژەن کەت.

🔴 وەلاتییەکی ل تاخێ بەرۆشکێ ئەڤ پارچە ڤیدیۆیە بۆ گاڤ هنارتییە و دبێژیت: هندی دبیتە زڤستان ئەڤە حالێ مەیە ل گەل ڤی محاویلەیێ کارەبێ.

🔴 خواندنێ پێشانگەهەکا ترومبێلان دبێژیت: پشتى بلندبوونا بهایێ دۆلارى زیانەکا مەزن ب وان کەفتییە و هەر ترومبێلەکێ ب کێمى 10 بۆ 15 وەرەقێن دۆلارى ژێڤەبووینە.
🔴 خودانێ پێشانگەهەکێ:
● د خوازم رەوشا هەژاران ل پێش چاڤ بهێتە وەرگرتن.

🔴 دیدارا مێری بۆ رۆژا دویێ بەردەوامە
رێبەر ئەحمەد، وەزیرێ ناڤخۆ یێ حکومەتا هەرێما کوردستانێ راگەهاند؛
● هاتنا هەڤپەیمانان بۆ ئیراقێ ل سەر داخوازا حکومەتا فیدرال بوو.
● ڤەکێشانا هەڤپەیمانان دێ بەرپرسیاریەکا مەزن ئێخیتە سەر ملێن مە.
● مە ب هاریکارییا هێزێن هەڤپەیمان داعش بەزاند.
● ئەگەر پشتەڤانییا هەڤپەیمانان نەبوو، ئەنجامێن شەرێ هۆسا نەدبوون.

🔴 عەزیز ئەحمەد، جێگرێ رێڤەبەرێ نڤیسینگەها سەروکوەزیرێن هەرێما کوردستانێ د دیدارا مێری دا راگەهاند؛ د 3 هەیڤێن بهێن دا هەمی کوردستان دێ بیتە کارەبا 24 دەمژمێری

🔴 ب ڤیدیۆ.. سەرۆک نێچیرڤان بارزانی ل گەل تونجەر باکرهان، هەڤسەرۆکێ پارتییا یەکسانی و دیمۆکراسییا گەلان( دەم پارتی) کۆمبوو
ل گۆرەی مالپەرێ سەرۆکایەتییا هەرێما کوردستانی:
● د دیدارێ دا پرۆسا ئاشتییێ ل تورکیا و دویماهی پێشهات هاتنە بەحسکرن، هەردو ئالییان دوپاتی ل سەر گرنگییا مفاوەرگرتنێ ژ ڤێ دەرفەتا دیرۆکی بۆ بدەستڤەئینانا ئاشتیێ کر و دوپاتکر کو نابیت ژدەست بچیت، هەروەسا ئاماژە ب پێدڤییا پشته‌ڤانیا هەمی ئالییان بۆ پرۆسێ کر.
● سەرۆک نێچیرڤان بارزانی سەربارەی دوپاتکرنا پشته‌ڤانییێ بۆ پرۆسا ئاشتییێ، بەرهەڤییا خۆ بۆ هەمی هاریکارییا پێدڤی بۆ سەرخستنا پرۆسێ نیشان دا و دوپاتی ل سەر گرنگییا ئاشتییێ بۆ ئاسایش و سەقامگیرییا تورکیا و هەمی دەڤەرێ کر.
● ژئالییێ خۆ ڤە، تونجەر باکرهان سوپاس و پێزانینێن خۆ و یێن دەم پارتی بۆ هەلویست و بزاڤێن بەردەوام یێن سەرۆکێ هەرێما کوردستانێ د هاریکاریکرن و پشته‌ڤانیکرنا پرۆسێ دا دیار کر.

🔴 ئەڤرۆ نەخۆشخانەیەکا تایبەت ل ئاکرێ هاتە ڤەکرن، سەرۆکێ دەستەیا وەبەرهێنانێ بەحس ل چەندین پڕۆژەیێن دى ژى بۆ ئاکرێ و بەردەرەش دکەت.

🔴 کێشەیا نەخۆشخانەیا ئازادى چارە بوو
●شکێران زێبارى کێشەیا برنا پانکان بۆ نەخۆشخانەیا ئازادى و هەروەسا کێمییا دەرمانان ل هندەک نەخۆشخانەیان د گەهینیتە وەزیرێ ساخلەمیێ، وەزیرێ ساخلەمییا هەرێمێ ژى دبێژیت: کێشەیا دەرمانان هەیە، لێ هندەک جاران نە گرێدایى پارەیى یە.

مزگینییەک بۆ فەرمانبەرێن ل هیڤییا پارچە زەڤییان
●بۆ وان فەرمانبەرێن چاڤەڕێى وەرگرتنا پارچەزەڤییان پارێزگار مزگینییەکێ ددەت:
حەفتییا بهێت هەژمارەکا باش یا پارچە زەڤییان دێ ب سەر فەرمانبەران دا هێنە بەلاڤکرن.

🔴 ب ڤیدیۆ.. سەرۆک نێچیرڤان بارزانی جودا ل گەل بالیۆزێ رۆمانیا ڕادو دۆبرێ،
و بالیۆزێ فنلەندا ئانتی پوتکۆنێن، کۆمبوو
ل گۆرەی مالپەرێ سەرۆکایەتییا هەرێما کوردستانێ:
● د دیداران دا، پەیوەندییێن د ناڤبەرا هێلسنکی و بۆخارست ل گەل هەولێر و بەغدایێ هاتنە بەحسکرن هەروەسا بەحس ل چاوانییا پێشڤەبرنا وان پەیوەندییان هاتەکرن.
● دویماهی پێشهاتێن سیاسی یێن ئیراق و دەڤەرێ تەوەرەکێ دێ یێ دیداران بوون.

🔴 ما دروستە مامۆستایێ وانا هونەرێ ئنگلیزییێ بێژیت!؟
● ل دەڤەرا دۆسکیان مەترسییا گرتنا هندەک قوتابخانەیان هەیە ژبەر نەبوونا مامۆستایان.
"ماموستایێن مە یێن ڤەگۆهاستین زارۆکێن مە هێشتا وانا ئنگلیزیێ و زانستێ وەرنەگرتییە هۆسا بیت نە لازمە دێ دەرگەهێن قوتابخانان گرین"

🔴 دایکوبابێن قوتابییان گەلەک جاران گازندە گەهاندییە گاڤ و دبێژن زارۆکێن مە دمینە برسی.
● حانۆتێن گەلەک قوتابخانەیێن دهۆکێ تا نوکە نەهاتینە ڤەکرن.
● ئەڤرۆ لدۆر ڤی بابەتی کۆمبوونەک ل رێڤەبەریییا پەروەدا دهۆک هاتییەکرن، بزانە چ بریار هاتییە دان.

🔴 د. فارس بریفکانى ژ پشکا پارتى بۆ پۆستێ جێگرێ سەرۆکوەزیرێن ئیراقێ بەربژارە.
● د. فارس بریفکانى سەر ب پشکا پارتى دیمۆکراتى کوردستان ڤەیە.
● ڤێ پێنجشەمبێ دێ دەنگدان ل پەڕلەمانێ ئیراقێ ل سەر هێتەکرن.

🔴 د رۆژا دووێ یا دیدارا مێری دا، سەرۆک نێچیرڤان بارزانی، بافل تەلەبانی، مەزلووم عەبدی و تونجەر باکرهان پێکڤە ب گرنژین ڤە دهێنە ژوور

🔴 بۆچى سەرۆک نێچیرڤان بارزانى و بافل تالەبانى دەستان بۆ قوباد تالەبانى دقوتن و سەرۆک نێچیرڤان دبێژیت عەفیە؟

🔴 قوباد تالەبانى بەحسێ کۆمبوونا بهێت یا پارتى و ئێکەتییێ دکەت و دبێژیت: ئێک شەمبێ بیت دو شەمب بیت پارتى و ئێکەتى هەر دێ کۆمبن.

🔴 جەنەڕال یان شیرەتکار..
مەزلووم عەبدی دبێژیت: جەنەڕال.